Депантол 30 гр крем

Сипаттама

Дәрілік затты медициналық қолдану жөніндегі нұсқаулық

Депантол^®

Саудалық атауы

Депантол^®

Халықаралық патенттелмеген атауы

Жоқ

Дәрілік түрі

Сыртқа қолдануға арналған крем

Құрамы

1 г кремнің құрамында

белсенді заттар:декспантенол – 52,5 мг,

хлоргексидин биглюконаты 20 % ерітіндісі – 42,7 мг,

(хлоргексидин биглюконатына баламалы – 8,02 мг),

қосымша заттар: пропиленгликоль, макрогол цетостеараты, цетостеарил спирті (60 % көп емес цетил спирті, 40 % кем емес стеарил спирті), сұйық парафин, вазелин, натрий гидрофосфат додекагидраты, калий дигидрофосфаты, тазартылған су.

Сипаттамасы

Ақ немесе ақ дерлік түсті крем

Фармакотерапиялық тобы

Дерматология. Антисептиктер және дезинфекциялайтын препараттар. Бигуанидтер және амидиндер. Басқа препараттармен біріктірілген хлоргексидин

АТХ коды D08AC52

Фармакологиялық қасиеттері

Фармакокинетикасы

Декспантенол теріге жылдам сіңеді. Декспантенол пантотен қышқылына айналады (В5 дәрумені) және осы дәруменнің эндогенді бөлігімен бірігеді. Пантотен қышқылы қанда плазма ақуыздарымен (γ-глобулиндермен және альбуминдермен) байланысады; өзгермеген түрде – 60-70 % несеппен, қалған бөлігі АІЖ арқылы шығарылады.

Теріге жаққан кезде хлоргексидин іс жүзінде сіңбейді. Пероральді қолданғанда хлоргексидин толығымен нәжіспен шығарылады.

Фармакодинамикасы

Депантол^®, сыртқа қолдануға арналған крем – біріктірілген препарат.

Декспантенол – пантотен қышқылының туындысы. Пантотен қышқылы (В5 дәрумені) коэнзим А құрамдас бөлігі болып табылады. Ацетилкоэнзим А түрінде жасуша метаболизмінде маңызды рөл атқарады және тері регенерациясын жақсартады, коллагенді талшықтардың беріктігін арттырады.

Хлоргексидин бактерицидті белсенділігі басым антисептикалық дәрі болып табылады. Грамоң және грамтеріс бактерияларға, оның ішінде Staphylococcus spp., Enterococcus spp., Pseudomonas aeruginosa, E.coli, Streptococcus spp., сондай-ақ ашытқы тәрізді зеңдер мен дерматофиттерге қатысты белсенді.

Қолданылуы

• инфекция жұқтыру қаупінде (сыдырулар, кесіп алулар, сырылулар, сызаттар, тырналулар – оның ішінде жәндіктер шаққанда, күйікте, трофикалық ойық жараларда) жараларды өңдеуде
• операциядан кейінгі жарларды өңдеуде
• инфекция жұққан жараларды, күйікті (оның ішінде күннен күюді қоса), ойылулар, сыдыруларды, кесіп алуларды, сызаттарды, трофикалық ойық жараларды, баздануларды емдеуде
• инфекция жұқтырған дерматоздарды (оның ішінде экзема және атопиялық дерматитті) емдеуде
• балаларда – жөргектік дерматитте, инфекция жұқтыру белгілері бар сырылулар
• бала емізу кезеңінде емшек ұшының жарылуы

Қолдану тәсілі және дозалары

Сыртқа.

Кремді зақымданған тері аймақтарына жұқалап тәулігіне 1-3 рет жағу керек.

Бала емізетін әйелдер әрбір емізуден кейін кремді инфекция жұқтырған емшек ұшының беткейіне жағуы керек.

Емшек еметін балаларға кремді киімді әрбір ауыстырғаннан немесе су процедураларынан кейін инфекция жұқтырған орынға жағады. Емдеу курсы 5-7 күн.

