АС-Тромбин 100 мг, №30, табл.
Тауарлардың көрінісі фотосуретте көрсетілгеннен өзгеше болуы мүмкін

АС-Тромбин 100 мг, №30, табл.

417
Қолжетімділігі
Сатылымда бар
Үлгі
4870144320748
Елі
Казахстан
Өндіруші
Глобал Фарм
  • Сипаттама
  • Дәріханалар

Сипаттама

Дәрілік препаратты медициналық қолдану жөніндегі нұсқаулық

Саудалық атауы

АС-тромбин

Халықаралық патенттелмеген атауы

Ацетилсалицил қышқылы

Дәрілік түрі, дозалануы

Ішекте еритін, қабықпен қапталған таблеткалар, 100 мг

Фармакотерапиялық тобы

Қан және қан түзу ағзалары. Тромбозға қарсы препараттар.Тромбоциттер агрегациясының тежегіштері, гепаринді қоспағанда. Ацетилсалицил қышқылы

АТХ коды B01AC06

Қолданылуы

- цереброваскулярлық және кардиоваскулярлық аурулар кезінде және шунттау бойынша операциялардан кейін тромбоэмболияның екіншілік профилактикасы.

Дәрілік препаратты қолданудың басталуына дейінгі қажетті мәліметтер тізбесі

Қолдануға болмайтын жағдайлар

- салицил қышқылының компоненттеріне, қабынуға қарсы стероидты емес препараттарға (ҚҚСП), сондай-ақ препараттың кез келген компонентіне аса жоғары сезімталдық

- асқазанның ойық жарасы (бар және/немесе анамнездегі) және/немесе асқазан-ішектен қан кету, сондай-ақ цереброваскулярлық қан кету сияқты қан кетудің басқа түрлері

- геморрагиялық диатез, гемофилия және тромбоцитопения сияқты коагуляцияның бұзылуы

- салицилаттарды және ҚҚСП қабылдаудан туындаған бронх демікпесі

- жүректің ауыр жеткіліксіздігі

- бауырдың ауыр жеткіліксіздігі

- нефролитиаз, бүректің ауыр жеткіліксіздігі

- жүктіліктің III триместрінде тәулігіне 100 мг-ден жоғары дозаны қабылдау

- метотрексатты аптасына ˃15 мг дозада қабылдау

- подагра

- 18 жасқа дейінгі балалар мен жасөспірімдер (қауіпсіздігі мен тиімділігі анықталмаған)

- лактация кезеңі

- сирек тұқым қуалайтын фруктоза жақпаушылығы, глюкоза-галактоза мальабсорбциясы және сахароза-изомальтаза жеткіліксіздігі бар тұлғалар

Басқа дәрілікпрепараттармен өзара әрекеттесуі

Қолдануға болмайтын біріктірілімдер

Метотрексатпен біріктірілімде (аптасына 15 мг артық дозада қабылдағанда)

Метотрексат пен ацетилсалицил қышқылын бірге қабылдағанда ацетилсалицил қышқылымен индукцияланған бүйректік клиренстің төмендеуі салдарынан метотрексаттың гематологиялық уыттылығы жоғарылайды. Демек, метотрексатты (аптасына ˃15 мг дозада) ацетилсалицил қышқылымен бірге қолдануға болмайды.

Ұсынылмаған біріктірілімдер

Урикозириялық препараттар, мысалы, пробенецид.

Салицилаттар пробенецидтің тиімділігін төмендетеді. Ацетилсалицил қышқылын пробенецидпен бір уақытта қабылдау ұсынылмайды.

Сақтықты және назар аударуды талап ететін біріктірілімдер

Антикоагулянттар, оның ішінде кумарин, гепарин, варфарин және фениндион

Антикоагулянттармен бірге қолданғанда тромбоциттер функциясына, ішектің шырышына зақымдаушы әсердің және пероральді қолданылатын антикоагулянттарды плазма ақуыздарымен байланыстан ығыстыруы салдарынан қан кетудің даму қаупі жоғарылайды.

Антиагреганттар (клопидогрель, дипиридамол) және серотонинді кері қармаудың іріктелген тежегіштері (сертралин және пароксетин сияқты СКҚІТ)

Асқазан-ішектен қан кетудің даму қаупінің ұлғаюы.

