Алфагин №20, капс.

Сипаттама

Дәрілік затты медициналық қолдану

жөніндегі нұсқаулық

АЛФАГИН

Саудалық атауы

Алфагин

Халықаралық патенттелмеген атауы

Жоқ

Дәрілік түрі

Капсулалар

Құрамы

Бір капсуланың құрамында

белсенді заттар:

дәрілік эмблика жемістерінің қою экстрактісі200 мг

егістік жоңышқа жапырағының қою экстрактісі100.0 мг

грек бойдана тұқымдарының қою экстрактісі 100.0 мг

сібір женьшені тамырларының қою экстрактісі50 мг

қосымша заттар: жүгері крахмалы, кальций гидрофосфаты, микрокристалды целлюлоза.

капсула қабығының құрамы: желатин, тазартылған су, титанның қостотығы (Е 171), бриллиантты көк бояғыш № 1, қызыл бояғыш № 28, метилпарагидроксибензоат, пропилпарагидроксибензоат, натрий лаурилсульфаты.

Сипаттамасы

Капсулаларының корпусы мен қалпақшасында «ALFAGIN» жазуы бар өлшемі №0, күлгін түсті қатты желатинді капсулалар.

Капсулалардың ішіндегісі – күңгірт қоңыр түсті аморфты ұнтақ

Фармакотерапиялық тобы

Жалпы сергітетін препараттар

АТХ коды А13А

Фармакологиялық қасиеттері

Фармакокинетикасы

Сіңуі асқазан-ішек жолында жүреді. Алфагин препаратының әсер етуі оның компоненттерінің жиынтық әсері болып табылады, сондықтан кинетикалық бақылау жүргізу мүмкін емес; барлық компоненттерді бірге маркерлердің немесе биологиялық зерттеулер көмегімен анықтап отыру мүмкіндігі жоқ. Осы себептерден препарат метаболиттерін де анықтау мүмкін емес.

Фармакодинамикасы

Алфагин – кешенді өсімдік препараты, оның әсері құрамына кіретін өсімдіктерге негізделген.

Дәрілік эмблика құрамында С, В1, В2 дәрумендері,микроэлементтер, кальций, фосфор, темір, пектин бар. Биологиялық белсенді, табиғи С дәруменінің көп мөлшері антиоксиданттық қасиеттеріне негіз болады (бос радикалдардың тежегіші болып табылады). Тәбетті қоздырады, ас қорытуды жақсартады, эритропоэзды, ақуыздардың биосинтезін көтермелейді, шығу тегі мезенхималық тіндердің – сүйек дентині мен коллагеннің дұрыс репродукциясында ықпал етеді. Иммуномодуляциялаушы әсерге иеленген.

Егістік жоңышқа құрамында метионинге бай жеңіл қорытылатын ақуыз, сапониндер, фолий қышқылы, A, C, D, E, K, B1, B6, B12 дәрумендері, микроэлементтер бар. Тұз қышқылы мен пепсиннің өндірілуін күшейту арқылы тәбетті көтермелейді. Әсіресе суық тию және инфекциялық аурулардың профилактикасында жалпы нығайтатын әсер береді. Стреске төзімділікті арттырады, қажу мен депрессия кезінде көмектеседі. Сапониндер атеросклероздың дамуының алдын ала отырып, қандағыжоғарылаған холестерин құрамының төмендеуіне ықпал етеді, жүрек-қантамыр жүйесін нығайтады. Жоңышқа хлорофилдерге бай, олар шығу тегі әртүрлі анемияларды емдеуге мүмкіндік береді.

Грек бойданасы құрамында алкалоидтар (холин, тригонеллин), аминқышқылдары (лизин, лецитин, гистидин), гликозидтік сапониндер (диосгенин, тигогенин), дәрумендер (каротин, В1, С), минералдар – күкірт, кальций, фосфор, едәуір мөлшерде органикалық жеңіл қорытылатын түрдегі темір бар. Ас қорытуды жақсарта отырып, жалпы панкреатиндік сөліністі көтермелейді. Жалпы нығайтатын және сергітетін қасиеттері бар, организмнің дене күшін қалпына келтіреді. Гемоглобин деңгейінің жоғарылауына ықпал етеді.

