Тауарлардың көрінісі фотосуретте көрсетілгеннен өзгеше болуы мүмкін

Мульти-табс Юниор с 4 лет (фруктовый вкус) № 30 табл

Қолжетімділігі
Тауар қолда жоқ
Үлгі
5700666022860
Елі
Италия
Өндіруші
Pfizer
  • Сипаттама

Сипаттама

Дәрілік затты медициналық қолдану

жөніндегі нұсқаулық

Мульти-табс® Юниор

Саудалық атауы

Мульти-Табс® Юниор

Халықаралық патенттелмеген атауы

Жоқ

Дәрілік түрі

Таңқурай-құлпынай немесе жеміс дәмді шайнайтын таблеткалар

Құрамы

Бір таблетканың құрамында

белсенді заттар:

Ретинол ацетаты ретинолға шаққанда (А дәрумені)800 мкг

Холекальциферол (D3 дәрумені)5 мкг

d,l-α-токоферол ацетаты

d-α-токоферолға шаққанда (Е дәрумені)10 мг

Тиамин мононитраты (В1 дәрумені)1,4 мг

Рибофлавин (В2 дәрумені) 1,6 мг

Пиридоксин гидрохлориді (В6 дәрумені)2 мг

Цианокобаламин (В12 дәрумені)1 мкг

Никотинамид18 мг

Пантотен қышқылы (кальций пантотенаты түрінде)6 мг

Фолий қышқылы (фолий қышқылы гидраты түрінде) 100 мкг

Аскорбин қышқылы (С дәрумені)60 мг

Темір (темір карбонилі түрінде) 14 мг

Мырыш (мырыш тотығы түрінде)15 мг

Мыс (мыс тотығы түрінде)2 мг

Марганец (марганец сульфаты моногидраты түрінде)2,5 мг

Хром (хром хлориді гексагидраты түрінде)50 мкг

Селен (натрий селенаты түрінде)50 мкг

Йод (калий йодиді түрінде)150 мкг

қосымша заттар: ксилитол грануляты (ксилитол 96,5%, полидекстроза 3,5%), микрокристалды целлюлоза, стеарин қышқылы, кремнийдің қостотығы, сусыз кальций гидрофосфаты, силикатталған микрокристалды целлюлоза, гидроксипропилцеллюлоза, хош иістендіргіш*, аспартам, желатин, глицерин 85%, аскорбин қышқылы, сусыз лимон қышқылы.

*- Таңқурай/құлпынай хош иістендіргіші (Таңқурай хош иістендіргіші – 7.000 мг және құлпынай хош иістендіргіші – 7.000 мг) немесе жеміс хош иістендіргіші (жеміс хош иістендіргіші 051880 АР0551 – 7.000 мг және жеміс хош иістендіргіші 050377 ТР0551 – 5.000 мг)

Сипаттамасы

Дөңгелек тегіс ойығы бар, түсі әртүрлі теңбілдері бар, сұр реңді ақтан ақшыл-сары түске дейінгі таблеткалар.

Фармакотерапиялық тобы

Ас қорыту жолы және зат алмасу. Дәрумендер. Полидәрумендер. Минералды заттармен полидәрумендер. Полидәрумендер және микроэлементтер.

АТХ коды А11АА04

Фармакологиялық қасиеттері

Фармакокинетикасы

Мульти-табсâ Юниор препаратының әсері оның компоненттерінің тұтас әсері арқылы білінеді, сондықтан оның әсеріне клиникалық бақылау жүргізу мүмкін емес; маркерлердің немесе био-зерттеулердің көмегімен барлық компоненттеріне тексеру жүргізіле алмайды. Осы себептенпрепарттар метаболиттерінанықтауға мүмкіндік жоқ.

Фармакодинамикасы

Мульти-табсâ Юниор – құрамында дәрумендер мен минералдар кешені бар біріктірілген препарат. Оның әсері құрамына кіретін дәрумендер мен минералдар қасиеттері арқылы анықталады.

А дәрумені организмнің дұрыс өсуі мен дамуына мүмкіндік жасайды. Иммундық жүйені қалыптастыруда маңызды рөл атқарады, организмнің әр түрлі инфекцияларға қарсылығын арттырады. Көздің қалыпты көру функциясын қамтамасыз етеді. Организмнің антиоксидантты қорғанышының маңызды компоненті болып табылады. Тері және шырыш жағдайының қалыпқа келуін демейді.