Диабетке қарсы препараттар, оның ішінде сульфонилмочевина препараттары

Салицилаттар сульфонилмочевина препараттарының гипогликемиялық әсерін жоғарылатуы мүмкін.

Дигоксин және литий

Ацетилсалицил қышқылы дигоксин мен литийдің бүйрекпен шығарылуын бұзады, бұл олардың плазмалық концентрацияларының жоғарылауына әкеледі. Ацетилсалицил қышқылымен емдеудің басында және соңында дигоксин мен литийдің плазмалық концентрацияларының деңгейіне мониторинг жүргізу қажет. Қажет болған жағдайда дозаны өзгертуге болады.

Диуретиктер және гипертензияға қарсы препараттар

ҚҚСП диуретиктер мен басқа да гипертензияға қарсы препараттардың гипертензияға қарсы әсерін төмендетуі мүмкін. Басқа да ҚҚСП жағдайындағыдай АӨФ тежегіштерімен қатар қолдану кезінде бүйректіңжедел жеткіліксіздігінің даму қаупі жоғарылайды.

Диуретиктер

Бүйректің жедел жеткіліксіздігінің даму қаупі бүйректегі простагландин синтезінің төмендеуі арқылы шумақтық сүзілістің төмендеуі салдарынан болады. Пациентке гидратация және емнің басында бүйрек функциясына мониторинг жүргізу ұсынылады.

Карбоангидраза тежегіштері

Бірге қабылдау ауыр ацидозға және орталық жүйке жүйесіндегі уыттылықтың ұлғаюына әкелуі мүмкін.

Жүйелік глюкокортикостероидтар

Ацетилсалицил қышқылы мен глюкокортикостероидтарды бір мезгілде қабылдағанда асқазан-ішектен қан кету қаупі артады.

Метотрексат (аптасына ˂15 мг дозада)

Метотрексат пен ацетилсалицил қышқылын бірге қолданғанда ацетилсалицил қышқылының ықпалымен оның бүйректік клиренсі төмендеуі салдарынан метотрексаттың гематологиялық уыттылығы жоғарылауы мүмкін. Метотрексатпен біріктіріп қабылдаудың бірінші аптасында қан көрінісін мониторингілеу қажет. Бүйрек функциясының елеусіз ауытқуы дамыған жағдайда да, оның ішінде егде жастағы пациенттерге мұқият мониторинг жүргізу қажет.

Басқа ҚҚСП

Синергиялық әсер салдарынан асқазан-ішектен қан кету қаупінің ұлғаюы.

Ибупрофен

Эксперименттік деректер ибупрофен ацетилсалицил қышқылының төменгі дозаларының бірге қабылдағанда тромбоциттер агрегациясына ықпалын тежейтінін болжайды. Алайда, бұл деректердің шектеулілігі және ex vivо деректерінің клиникалық жағдайға экстраполяциясына қатысты екіұштылығы ибупрофенді тұрақты қабылдауға қатысты анық қорытындылар жасауға болмайтынын болжайды. Клиникалық тұрғыдан маңызды ықпалы ибупрофенді кездейсоқ қолдануға қатысты болуы ықтимал.

Циклоспорин, такролимус

ҚҚСП мен циклоспоринді немесе такролимусты бірге қолдану циклоспорин мен такролимустың нефроуытты әсерін жоғарылатуы мүмкін. Оларды ацетилсалицил қышқылымен бірге қолданғанда бүйрек функциясына мониторинг жүргізу қажет.

Вальпроаттар

Ацетилсалицил қышқылы вальпроаттардың сарысулық альбуминмен байланысын төмендетеді, осылайша олардың еркін плазмалық тепе-тең концентрациясын ұлғайтады.

Фенитоин (эпилепсия кезінде)

Салицилаттар фенитоинның плазмадағы альбуминмен байланысу дәрежесін төмендетеді, бұл фенитоинның плазмадағы жалпы деңгейінің төмендеуіне әкеледі, алайда оның еркін фракциясы жоғарылайды. Байланыспаған концентрациясы және осылайша, емдік әсері айтарлықтай өзгермейді.

