Тауарлардың көрінісі фотосуретте көрсетілгеннен өзгеше болуы мүмкін

Антифлу № 12 табл п/плён оболоч

2051
Қолжетімділігі
Сатылымда бар
Үлгі
4250369500765
Елі
США
Өндіруші
Сагмел, Инк.
  • Сипаттама
  • Дәріханалар

Сипаттама

Дәрілік затты медициналық қолдану жөніндегі нұсқаулық

Саудалық атауы

Антифлу®

Халықаралық патенттелмеген атауы

Жоқ

Дәрілік түрі, дозалануы

Үлбірлі қабықпен қапталған таблеткалар

Фармакотерапиялық тобы

Жүйке жүйесі. Анальгетиктер. Басқа анальгетиктер жәнеантипиретиктер. Анилидтер. Парацетамол, біріктірілімдері, психолептиктерді қоспағанда.

АТХ коды N02BE51

Қолданылуы

Тұмауды, вирустық инфекцияларды және суық тиюді симптоматикалық емдеу:

- дене температурасының көтерілуі, қалтырау

- бас және бұлшықет-буын ауыруы

- тамақтың ауыруы және жоғарғы тыныс жолдары мен қосалқы қойнаулар қабынуының басқа да симптомдары (мұрынның бітелуі, түшкіру).

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- препараттың белсенді затына немесе қосымша заттарына аса жоғары сезімталдық

- бауыр және/немесе бүйрек функциясының айқын бұзылуы

- глюкоза-6-фосфатдегидрогеназа ферментінің тапшылығы

- фруктоза жақпаушылығы, глюкоза/галактоза мальабсорбциясы немесе қант-изомальтоза жеткіліксіздігі

- Жильбер синдромы (глюкуронил-трансфераза тапшылығы нәтижесіндегі салдарлы интермиттирлеуші қатерсіз сарғаю)

- қан түзудің бұзылуы

- моноаминоксидаза (МАО) тежегіштерін қабылдайтын пациенттер.

- жүктілік және лактация кезеңі.

- 18 жасқа дейінгі балалар.

Басқа дәрілік препараттармен өзара әрекеттесуі

Ұйықтататын және седативті дәрілерді, нейролептиктерді, транквилизаторларды, алкогольді бір мезгілде қолдану хлорфенирамин малеатының орталық жүйке жүйесіне бәсеңдететін әсерін едәуір күшейтеді.

Ацетаминофеннің Гепато - және нефроуыттылық барбитураттармен, алкогольмен біріктірілгенде күшейеді.

Ацетаминофен мен зидовудинді бір мезгілде қолдану лейкоциттер санының төмендеуіне (нейтропения) әкелуі мүмкін.

Ацетаминофен антибиотиктердіңорганизмнен шығарылуын баяулатады. Тетрациклиндер ацетаминофенді қолданғанда анемия мен метгемоглобинемияның даму қаупін арттырады.

Фенилэфрин гидрохлориді резерпин мен октадиннің гипотензиялық әсерін бәсеңдетеді. Моноаминоксидаза тежегіштерін және фенилэфрин гидрохлоридін бірге қолдану гипертензиялық криздің дамуына әкелуі мүмкін.

Арнайы ескертулер

Седативті және ұйықтататын препараттармен бір мезгілде қолдану ұсынылмайды.

Дәрі келесі жағдайларда дәрігердің қауіп-пайда қатынасын бағалағаннан кейін ғана қабылдануы керек:

  • ялық гипертензия
  • демікпесі
  • ді стеноз
  • синдромы
  • тапшылығы

Ұсынылған дозаны және емдеу ұзақтығын арттырмаған жөн.

Жоғары дозаларды ұзақ уақыт қолдану бауыр мен бүйректің зақымдалуына әкелуі мүмкін; алкоголизм, алкогольді бауыр ауруы, сепсис немесе қант диабеті аясында көптеген дәрілерді қатар қолдану парацетамолды емдік дозаларда тағайындағанда бауырдың уытты зақымдану қаупін арттыруы мүмкін.

Жүктілік немесе лактация кезінде

Жүктілік және бала емізу кезеңінде қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Емдеу кезеңінде көлік құралдарын және басқа да ықтимал қауіпті қызмет түрлерін басқарудан аулақ болу керек.

Қолдану жөніндегі нұсқаулар

Дозалау режимі

Ересектер 4 сағат сайын 1-2 таблеткадан. Таблеткалар сумен қабылданады.

Ең жоғары тәуліктік доза тәулігіне 8 таблеткадан артық емес.

Пациенттердің ерекше топтары

Бауыр және бүйрек жеткіліксіздігі бар пациенттер

Препараттың тәуліктік дозасын азайту және қабылдау арасындағы аралықты арттыру ұсынылады.

Енгізу жолы және тәсілі

Пероральді.

Қабылдау уақыты көрсетілген қолдану жиілігі

Жоғары температура кезінде 4 сағат сайын 1-2 таблеткадан.

Емдеу ұзақтығы

Емдеу ұзақтығы - 3 күннен аспайды. Әрі қарай қолдану тек дәрігердің бақылауымен мүмкін.