D дәрумені өсіп келе жатқан организмде сүйектер мен тістердің дұрыс қалыптасуы үшін қажет. Қан плазмасында органикалық емес фосфор мен кальцийдің деңгейлерін сақтайды, рахит пен остеомаляцияның дамуына жол бермейді.

С дәрумені коллаген деп аталатын ақуыздың түзілуінде маңызы зор, ол дәнекер тіндердің, сүйектердің, шеміршектердің, тістердің және теріні түзететін материалдардың едәуір бөлігін құрайды.

Иммунды жүйе және ақ қан жасушаларының қызмет атқаруы үшін маңызды мәнге ие, организмнің әр түрлі инфекцияларға қарсылығының артуына мүмкіндік береді. Асқазан-ішек жолынан органикалық емес темірдің сіңуіне ықпал етеді. Одан басқа антиоксидантты қасиетке иеленген.

Е дәрумені иммундық жүйенің жағдайын стимуляциялайды және жақсартады. Табиғи антиоксидант. Бұлшықет жүйесінің қалыпты функциясын жүзеге асырып, оның қызмет жағдайын, денеге түскен күшке деген төзімділігін жақсартады.

В1 дәрумені кетоқышқылдың декарбоксилденуі үшін коэнзимнің құрамды бөлігіне кіретін көмірсу алмасуының қажетті компоненті болып табылады; ақуыз, көмірсу және май алмасуларында маңызды рөл атқарады, синапстерде жүйке қозғыштығын өткізуге қатысады.

В2 дәрумені көмірсулардың, ақуыздардың және майлардың алмасуында, гемоглобиннің синтезінде үлкен маңызға иеленген. Жарақаттанғанда және кесіп алғанда тіндердің регенерациясына ықпал етеді, шырышты қабықтар мен терінің қалыпты құрылымы мен функциясын сақтайды. Орталық пен шеткері жүйке жүйесінің жағдайын реттейді, көруге оң ықпал етеді.

В6 дәрумені орталық және шеткері жүйке жүйесінің функциясының қалыпты болуы үшін аса маңызды. Фосфорлы-кальцийдің алмасуын реттейді, бауыр функциясын жақсартады, қан түзілуіне қатысады.

В12 дәрумені жүйке жүйесі қалыпты қызмет ету үшін қажет, зейін мен жадының шоғырландыруын жақсартады. Эритропоэзді стимуляциялайды.

Никотинамид жалпы холестериннің деңгейін тиімді төмендетеді. Май және көмірсу алмасуында, амин қышқылының метаболизмінде маңызы зор.

Жоғары жүйке жүйесін және ас қорыту ағзаларының функциясын реттейді және микроайналымды жақсартады. Жасушада тотығу-қалпына келтіру үдерісіне қатысады, тыныс алудың тіндік үдерісін тұрақтандырады.

Пантотен қышқылы тотығу және ацетилдену үдерістерін реттеуде үлкен рөл атқарады. Көмірсулар мен майлардың алмасуына, ацетилхолиннің және стероидты гормондар синтезіне қатысады, антидененің синтезін стимуляциялайды. Антибиотиктермен емдеген кезде пайда болатын жағымсыз және уытты әсерлерді төмендетеді. Миокардтың жиырылу функциясының қуатпен қамтамасыз етілуін жақсартады, регенерация үдерісін жылдамдатады.

Фолий қышқылы жасушалардың, соның ішінде қанның формалық элементтерінің қалыпты бөлінуіне, амин қышқылдарының (оның ішінде глициннің, метиониннің), нуклеин қышқылдарының, пиримидиндердің синтезіне қатысады, эритроциттердегемоглобиннің пайда болуында үлкен маңызға иеленген.

Темір қан түзу үрдістеріне қатысады, жасушалық жергілікті иммунитеттің қалыпты жұмыс жасауына мүмкіндік береді.

Мырыш эритроциттердің және қанның басқа формалық элементтерінің түзілуі үшін қажет. Организмнің иммундық үдерістерін тұрақтандырады. Организмнің көптеген ферменттер құрамына кіреді. Мырыш жеткіліксіздігі аз өсумен, иммунтитеттің төмендеуімен, ауру деңгейінің жоғарылауымен астасады.

Мыс өмірлік қажетті микроэлемент болып табылады. Метаболизмдік үдерістерде үлкен рөл атқарады, гемоглобиннің түзілуіне қатысады.

Марганец иммуноглобулиндер синтезін стимуляциялайды, асқын тотықты радикалдардың қауіпті әсер етуінен организмді қорғауда маңызды рөл атқарады.