Метамизол

Ацетилсалицил қышқылын және құрамында метамизол бар дәрілік заттарды бір мезгілде қолдану тромбоциттер агрегациясының клиникалық мәні бар деңгейін төмендетуі мүмкін.

Демек, бұл біріктірілім кардиопротекция үшін аспириннің аз дозасын қабылдап жүрген пациенттерде сақтықпен пайдаланылуға тиіс.

Алкоголь

Алкоголь мен ацетилсалицил қышқылын бірге қолдану асқазан-ішектен қан кету қаупін арттырады.

Антацидтер ацетилсалицил қышқылының әсерін төмендетеді.

Ацетилсалицил қышқылы темір тұздарымен, карбонаттармен және сілтілік металдардың гидроксидтерімен үйлеспейді.

Арнайы сақтандырулар

АС-тромбин таблеткалары қабынуға қарсы/анальгетикалық/ыстық түсіретін дәрі ретінде қолдануға жарамайды.

Ересектер мен 18 жастан асқан жасөспірімдерге қолдану үшін ұсынылады

Бұл дәрілік препаратты 18 жасқа толмаған балалар мен жасөспірімдерге қолдануға болмайды, өйткені ацетилсалицил қышқылы Рей синдромының (бауырдың жедел энцефалопатиясы) дамуына түрткі болатын фактор ретінде жүреді. Геморрагияның даму қаупі жоғарылайды, атап айтқанда операциялар кезінде немесе одан кейін (тіпті елеусіз жағдайларда, мысалы, тіс жұлғанда). Емді уақытша тоқтату қажет болуы мүмкін.

АС-тромбин таблеткаларын меноррагия кезінде қабылдау ұсынылмайды, өйткені бұл етеккірлік қан кетуді күшейтуі мүмкін.

АС-тромбин таблеткаларын гипертензия жағдайында, сондай-ақ анамнезде асқазан-ішек жолының жаралануы, геморрагиялық эпизодтарда және антикоагулянттық ем қабылдау жағдайында сақтықпен қолдану керек.

Пациенттерге барлық әдеттен тыс қан кетулер туралы дәрігерге хабарлау керек. Асқазаннан немесе ішектен қан кету дамыған жағдайда емді тоқтату керек.

Ацетилсалицил қышқылын орташа дәрежедегі бүйрек жеткіліксіздігі немесе бауыр жеткіліксіздігі бар пациенттерде (ауыр дәрежесінде қолдануға болмайды), сондай-ақ дегидратациясы бар пациенттерде қолданғанда сақтық таныту керек, өйткені ҚҚСП қабылдау бүйрек функциясының нашарлауына әкелуі мүмкін. Жеңіл және орташа дәрежедегібауыр жеткіліксіздігі бар пациенттерде жүйелі түрде бауырдың функционалдық көрсеткіштерін анықтау қажет.

Ацетилсалицил қышқылы бронх түйілуіне және демікпе ұстамасына, сондай-ақ басқа да аса жоғары сезімталдық реакцияларына түрткі болуы мүмкін. Қауіп факторларына мыналар жатады: демікпе, пішен қызбасы, мұрын полипозы және созылмалы респираторлық аурулар. Дәл осы басқа компоненттерге аллергиялық реакциялары бар пациенттерге де жарамды (мысалы, тері реакциялары, қышыну, есекжем).

Ацетилсалицил қышқылын қолданумен байланысты күрделі тері реакциялары, оған қоса Стивенс-Джонсон синдромының даму жағдайлары туралы хабарланды. АС-тромбин таблеткаларын қабылдауды тері бөртпесі, шырыштың жаралануы немесе басқа да аса жоғары сезімталдық реакциялары алғаш пайда болғанда тоқтату керек.

Асқазан-ішектен қан кету және тесілу жағдайлары жағымсыз реакцияларға сезімтал егде жастағы пациенттерде ацетилсалицил қышқылын қоса, ҚҚСП қабылдағанда фатальді болуы мүмкін. Ұзақ мерзімді ем қажет жағдайда пациент жүйелі түрде тексеріліп отыруы тиіс.

