Сипаттама
Дәрілік препаратты медициналық қолдану
жөніндегі нұсқаулық (Қосымша парақ)
Саудалық атауы
Эвкалипт тұндырмасы
Халықаралық патенттелмеген атауы
Жоқ
Дәрілік түрі, дозалануы
Тұндырма
Фармакотерапиялық тобы
Респираторлық жүйе.Тамақ ауруларын емдеуге арналған препараттар. Антисептиктер. Басқа да препараттар.
АТХ коды R02АА20
Қолданылуы
Мыналарда біріктірілген ем құрамында:
- тыныс алу жолдарының қабыну ауруларында (ларингитте, трахеитте, бронхитте)
- ауыз қуысының және жұтқыншақтың қабыну аурулары кезінде (фарингитте, тонзиллитте, стоматитте) шаю үшін.
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- кез келген қосымша затқа немесе әсер етуші затқа аса жоғары сезімталдық
- ингаляция үшін – бронх демікпесі, бронх түйілуі, көкжөтел
- бүйректің, бауырдың ауыр зақымдануы
- жүктілікте, лактация кезеңі
- 12 жасқа дейінгі балалар
Қолдану кезіндегі қажетті сақтық шаралары
Эвкалипт жапырақтары негізіндегі препараттарды бетке, әсіресе мұрын аймағына, кіші жастағы балаларға қолдануға болмайды.
Басқа дәрілік препараттармен өзара әрекеттесуі
Анықталған жоқ
Арнайы ескертулер
Педиатрияда қолдану
Балалар
Балалар іс-тәжірибесінде 12 жастан бастап қолданылуы мүмкін.
Жүктілік немесе лактация кезінде
Жүктілік немесе емшек емізу кезеңінде препаратты қолдануға болмайды.
Препаратты көлік құралын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді
Қолдану жөніндегі нұсқаулар
Дозалау режимі
Ішуге. Қайнаған жылы 1/2 стақан суға 15-20 тамшыдан тамызып, тамақтан соң күніне 3 рет.
Ингаляцияға (булау). Бір стақан қайнаған суға 10-15 тамшыдан – күніне 1-2 рет.
Шаюға. Ересектерге, 12 жастан асқан балаларға бір стақан қайнаған жылы суға 10-15 тамшыдан тамызып, күніне 3-4 рет.
Енгізу тәсілі және жолы
Сыртқа қолдануға арналған
Емдеу ұзақтығы
Емдеу курсы 5-7 күн.
Артық дозаланғанда қолданатын шаралар
Байқалған жоқ
Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар
Дәрігердің кеңесінсіз ұзақ уақыт бойы препаратты қолдануға болмайды.
ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар
Аллергиялық реакциялар болуы мүмкін
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз
Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер
Дәрілік препараттың құрамы
1 л препараттың құрамында
белсенді зат – эвкалипт жапырақтары 100.0 г
қосымша зат – 1 л-ге дейін 70% этил спирті
Сыртқы түрінің, иісінің, дәмінің сипаттамасы
Жасыл-қоңыр түсті, өзіне тән иісі бар мөлдір сұйықтық
Шығарылу түрі және қаптамасы
25 мл-ден полиэтилен тығынмен және бұрандалы қақпақпен немесе нығыздағыш элементі бар полиэтиленді қақпақпен тығындалған бұрандалы мойны бар шыны массадан жасалған құтыда.
Құтыға заттаңбалық немесе жазу қағазынан жасалған немесе өздігінен желімденетін заттаңба жапсырылады.
Құтылар саны сәйкесінше медициналық қолдану жөніндегі қазақ және орыс тілдеріндегі нұсқаулықпен бірге орама қағаздан жасалған бумаларға немесе қораптық картоннан жасалған қорапқа немесе жылу ұстайтын полиэтилен үлбірге немесе гофрланған картоннан жасалған жәшіктерге салынады.
Сақтау мерзімі
5 жыл
Жарамдылық мерзімі өткеннен кейін қолдануға болмайды.
Сақтау шарттары
Жарықтан қорғалған жерде, 25°С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәлімет
«Фармация 2010» ЖШС, Қазақстан Республикасы, Қарағанды қ., Чкалов к-сі, 7, тел. 8 (7212) 42-67-34, е-mail: farmaciyakrg@mail.ru
Тіркеу куәлігінің ұстаушысы
«Фармация 2010» ЖШС, Қазақстан Республикасы, Қарағанды қ., Чкалов к-сі, 7, тел. 8 (7212) 42-67-34, е-mail: farmaciyakrg@mail.ru
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)
«Фармация 2010» ЖШС, Қазақстан Республикасы, Қарағанды қ., Чкалов к-сі, 7, тел. 8 (7212) 42-67-34, е-mail: farmaciyakrg@mail.ru