Жағымсыз әсерлері

Жиілігі белгісіз

• терінің аллергиялық реакциялары: жанаспалы дерматит, аллергиялық дерматит, қышыну, қызару, экзема, бөртпе, есекжем, терінің тітіркенуі, ашыту
• бронх демікпесінің симптомдарын, тері (бөртпе, есекжем, ісіну, қышыну), тыныс алу жолдары, асқазан-ішек жолы және кардиореспираторлық дистрессті қоса, жүрек-қантамыр жүйесі тарапынан жеңіл немесе орташа дәрежедегі реакцияларды қоса, тиісті зертханалық және клиникалық көріністері бар аса жоғары сезімталдық, анафилаксиялық реакция және анафилаксиялық шок (өмірге төндіретін қаупі зор)
• препарат компоненттеріне аса жоғары сезімталдық
• терінің ауқымды бөліктері зақымданғанда
• дабыл жарғағының тесілуі кезінде

Қолдануға болмайтын жағдайлар

Дәрілермен өзара әрекеттесуі

Хлоргексидин сабынмен және басқа анионды заттармен үйлесімсіз.

Басқа антисептиктермен бір уақытта қолдану ұсынылмайды.

Айрықша нұсқаулар

Көзге, құлаққа және шырышты қабыққа тигізуге жол берілмейді. Сонымен қатар препаратты терінің ауқымды бөліктеріне қолдануды болдырмаған жөн. Декспантенол хлоргексидинмен (Депантол^®) бірге терінің тітіркенуін емдеу үшін қолданылмауы тиіс, оның инфекция жұқтыру ықтималдығы өте төмен (мысалы, күнге күю).

Йодпен бір мезгілде қолдану ұсынылмайды.

Этанол хлоргексидиннің әсерін күшейтеді.

Препараттың құрамына кіретін цетостеарил спирті жергілікті тері реакцияларын (мысалы, жанаспалы дерматит) туындатуы мүмкін; пропиленгликоль терінің тітіркенуін туғызуы ықтимал. Бұл препаратты ашық жаралары бар немесе терінің зақымданған аймағы үлкен жасы 4 аптаға дейінгі балаларға дәрігердің немесе фармацевтің кеңесінсіз қолданбаған жөн.

Жүктілік және лактация кезеңі

Кремді жүктілік және бала емізу кезеңінде (бала емізудің алдында препаратты жуып тастау керек) қолдануға рұқсат етілген.

Жүктілік және бала емізу кезінде терінің ауқымды бөліктері зақымданған кезде қолдануға болмайды.

Дәрілік заттың көлік құралдарын және қауіптілігі зор механизмдерді басқару қабілетіне әсер ету ерекшеліктері

Көлік құралын немесе қауіптілігі зор механизмдерді басқару қабілетіне әсер етпейді.

Артық дозалануы

Препараттың артық дозалану жағдайлары туралы хабарланбаған.

Гипервитаминоз белгісіз. Көзге кездейсоқ тиіп кетсе аздап тітіркенуі мүмкін, оны сумен немесе физиологиялық ерітіндімен шайып қайтарады.

Препаратты зақымданған бір бөлікке жиі қайта-қайта қолдану терінің тітіркенуіне әкелуі мүмкін.

Емі: препаратты тоқтату, симптоматикалық ем.

Шығарылу түрі және қаптамасы

Алюминий сықпаларға 30 г препараттан салады.

Әр сықпа қазақ және орыс тілдеріндегі медициналық қолдану жөніндегі нұсқаулықпен бірге картон қорапшаға салынады.

Сақтау шарттары

25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші / Қаптаушы

«Нижфарм» АҚ, Ресей Федерациясы

603950, Нижний Новгород қ.,

Салганская к-сі, 7

тел.: (831) 278-80-88

факс: (831) 430-72-28

e-mail: med@stada.ru

Тіркеу куәлігінің ұстаушысы

«Нижфарм» АҚ, Ресей Федерациясы

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Нижфарм» АҚ Өкілдігі

050043, Қазақстан Республикасы,

Алматы қ., Хан-Тәңірі ы/а, 55б

тел.: (727) 2222-100, факс: (727) 398-64-95

e-mail: almaty@stada.kz

Қалалар