АС-тромбин 100 мг таблеткаларын гемостазды зақымдайтын басқа препараттармен (оның ішінде антикоагулянттар, варфарин, тромболитиктер және антиагреганттар, қабынуға қарсы препараттар және серотонинті кері қармаудың іріктелген тежегіштері) аса қажеттілік туындамағанша қатар қолдану ұсынылмайды, өйткені олар геморрагияның даму қаупін күшейтуі мүмкін. Аталған біріктірілімдерді қабылдау қажет болғанда қан кету белгілерін мұқият қадағалау керек.

Пероральді кортикостероидтар, серотонинді кері қармаудың іріктелген тежегіштері және деферазирокс сияқты ойық жараның түзілу қаупін жоғарылатуы мүмкін препараттармен қабылдау кезінде сақ болу керек.

Ацетилсалицил қышқылын төменгі дозаларда қабылдау несеп қышқылының шығарылуын төмендетеді.

Аталған фактіге байланысты несеп қышқылының шығарылуын төмендету үрдісі бар пациенттерде подагра ұстамасының дамуы мүмкін.

Емдік дозалардан жоғары дозаларды қабылдау кезінде АС-тромбин таблеткалары сульфонилмочевина және инсулин препараттарының гипогликемиялық әсерін күшейтуі мүмкін.

Ацетилсалицил қышқылын жүктіліктің кеш кезеңдерінде, сондай-ақ лактация кезінде қабылдауға болмайды.

АС-тромбин таблеткаларының құрамында лактоза моногидраты бар. Сирек туа біткен галактоза жақпаушылығы, Лапп лактаза жеткіліксіздігі немесе глюкоза-галактоза мальабсорбциясы бар пациенттергеаталған препаратты қабылдауға болмайды.

АС-тромбин таблеткаларының құрамында пропиленгликоль бар, ол терінің тітіркенуін тудырады.

Жүктілік және лактация кезінде

Төмен дозалар (тәулігіне 100 мг дейін)

Тәулігіне 100 мг дейінгі дозада қабылдау акушерлікте шектеулі пайдалану үшін қауіпсіз болып табылады.

Тәулігіне 100-300 мг/ дозалар

Жүктіліктіңбірінші және екінші триместрінде 100 мг Ас-тромбинді 300 мг АСҚ дейінгі тәуліктік дозаларда ғана қатаң тағайындалуы бойынша тағайындау керек. Егер қажеттілігі болмаса, ацетилсалицил қышқылын жүктіліктіңбірінші және екінші триместрінде пайдалануға болмайды.

Ацетилсалицил қышқылын жүктілікті жоспарлап жүрген әйелдің немесе жүктіліктің I және II триместрінде қолданған жағдайда ацетилсалицил қышқылының ең төменгі дозаларын қабылдау қажет және ем ұзақтығы барынша қысқа болуы тиіс.

Простагландин тежегіштерін жүктіліктің III триместрінде қабылдау шаранаға келесі ықпалдарды тигізуі мүмкін:

шаранаға:

- кардио- және пульмоуыттылық (артериялық арнаның уақытынан бұрын жабылуымен және өкпе гипертензиясымен);

- олигогидроамниозы бар бүйрек жеткіліксіздігіне дейін өршуі мүмкін бүйрек дисфункциясы;

анаға және жаңа туған нәрестеге:

- өте төмен дозаларды қабылдағанда қан кету уақытының ұзаруы, антиагреганттық әсері дамуы мүмкін;

- жатыр жиырылуының тежелуі, бұл ұзақ босануға әкеледі.

Демек, ацетилсалицил қышқылын тәулігіне 100 мг және одан жоғары дозада III триместр кезінде қолдануға болмайды.

Дәрілік заттың көлік құралын және қауіптілігі зор механизмдердібасқару қабілетіне әсер ету ерекшеліктері

Ықпалы анықталмаған

Қолдану жөніндегі нұсқаулар

Дозалану режимі

Кардиоваскулярлық және цереброспинальді ауруларды емдеу үшін:

Алғаш рет емді бастар алдында дәрігерден кеңес алу керек. Ұзақ мерзімді ем үшін әдеттегі доза бір рет тәулігіне 75-160 мг құрайды. Кейбір жағдайларда жоғары дозалар талап етілуі мүмкін, әсіресе қысқа мерзімдік емде және дәрігердің ұсыныстары бойынша күніне 300 мг дейін жоғарылатуға болады.