Хром инсулиннің синтезделу үдерісіне қатысады. Адам организмінде хром мөлшерінің төмендеуі қандағы қант мөлшерінің күрт өзгеруін тудыруыжәне диабеттің дамуына мүмкіндік жасауы мүмкін.

Селенантиоксидант, иммундық жүйесін қорғайтын әсері бар, организмге зақым келтіретін бос радикалдардың түзілуіне жол бермейді. Организмде синтезделмейді.

Йод қалқанша бездің гормондарының құрамына кіреді, олар мидың, жүйке жүйесінің, жыныстық және сүт бездерінің қызметтерін, организмнің өсуі мен дамуын реттейді. Организмде синтезделмейді.

Қолданылуы

4 жастан 11 жасқа дейінгі балаларда гиповитаминоздың және минералды заттардың жеткіліксіздігінің профилактикасы үшін:

  • қарқынды өсу кезеңінде дәрумендер мен минералдарға қажеттілік жоғары болған кезде;
  • ойлау және дене жүктемесі жоғары кезде;
  • ауруды өткергеннен кейін қалпына келтіру кезеңінде;
  • теңдестірілмеген немесе толыққанды тамақтанбаған кезде.
  • препараттың жеке компоненттеріне жоғары сезімталдық;
  • А немесе D дәруменінің шамадан тыс жоғары болуы;
  • 4 жасқа дейінгі балаларға;
  • құрамында аспартам болғандықтан, фенилкетонуриясы бар пациенттерге препаратты қолдануға болмайды.

Қолдану тәсілі және дозалары

4 жастан 11 жасқа дейінгі балаларға - күніне 1 таблеткадан. Тамақпен бір мезгілде немесе тамақтанып болысымен маусымдық курспен қабылдау керек.

Препаратты қабылдау курсы – 1 ай. Қайталау курсы – дәрігердің ұсынымы бойынша.

Жағымсыз әсерлері

- сирек жағдайларда препараттың компоненттеріне аллергиялық реакциялар болуы мүмкін.

Қолдануға болмайтын жағдайлар

Дәрілермен өзара әрекеттесуі

Мульти-табс® Юниор препаратының құрамында темір бар, сондықтан тетрациклиндер тобының антибиотиктерін қолданғанда және микробтарға қарсы дәрілерді – фторхинолондар туындыларын бір мезгілде қолданғанда соңғыларының АІЖ-ден сіңуі баяулайды. С дәрумені сульфаниламид тобының микробтарға қарсы дәрінің жағымсыз әсерін және фармакологиялық тиімділігін күшейтеді. Құрамында алюминий, кальций, магний бар антацидтік препараттарды бір мезгілде қолданғанда Мульти-табс® Юниор препаратының құрамына кіретін темірдің сіңуі төмендейді.

Айрықша нұсқаулар

Мульти-табс® Юниорды қабылдау кезінде, әсіресе майда еритін дәрумендермен (А, D және Е) организмде жинақталуынан артық дозалануды болдырмау үшін басқа поливитаминдік препараттарды қабылдамаған жөн. Көрсетілген күндізгі дозадан арттырмаған жөн.

Артық дозалануы

Ұсынылған дозада қолданған кезде артық дозалану белгілері байқалмаған.

Шығарылу түрі және қаптамасы

Таңқурай-құлпынай немесе жеміс дәмді шайнайтын таблеткалар.

10 таблеткадан алюминий (алюминий/алюминий) фольгадан жасалған пішінді ұяшықты қаптамаға салынады.

3 немесе 6 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау шарттары

25оС-ден аспайтын температурада.

Балалардың қолы жетпейтін жерде сақтау керек!

Сақтау мерзімі

2 жыл.

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецептісіз

Өндіруші

«Пфайзер Консьюмер Мэнюфэкчуринг Италия С.Р.Л.», Виа Неттуненсе 90, 04011 Априлия (ЛТ), Италия.

Тіркеу куәлігінің иесі

«Пфайзер Инновации» ЖШҚ, Преснен жағалауы, 10 үй, Мәскеу, Ресей.

Қазақстан Республикасы аумағында тұтынушылардан өнімсапасына қатысты шағымдарды қабылдайтын ұйымныңмекенжайы

Pfizer Export B.V. (Пфайзер Экспорт Би.Ви.) компаниясының Қазақстан Республикасындағы филиалы:

050000, Алматы қ., Медеу ауданы, Нұрсұлтан Назарбаев даңғылы, 100/4, тел. 8(727)250-42-94