Фуросемид 40 мг № 50 табл
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Фуросемид 40 мг № 50 табл

220
Қолжетімділігі
Сатылымда бар
Үлгі
4810201003627
Елі
Беларусь
Өндіруші
Борисовский завод медицин
  • Сипаттама
  • Дәріханалар

Сипаттама

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Фуросемид

Халықаралық патенттелмеген атауы

Фуросемид

Дәрілік түрі, дозасы

Таблеткалар, 40 мг

Фармакотерапиялық тобы

Жүрек-қантамыр жүйесі. Диуретиктер. Белсенділігі жоғары диуретиктер. Сульфаниламидтер, қарапайымдар. Фуросемид.

АТХ коды С03СА01

Қолданылуы

- шығу тегі жүрек немесе бүйректен болған ісінулерде

- шығу тегі бауырдан болған ісінуде (калий жинақтаушы дәрілермен біріктірілімде)

- өкпе ісінуінде

- ми ісінуінде

- жедел сол жақ қарыншалық жеткіліксіздікте

- гипертониялық кризде (жекелей немесе басқа гипотензиялық дәрілермен біріктірілімде)

- артериялық гипертензияда

- гипернатриемияда, гиперкальциемияда, гипермагниемияда

- тиазидті несеп айдайтын дәрілерге қарсы көрсетілім болған жағдайда, бүйректің созылмалы жеткіліксіздігінде (немесе креатинин клиренсі 30 мл/ мин. төмен)

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- фуросемидке жоғары сезімталдық

- ануриямен бүйректің жедел жеткіліксіздігі (шумақтық сүзілу шамасы 3-5 мл/мин-ден аз)

- бауырдың ауыр жеткіліксіздігі, бауыр комасы

- уретра стенозы, жедел гломерулонефрит, несеп шығару жолдарының таспен обструкциялануы

- кома алдындағы жағдай, гипергликемиялық кома

- гиперурикемия

- подагра

- декомпенсацияланғанмитралды немесе аорталық стеноз

- орталық веналық қысымның жоғарылауы (10 мм сын.б. жоғары),

идиопатиялық гипертрофиялық субаорталық стеноз, артериялық гипотензия

- жедел миокард инфарктісі

- жүйелі қызыл жегі

- панкреатит

- су-электролит алмасуының бұзылуы (гиповолемия, гипонатриемия, гипокалиемия, гипохлоремия, гипокальциемия, гипомагниемия)

- дигиталистік улану

- жүктіліктің бірінші триместрі, лактация кезеңі

- 6 жасқа дейінгі балалар

Қолданған кездегі қажетті сақтандыру шаралары

Курстық емдеу аясында артериялық қысымды, қан плазмасындағы электролиттер (оның ішінде Na+, Ca2+, K+, Mg2+) мөлшерін қышқыл-негіз жағдайын, азот қалдығының мөлшерін, креатининді, несеп қышқылын, бауыр қызметін кезең-кезеңімен бақылау керек және қажет кезінде емдеуге тиісінше түзету жүргізу керек.

Басқа дәрілік препараттармен өзара әрекеттесуі

Жүрек гликозидтерінің, диуретиктердің, гипертензияға қарсы дәрілердің немесе артериялық қысымды төмендету әсерімен басқа да препараттардың фуросемидпен бір мезгілде қолданылатын дозасын азайту немесе түзету қажет, өйткені Фуросемидті бір мезгілде қолданғанда артериялық қысымның төмендеуі анағұрлым айқын болуы мүмкін.

Нефроуытты препараттардың уытты әсері Фуросемид сияқты қатты әсер ететін диуретиктермен бір мезгілде қолданғанда күшейеді.

Гипокалиемия, гипомагниемия және т.б. сияқты электролиттік бұзылулар кейбір дәрі-дәрмектердің уыттылығын арттыруы мүмкін (мысалы, оймақгүл препараттары және QT аралығының ұзару синдромын индукциялайтын дәрілер).