Ацетилсалицил қышқылы жағымсыз реакциялардың дамуына бейім егде пациенттерде сақтықпен қолданылуы тиіс. Бүйректің және бауырдың ауыр жеткіліксіздігі жоқ болғанда әдеттегі ұсынылған дозалар («Қолдануға болмайтын жағдайлар», «Айрықша нұсқаулар» қараңыз). Емдеу режимін жүйелі жиілікпен қарастырып отыру керек.

Енгізу әдісі және жолы

Таблеткаларды пероральді түрде, сумен ішіп қабылдайды.

Артық дозалану жағдайында қабылдау қажет болатын шаралар

Салицилаттық уыттану (350 мг/л (2.5ммоль/л) артық дозада АСҚ қабылдағанда дамиды).

Өліммен аяқталған жағдайлардың көпшілігі пациенттер 700 мг/л (5.1 ммоль/л) артық дозаны қабылдағанда байқалған. 100 мг/кг дозаны бір рет қабылдау ауыр уыттану туындататыны екіталай.

Ауырлығы жеңіл дәрежедегі созылмалы артық дозалану әдетте препараттың үлкен дозаларын бірнеше рет пайдаланғаннан кейін ғана дамиды.

Симптомдары: жалпы симптомдар, оған қоса бас айналуы, құсу, сусыздану, құлақтың шулауы, вертиго, естудің бұзылуы, тершеңдік, тамырдың әлсіз соғуымен жылы аяқ-қол, тыныс алу жиілігінің ұлғаюы және гипервентиляция. Көптеген жағдайларда біраз дәрежеде қышқылдық-сілтілік тепе-теңдіктің бұзылуы болады. Тыныс алу орталығының бәсеңдеуінен респираторлық ацидоз және салицилаттардың болуы нәтижесіндегі респираторлық ацидоз туындайды. Ацидоз салицилаттардың гематоэнцефалдық бөгет арқылы өтуін жоғарылатуы мүмкін. Кейбір жағдайларда гематемезис, гиперпирексия, гипертермия, гипогликемия, гипокалиемияны қоса симптомдар, тромбоцитопения, протромбиндік уақыттың ұзаруы, интраваскулярлық коагуляция, бүйрек жеткіліксіздігі, этиологиясы жүрекпен байланысты өкпенің ісінуі дамыды.

Орталық жүйке жүйесі тарапынан болған ерекшеліктер, оған қоса сананың шатасуы, бағдарсыздық, кома және конвульсия балаларға қарағанда ересектерде сирек дамыған.

Емі: 250 мг/кг артық дозаны бір сағат ішінде қабылдаған жағдайда белсендірілген көмір қабылдау. Ауырлық дәрежесін бағалау клиникалық және биохимиялық белгілерді қоспағанда, тек осы деректерге сүйене отырып жүргізілуі мүмкін екеніне қарамастан қан плазмасындағы салицилаттар деңгейін өлшеу керек. Элиминациясы несептің сілтілену жолымен жақсарады, оған натрий бикарбонатының 1,26% ерітіндісін енгізу арқылы жетеді. Несептің рН мониторинг жүргізу керек. Метаболизмдік ацидозды натрий бикарбонатының 8.4% ерітіндісін вена ішіне енгізу (осының алдында плазмадағы калий мөлшерін өлшеу керек) арқылы түзетеді. Қарқынды диурез жүргізбеу керек, өйткені ол салицилаттар экскрециясын ұлғайтпайды және өкпе ісінуін туындатуы мүмкін. Гемодиализ қатты улану кезіндегі таңдау емі болып табылады, оны қан плазмасындағы салицилаттар концентрациясы 700 мг/л артық пациенттерде немесе ауыр клиникалық және метаболизмдік белгілермен астасқан төменгі концентрацияларда жүргізу керек.

