Фурацилин 0,02 мг № 10 табл

Сипаттама

Дәрілік препаратты медициналық қолдану

жөніндегі нұсқаулық (Қосымша-парақ)

Саудалық атауы

Фурацилин

Халықаралық патенттелмеген атауы

Нитрофурал

Дәрілік түрі, дозасы

0.02 г таблеткалар

Фармакотерапиялық тобы

Дерматология. Антисептиктер және дезинфекциялайтын препараттар.Нитрофуран туындылары. Нитрофурал.

АТХ кодыD08АҒ01

Қолданылуы

• терінің ұсақ зақымдануы (оның ішінде терінің сыдырылуы, тырналуы, жарылуы, тілінуі), іріңді жаралар, ойылулар, ойық жаралар
• ІІ және ІІІ дәрежелі күйіктер
• сыртқы есту жолындағы фурункулез, сыртқы және ортаңғы құлақтың жедел қабынуы
• мұрынның қосалқы қойнауларының іріңді-қабыну үдерістері
• баспа, стоматит, гингивит

Қолдануды бастағанға дейін қажетті мәліметтер тізбесі

Қолдануға болмайтын жағдайлар

• препаратқа жекелей жоғарғы сезімталдықта
• аллергодерматоздар

Басқа дәрілік препараттармен өзара әрекеттесуі

Анықталмаған

Арнайы ескертулер

Жүктілік және лактация кезеңі

Жүктілік және лактация кезеңінде қолдануға жол беріледі.

Дәрілік заттың көлік құралын және қауіптілігі зор механизмдердібасқару қабілетіне әсер ету ерекшеліктері

Көлік құралдарын жүргізуге және қауіпті механизмдерді басқару қабілетінежағымсыз әсері туралы деректер жоқ.

Қолдану бойынша ұсынымдар

Дозалау режимі

Фурацилинді сыртқа0,02% (1:5000) сулы немесе 0,066% (1:1500) спиртті ерітінділер түрінде қолданылады.

- іріңді жаралар, ойылуларда, ойық және ІІ және ІІІ дәрежелі күйік жараларда,теріні алмастырып салу мен екінші рет тігуге грануляцияланған беткейді дайындау үшін жараны фурацилин сулы ерітіндісімен сулайды және дымқыл таңғышпен таңады.

- созылмалы іріңді отиттерде, сыртқы естужолыфурункуласында және мұрын маңы қойнауларындағы эмпиемаларда фурацилиннің спиртті ерітіндісін тамшылар ретінде қолданады

- жоғарғы жақсүйегі тұсындағы (гайморов) және мұрын маңының басқа қойнауларын шаю үшін фурацилиннің сулы ерітіндісін пайдаланады

- баспа және стоматиттерде препараттың сулы ерітіндісімен шаюды тағайындайды.

Сулы ерітіндіні әзірлеу үшін 1 таблетка фурацилинді 100 мл дистилляцияланған суда ерітеді.

Спиртті ерітіндіні 70% этанолда (1 таблетка фурациллинді 100 мл 70% этил спиртінде ерітеді) дайындайды.

Отиттер кезінде– дене температурасына дейін жылытылған спиртті ерітіндіні күн сайын 5-6 тамшыдан сыртқы есту жолына тамызады.

Ауыз қуысын және тамақты шаю үшін – 20 мг-ден(1 таблетка) 100 мл қайнаған суда ерітеді.

Емдеу курсы 3-5 күннен аспау керек. Егер симптомдары сақталса дәрігерге қаралу ұсынылады.

Артық дозалану жағдайында қабылдау қажет шаралар

Артық дозалану жағдайлары анықталған жоқ.

Дәрілік затты қолдану әдісін түсіндіру үшін медициналық маманнан кеңес алу бойынша ұсыныстар

Егер сізде осы дәріні қолдану туралы сұрақтарыңыз болса, дәрігеріңізден немесе фармацевтіңізден сұраңыз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы тиіс шаралар

Жиілік санаты: Клиникалық зерттеулер деректері негізінде тіркелген жиілікке сәйкес жағымсыз реакциялардың әрбір түрі үшін төмендегідей айқындалған: Өте жиі (≥1/10), Жиі (≥1/100 <1/10 дейін), Жиі емес (≥1/1000 <1/100 дейін), Сирек (≥1/10000 <1/1000 дейін), Өте сирек (<1/10000), Жиілігі белгісіз(қолда бар деректер негізінде кездесу жиілігін бағалау мүмкін емес.

Тері және тері асты тіндері тарапынан бұзылулар:

жиілігі белгісіз: аллергиялық реакциялар (терінің қышуы, дерматит).

Асқазан-ішек жолы тарапынан бұзылулар:

жиілігі белгісіз: жүрек айнуы, құсу, диарея.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат – нитрофурал (фурацилин) 0.02 г

қосымша зат: натрий хлориді 0.8 г

Сыртқы түрінің, иісінің, дәмінің сипаттамасы

Сары немесе жасылдау-сары түсті, бетіндегі бояуы біркелкі емес, жалпақ цилиндр пішінді сызығы және ойығы бар таблеткалар.

Шығарылу түрі және қаптамасы

10таблеткадан полиэтиленді жабыны бар қағаздан жасалған пішінді ұяшықсыз қаптамаға салынады.

600 пішінді ұяшықсыз қаптаманы медициналық қолдану жөніндегі қазақ және орыс тілдеріндегі нұсқаулықтың тең санымен бірге картон қорапқа салынады.

Сақтау мерзімі

5 жыл

Жарамдылық мерзімі өткеннен кейін қолдануға болмайды!

Сақтау шарттары

Жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

«Ирбит химфармзауыты» ААҚ, Ресей

623856, Свердлов облысы, Ирбит қаласы, Киров көшесі, 172

Тел./факс: (34355) 3-60-90

e-mail: info@ihfz.ru

Тіркеу куәлігінің ұстаушысы

«Ирбит химфармзауыты» ААҚ, Ресей

623856, Свердлов облысы, Ирбит қаласы, Киров көшесі, 172

Тел./факс: (34355) 3-60-90

e-mail: info@ihfz.ru

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымныңатауы, мекенжайы және байланыс деректері (телефон, факс, электронды пошта)

Утегенова Б.А. ЖК

050022, Қазақстан, Алматы қ-сы, Мауленов к-сі, 123 «А», 7 пәт.

Тел.: +77017076181, электронды пошта: b.utegenova_ip@mail.ru

Қалалар