Гипертензияға қарсы дәрілер

Гипотензивті әсердің жоғарылауы барлық түрлерінде болуы мүмкін. Ангиотензин өзгертуші фермент (АӨФ) тежегіштерімен немесе ангиотензин II рецепторларының антагонистерімен бір мезгілде қолдану артериялық қысымның едәуір төмендеуіне әкелуі мүмкін, бұл жағдайда Фуросемидті қабылдауды ангиотензин өзгертуші фермент (АӨФ) тежегіштерін немесе ангиотензин II рецепторларының антагонистерін қабылдау басталғанға дейін тоқтату немесе азайту керек

Антипсихотиктер

Фуросемидтен туындаған гипокалиемия жүрек уыттылығының даму қаупін арттырады. Пимозидпен бір мезгілде қолданудан аулақ болыңыз. Амисульприд немесе сертиндол қабылдаған кезде қарыншалық аритмия қаупінің жоғарылауы. Фенотиазиндердің гипотензивті әсері күшейеді.

Рисперидонды тағайындау кезінде сақ болу керек, сондай-ақ оны қолдану туралы шешім қабылдағанға дейін Фуросемидпен немесе басқа да қатты әсер ететін диуретиктермен біріктірілімнің немесе бірге емдеудің қауіптері мен артықшылықтарын ескеру керек.

Аритмияға қарсы препараттар (амиодарон, дизопирамид, флеканаид және Соталолды қоса алғанда)

Жүрек уыттылығының даму қаупін арттырады (Фуросемид тудырған гипокалиемияға байланысты). Лидокаинді, токаинидті немесе мексилетинді қабылдаудың әсері Фуросемидке қарсы болуы мүмкін.

Жүрек гликозидтері

Гипокалиемия және электролиттік бұзылулар (гипомагнезияны қоса) жүрек уыттылығының даму қаупін арттырады.

QT аралығын ұзартатын препараттар

Фуросемид тудырған электролиттік бұзылулар кезінде уыттылық қаупінің жоғарылауы.

Вазодилататорлар

Моксисилит (тимоксамин) немесе гидралазин көмегімен гипотензивті әсердің күшеюі.

Басқа диуретиктер

Фуросемидті метолазонмен бірге қабылдаған кезде калий жинақтаушы диуретиктерден қарқынды диурез болуы ықтимал. Тиазидтерді қабылдау кезінде гипокалиемияның даму қаупі жоғары. Калий жинақтаушы диуретиктерді қолдануға болмайды (мысалы, амилоридаспиронолактон) - гиперкалиемияның даму қаупінің жоғарылауы

Ренин тежегіштері

Алискирен калий жинақтаушы диуретиктердің қан плазмасындағы фуросемид нитраттарының концентрациясын төмендетеді - гипотензивті әсерді күшейтеді.

Нитраттар

Гипотензивті әсерді күшейтеді.

Литий

Басқа диуретиктер сияқты, литийді Фуросемидпен бір мезгілде қолданғанда қан сарысуындағы литий деңгейі жоғарылауы мүмкін, бұл литий уыттылығының жоғарылауына, соның ішінде литийдің кардиоуытты және нейротуытты әсерінің жоғарылауына әкеледі. Сондықтан литий деңгейін мұқият бақылау және қажет болған жағдайда осы біріктірілімді қабылдаған пациенттерде литий дозасын түзету ұсынылады.

Хелаттайтын агенттер

Сукральфат Фуросемидтің асқазан-ішек сіңірілуін төмендетуі мүмкін - бұл 2 препаратты уақыт бойынша кемінде 2 сағат айырмашылықпен қабылдау керек.

Қабынуға қарсы стероидты емес препараттар (ҚҚСЕП)

Нефроуыттылық қаупінің жоғарылауы. Индометацин мен Кеторолак Фуросемидтің әсеріне қарсы әсер етуі мүмкін.

Салицилаттар

Салицилаттардыңықпал ету әсері Фуросемидпен күшейтілуі мүмкін. Салицилдік уыттылықты Фуросемидпен арттырудың ықтимал мүмкіндігі бар.

Антибиотиктер

Аминогликозидтермен, полимиксиндермен немесе ванкомицинмен бірге бір мезгілде қабылдаған кезде отоуыттылық қаупінің жоғарылауы ─ оларды дәлелді себептер болған кезде ғана бір мезгілде қолданады. Аминогликозидтерді немесе цефалоридинді қабылдау кезінде нефроуыттылық қаупінің жоғарылауы. Фуросемид кардиохирургиялық операциялардан кейін қан сарысуындағы ванкомицин деңгейін төмендетуі мүмкін. Триметоприм қабылдаған кезде гипонатриемия дамуының жоғары қаупі. Бүйрек функциясының бұзылуы Фуросемид пен кейбір цефалоспориндердің жоғары дозаларын бір мезгілде қабылдайтын пациенттерде дамуы мүмкін.