Дәрілік препаратты қолдану тәсілін түсіну үшін медицина қызметкерінен кеңес алу ұсынылады

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жиі

- қан кетуге бейімділіктің жоғарылауы

- диспепсия

Жиі емес

- ринит, диспноэ

- есекжем

Сирек

-тромбоцитопения, гранулоцитоз, апластикалық анемия

- аса жоғары сезімталдық реакциялары, ангионевроздық ісіну, аллергиялық ісіну, ісінуді қоса анафилаксиялық реакциялар

-бассүйекішілік қан құйылу

- геморрагиялық васкулит

- бронх түйілуі, демікпе ұстамасы

- моноррагия

- ауыр асқазан-ішектен қан кету, жүрек айнуы, құсу

-Стивен-Джонсон синдромы, Лайелл синдромы, пурпура, түйінді эритема, мультиформалы эритема

Белгісіз (қолда бар деректер негізінде баға беру мүмкін емес)

- эпистаксис, қызыл иектің қанағыштығы сияқты қан ағу уақытынының ұзаруымен қан кету жағдайлары. Симптомдар ацетилсалицил қышқылын қабылдауды тоқтатқаннан кейін 4-8 күн бойы сақталады. Хирургиялық емшаралар кезінде қан кетудің даму қаупі жоғарылайды. Темір тапшылықты анемияға әкелуі мүмкін бұрыннан бар (гематемезис, Мелена) немесе жасырын асқазан-ішектен қан кетулер (жоғарғы дозаларды қабылдағанда жиі дамиды).

- гиперурикемия

-бас ауыруы, вертиго

-естудің нашарлауы, тиннит

- асқазан мен ішектің жаралануы және тесілуі, диарея

-бауыр жеткіліксіздігі

- бүйрек жеткіліксіздігі, су мен тұздардың іркілуі

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір таблетканың құрамында

белсенді зат 100 мг ацетилсалицил қышқылы

қосымша заттар: лактоза моногидраты 59.39 мг, микрокристалды целлюлоза, тальк

қабығы: пропиленгликоль 1.3 мг, гипромеллоза фталаты, титанның қостотығы (Е 171).

Сыртқы түрінің, иісінің, дәмінің сипаттамасы

Ақ түсті, екі жақ беті дөңес, дөңгелек пішінді, ішекте еритін, қабықпен қапталған таблеткалар

Шығарылу түрі және қаптамасы

10 таблеткадан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамада.

3 пішінді ұяшықты қаптамадан медициналық қолдану жөнінде мемлекеттік және орыс тілдеріндегі нұсқаулықпен бірге картоннан немесе қораптық картоннан жасалған қорапшаға салынған.

Қораптарды қағаздан жасалған таспамен немесе полиэтиленнен жасалған таспамен желімдейді.

Топтық ыдысқа заттаңбалық немесе жазу қағазынан жасалған заттаңба жапсырылады.

Сақтау мерзімі

3 жыл.

Жарамдылық мерзімі өткеннен кейін қолдануға болмайды!

Сақтау шарттары

Құрғақ, жарықтан қорғалған жерде, 25оС-ден аспайтын температурада сақтау керек.

Балалардың қолы жетпейтін жерде сақтау керек!

Дәріханадан босатылу шарттары

Рецептісіз

Өндіруші туралы мәліметтер

«Абди Ибрахим Глобал Фарм» ЖШС, Қазақстан Республикасы, Алматы обл., Іле ауданы, Өндірістік аймақ 282,

тел.: +7 (727) 356-11-00, 8-800-070-1100,

электрондыпоштасы: info@aigp.kz

Тіркеу куәлігінің иесі

«Абди Ибрахим Глобал Фарм» ЖШС, Қазақстан Республикасы, Алматы обл., Іле ауданы, Өндірістік аймақ 282,

тел.: +7 (727) 356-11-00, 8-800-070-1100,

электрондыпоштасы: info@aigp.kz

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері:

«Абди Ибрахим Глобал Фарм» ЖШС, Қазақстан Республикасы, Алматы обл., Іле ауданы, Өндірістік аймақ 282,

тел.: +7 (727) 356-11-00, 8-800-070-1100,

электрондыпоштасы: info@aigp.kz

Дәріханалар

Тауар артығымен бар
Тауар аз қалды
Аптека №168
ул. Сейфулина 44
09:00-21:00