Сібір женьшені құрамында гликозидтер болып табылатын (элеутерозидтер A, B, C, D, E деп аталатын) физиологиялық белсенді заттар бар, құрамында бұдан өзге кумарин туындылары, аралин алкалоидтары, сирингорезинол, изофраксидин, қатар жүретін заттар – эфир майы, шайыр, крахмал, полисахаридтер, липидтер, шайырлар, пектиндік заттар, дәрумендер, микроэлементтер бар. Көтермелегіш және сергіткіш әсері бар. Ми тіндерінің микроайналымын (қан айналымын) жақсарта отырып, ақыл-ой еңбегіне қабілеттілікті көтермелейді. Липидтерді аз жұмсаудың есебінен, фосфорилденумен және бұлшықеттердегі АТФ теңгерімінің жақсы сақталуымен астасқан бұлшықет қызметін жақсартады. Көмірсу-фосфор алмасуына оң ықпалын тигізе отырып, қандағы қант мөлшерін төмендетеді (диабеттің жеңіл түрінде). Қантамыр кеңейтетін әсеріне және қантамырлардың ішкі қабығында зат алмасу үдерісін қалпына келтіруге байланысты жүрек-қантамыр жүйесіне оң әсерін тигізеді, атеросклероздық түйіндақтардың түзілуінің алдын алады.

Алфагин – өсімдік препараты, ОЖЖ-ға көтермелегіш әсер береді,ақыл-ой және дене еңбегіне қабілеттілікті арттырады. Сергітетін әсері бар, жүйкенің ширығуын, шаршау мен қажуды төмендетеді. Бейімділік қасиеттерінің арқасында, Алфагин организмнің ішкі және сыртқы стресс факторларына қарсы тұру қабілетін көтермелейді. Иммунитетті нығайтады, тәбетті арттырады, бастан өткерген аурулардан соң хал-жайды жақсы сезінуді жақсартады.Жалпы нығайтқыш және антиоксиданттық қасиеттері бар.

Қолданылуы

- астениялық жағдайлар

- қажу, жұмысқа қабілеттіліктің артуына қажеттілік

- иммунитеттің төмендеуі, жиі суық тию

- жүйке жүйесінің тозуы, ваготонустық тип бойынша вегетотамырлық дистония

- химиотерапияда, сәулемен емдеуде, созылмалы уыттануда уытты әсерді төмендету қажет болғанда

- науқастарды оңалту жүргізгендегі демеуші ем

- анорексия,тәбеттің төмендеуі, дене салмағының төмендеуінде

Қолдану тәсілі және дозалары

Күніне екі рет тамақтан соң бір капсуладан.

Қабылдау уақыты – таңертең және түсте.

Емдеу курсы - 30 күн.

Жағымсыз әсерлері

- препарат компоненттеріне аллергиялық реакция

- артериялық қан қысымының жоғарылауы

- ұйқының (Алфагинді түнге қабылдағанда) бұзылуы

Қолдануға болмайтын жағдайлар

- препарат компоненттеріне жеке жоғары сезімталдық

- жүрек-қантамыр жүйесі ауруларының өршу жағдайы

- артериялық гипертензия

- 18 жасқа дейінгі балаларға және жасөспірімдерге

Дәрілермен өзара әрекеттесуі

Бластомаға қарсы дәрілердің уыттылығын азайтады.

Андрогендер мен анаболикалық стероидтардың әсерін күшейтеді.

Ұйықтататын және тыныштандыратын дәрілердің әсер ету ұзақтығын қысқартады.

Айрықша нұсқаулар

Препараттың сергіткіштік әсерін ескере отырып, препаратты күннің екінші жартысында қабылдамаған дұрыс.

Жүктілік және лактация кезеңі

Жүктілік және лактация кезеңінде қолдану тәжірибесі болмағандықтан препаратты бұл кезеңде қолдану ұсынылмайды,

Дәрілік заттың көлік құралдарын және қауіптілігі зор механизмдер мен машиналарды басқару қабілетіне әсер ету ерекшеліктері

Әсер етпейді

Артық дозалануы

Анықталмаған

Шығарылу түрі мен қаптамасы

20, 60 капсуладан бұралатын пластмасса қақпағы бар пластмасса құтыларда. Капсулалары бар құтыларға ылғал жұтқышы бар қапшық салынады, бос кеңістік гигроскопиялы медициналық мақтамен толтырылады.

Құтыны мемлекеттік және орыс тілдеріндегі қолдану жөніндегі нұсқаулықпен бірге картон қорапқа салады.

Сақтау шарттары

25ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

Хербион Пәкістан Пвт Лтд,

30/28 Коранги өндіріс аймағы,

Карачи қ-сы, Пәкістан.

Тіркеу куәлігінің иесі

Хербион Пәкістан Пвт Лтд, Пәкістан

Қазақстан Республикасы аумағында тұтынушылардан өнім сапасына қатысты шағымдарды қабылдайтын, дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«Фармация Юниверсал» ЖШС

Алматы қ-сы, Чаплин/Халиуллин к-сі71/66

Тел: 234-48-53, 234-44-88

Факс: 234-41-77

Қалалар