Антидепрессанттар

Моноамин оксидазасы ингибиторларының гипотензивті әсерін күшейтеді. Трициклді антидепрессанттарды қолдану кезінде постуральді гипотензия пайда болудың жоғары қаупі. Ребоксетинді қабылдау кезінде гипокалиемия дамуының жоғары қаупі.

Диабетке қарсы әсерлер

Фуросемид гипогликемиялық реакцияларға кедергі келтіреді.

Эпилепсияға қарсы дәрілер

Карбамазепинді қабылдау кезінде гипонатриемия дамуының жоғары қаупі. Фенитоиннің несеп айдайтын әсері төмендейді.

Антигистаминді препараттар

Жүрек уыттылығының жоғары қаупіменгипокалиемия.

Зеңге қарсы препараттар

Амфотерецинді қабылдау кезінде гипокалиемия және нефроуыттылық дамуының жоғары қаупі.

Анксиолитиктер және ұйықтататын дәрілер

Гипотензивті әсерді күшейтеді. Хлорал немесе трихлорфос қалқанша безінің гормонын байланысу орнынан шығаруы мүмкін.

Орталық жүйке жүйесі (ОЖЖ) стимуляторлары (зейін және жоғары белсенділік тапшылығы синдромында (ЗЖБТС) қолданылатын дәрілер)

Гипокалиемия қарыншалық аритмияның даму қаупін арттырады.

Кортикостероидтар

Диуретикалық әрекеттер антагонизациясы (натрий іркілісі), гипокалиемияның даму қаупінің жоғарлауы.

Гликирризин (қызылмия құрамындағы)

Гипокалиемияның даму қаупін арттыруы мүмкін.

Карбеноксолон

Гипокалиемияның даму қаупін арттыруы мүмкін.

Цитоуытты препараттар

Платина/цисплатин қосылыстарын қолдану кезінде нефроуыттылық пен отоуыттылықтың жоғары қаупі. Егер Фуросемид төмен дозаларда тағайындалмаса (мысалы, бүйрек функциясы қалыпты пациенттерде 40 мг), сондай-ақ цисплатинмен емдеу кезінде жеделдетілген диурезге қол жеткізу үшін препаратты пайдалану кезінде сұйықтықтың оң теңгерімі кезінде цисплатиннің нефроуыттылығы күшеюі мүмкін.

Антиметаболиттер

Фуросемидтің әсері метотрексатпен төмендеуі мүмкін. Сонымен қатар, Фуросемид метотрексаттың бүйректік клиренсін төмендетуі мүмкін.

Калий тұздары

Гиперкалиемияның жоғары қаупіне байланысты қолдануға болмайды

Дофаминергиялық препараттар

Леводопаны қабылдау кезінде гипотензивті әсердің күшеюі.

Иммуномодуляторлар

Гипотензивті әсерді альдеслейкиннің көмегімен күшейтеді. Циклоспорин мен такролимусты қолданғанда гиперкалиемия дамуының жоғары қаупі. Циклоспоринді қабылдаған кезде подагралық артриттің даму қаупінің жоғарылауы.

Бұлшықет релаксанттары

Баклофен немесе тизанидин қабылдаған кезде гипотензивті әсерді күшейтеді. Кураре тәрізді миорелаксанттардың жоғары әсері.

Эстрогендер

Несеп айдайтын әсердің антагонизациясы.

Прогестогендер (дросперидон)

Гиперкалиемия дамуының жоғары қаупі.

Простагландиндер

Алпростадил қолдану кезінде гипотензивті әсердің күшеюі.

Симпатомиметиктер

Бета2-симпатомиметиктердің жоғары дозаларында гипокалиемияның жоғары қаупі.

Теофиллин

Күшейтілген гипотензивті әсер.

Пробенецид

Фуросемидтің әсерін пробенецидпен азайтуға болады. Фуросемид пробенецидтің бүйректік клиренсін төмендетуі мүмкін.

Анестетиктер

Жалпы анестетиктер Фуросемидтің гипотензивті әсерін күшейтуі мүмкін. Кураре әсерін Фуросемидпен күшейтуге болады.