Артық дозалану жағдайында қабылдануы қажет шаралар

Симптомдары: парацетамолмен артық дозалану: алғашқы 24 сағатта бозару, жүрек айну, құсу, анорексия және іштің ауыруы. Артық дозаланған жағдайда қозу, бас айналу, ұйқының бұзылуы байқалуы мүмкін. Парацетамолмен артық дозаланғанда жедел бүйрек жеткіліксіздігінің жекелеген жағдайлары туралы мәліметтер келіп түсті. Ауыр жағдайларда бауырдың зақымдануы (гепатоцеллюлярлы некроз) және энцефалопатияға, бауыр комасына және өлімге әкелуі мүмкін бауыр функциясының бұзылуы мүмкін. Бауырдың зақымдануының клиникалық белгілері артық дозаланғаннан кейін 12-ден 48 сағатқа дейін көрінбеуі мүмкін. Глюкоза метаболизмінің бұзылуы және метаболизмдік ацидоз байқалуы мүмкін.

Хлорфенаминнің малеатпен артық дозалануы антимускариндік, экстрапирамидтік, асқазан-ішек және ОЖЖ-әсерлерімен байланысты.

Емі: парацетамолмен артық дозаланғаннан кейінгі алғашқы 6 сағат ішінде асқазанды шаю. Цитоуытты әсерлер метионинді ішке қабылдау немесе артық дозаланғаннан кейін сегіз сағат ішінде N-ацетилцистеинді вена ішіне енгізу есебінен азайтылуы мүмкін. Қажетті уақыт кезеңі ішінде симптоматикалық және демеуші ем.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

«Қолдану тәсілі бойынша сұрақ туындаған жағдайда медицина қызметкеріне хабарласыңыз».

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Аталған жағымсыз әсерлер спонтанды хабарламалар негізінде көрсетілген, олардың әрқайсысының пайда болу жиілігін анықтау мүмкін емес.

Асқазан-ішек бұзылыстары: жүрек айнуы, эпигастральді аумақтың ауыруы.

Гепатобилиарлық аурулар: бауырдың белсенділік ферментінің жоғары деңгейі (әдетте, сарғаю белгісінсіз), бауыр некрозы (дозаға тәуелді әсер).

Иммундық жүйе тарапынан: аса жоғары сезімталдық реакциялары

Жүйке жүйесінің бұзылыстары: ұйқышылдық
Бүйрек және несеп шығару жолдарының бұзылыстары: бүйрек шаншуы және интерстициальді нефрит.

Тері және тері асты шелі аурулары: бөртпе, терінің және шырышты қабықтың қышуы (эритематоздық, есекжем), ангионевроздық ісіну, мультиформалы эритема (оның ішінде Стивенс-Джонсон синдромы) және уытты эпидермалық некролиз (Лайелл синдромы).

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді заттар: ацетаминофен 325 мг, фенилэфрин гидрохлориді 5 мг, хлорфенирамин малеаты 2 мг.

қосымша заттар: микрокристалды целлюлоза, натрий кроскармеллозасы, кремнийдің коллоидты қостотығы, D&C сары № 10 лак бояғышы (Е104), стеарин қышқылы, магний стеараты;

қабығы: гипромеллоза, минерал майы, полиэтиленгликоль, магний силикаты.

Сыртқы түрінің, иісінің, дәмінің сипаттамасы

Сары түсті үлбірлі қабықпен қапталған, капсула пішінді, бір жағында «AntiFlu» нақыштамасы бар таблеткалар.

Шығарылу түрі және қаптамасы

12 таблеткадан поливинилхлоридті үлбірден және баспа алюминий фольгадан жасалған пішінді ұяшықты қаптамада.

1 пішінді ұяшықты қаптамадан қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Сақтау мерзімі

3 жыл.

Жарамдылық мерзімі өткеннен кейін қолдануға болмайды.

Сақтау шарттары

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз.

Өндіруші туралы мәлімет

Контракт Фармакал Корпорейшн, 150 и 160 Коммерс Драйв, Хоппог, Нью-Йорк 11788, АҚШ

Қаптаушы ұйымның атауы жәнеелі

Контракт Фармакал Корпорейшн, 1324 Мотор Парквэй, Хоппог, Нью-Йорк 11788, АҚШ

Тіркеу куәлігінің ұстаушысы

Байер Консьюмер Кэр АГ,

СН-4052 Базель, Петер Мериан штрассе, 84, Швейцария

тел. +41 58 272 7542

факс: +41 58 272 7173

e-mail: www.basel.bayer.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Байер КАЗ» ЖШС

Тимирязев к-сі, 42, «Экспо-Сити» бизнес-орталығы, 15 пав.

050057 Алматы, Қазақстан Республикасы

Тел. +7 701 715 78 46

Факс: +7 727 244 70 01

www.bayer.ru

Егер сіз жағымсыз жағдай туралы немесе препараттың сапасы туралы хабарлағыңыз келсе, денсаулық сақтау саласындағы маманына (мысалы, дәрігер немесе фармацевт) немесе бақылаушы органдарына жүгініңіз. Сонымен қатар, өтініштерді pv.centralasia@bayer.com мекен-жайына жіберуге болады немесе +7 701 715 78 46 телефонына хабарласуға болады.

Дәріханалар

Тауар артығымен бар
Тауар аз қалды
Аптека №168
ул. Сейфулина 44
09 00-21 00