Алкоголь

Гипотензивті әсерді күшейтеді.

Іш жүргізетін препараттарды шамадан тыс пайдалану

Калий жоғалту қаупін арттырады.

Басқа препараттар

Аминоглютетимидті бір мезгілде қолдану гипонатриемияның даму қаупін арттыруы мүмкін.

Арнайы ескертулер

Курстық емдеу аясында мезгіл-мезгіл қан қысымын, қан плазмасының электролиттерінің мөлшерін бақылау қажет (оның ішінде: (оның ішінде Na+, Ca2+, K+, Mg2+), қышқыл-негіз жағдайын, азот қалдығының мөлшерін, креатининді, несеп қышқылын, бауыр қызметін кезең-кезеңімен бақылау керек және қажет кезінде емдеуге тиісінше түзету жүргізу керек.

Сульфаниламидке және сульфонилмочевина туындыларына жоғары сезімталдығы бар пациенттер фуросемидке айқаспалы сенсибилизацияға ие болуы мүмкін.

Фуросемидті жоғары дозада тағайындаған кезде гипонатриемия дамуын және метаболизмдік алкалозды болдырмау үшін ас тұзын пайдалануды шектемеген жөн.

Гипокалиемияның алдын алу үшін калий препараттарын немесе калий жинақтағыш диуретиктерді (спиронолактонды) бір мезгілде тағайындау, сондай-ақ калийге бай диетаны ұстану ұсынылады.

Бауыр циррозы, бауыр жеткіліксіздігі аясында асциті бар науқастарға дозалау режимін таңдау стационар жағдайында жүргізу керек (су-электролитті теңгерімнің бұзылуы бауыр комасының дамуын туғызуы мүмкін). Плазма электролиттерінің мөлшеріне ұдайы бақылау көрсетілген.

Азотемия және олигурия күшейген немесе пайда болған кезде бүйректің ауыр үдемелі ауруымен науқастарда емдеуді тоқтату ұсынылады.

Қант диабетімен немесе глюкозаға төзімділігі төмен науқастарда қанда және несепте глюкоза деңгейін кезең-кезеңімен бақылау талап етіледі.

Ес-түссіз жағдайдағы, қуық асты безі қатерсіз гиперплазиясы, несепағардың тарылуы немесе гидронефрозы бар науқастарда несеп бөлінуін бақылау керек (несептің жедел іркілуі мүмкін).

Ұзақ уақыт бойы қабылдау гиповолемияға әкелуі мүмкін.

Құрамында лактозаның болуына байланысты, бұл дәріні туа біткен галактоземиясы, глюкоза және галактоза мальабсорбция синдромы, лактаза тапшылығы жағдайында қолдануға болмайды.

Зат алмасудың бұзылуы және тағамның қорытылу үдерісі

Ұзақ емнен кейін басқа диуретиктерді қолдану жағдайындағыдай пайда болатын диурез нәтижесінде электролиттік және су теңгерімінің бұзылуы мүмкін. Фуросемид натрий мен хлоридтің шығарылуының жоғарылауына, демек судың шығарылуының жоғарылауына әкеледі. Сонымен қатар, басқа электролиттердің (атап айтқанда калий, кальций және магний) шығарылуы артады. Метаболизмдік ацидоздың пайда болуына жол беріледі. Осы патологияның қаупі жоғары дозаларда артады және негізгі аурудан (мысалы, бауыр циррозы, жүрек жеткіліксіздігі), сонымен қатар қабылданатын дәрі-дәрмектер мен диеталарға тәуелді.

Симптоматикалық электролиттік бұзылулар мен метаболизмдік алкалоз электролиттік теңгерімнің біртіндеп жоғарылауымен немесе, мысалы, бүйрек функциясы қалыпты пациенттерге Фуросемидтің одан жоғары дозалары енгізілген жағдайда, электролиттердің өткір ауыр жоғалуларымен көрінуі мүмкін.

Электролиттік теңгерімсіздіксимптомдары бұзылулардыңтүріне байланысты:

натрий тапшылығы сананың шатасу, бұлшықет спазмы, бұлшықет әлсіздігі, тәбеттің жоғалуы, бас айналу, ұйқышылдық және құсу түрінде көрінуі мүмкін.

Калий тапшылығы жүйке-бұлшықет симптомдарымен (бұлшықет әлсіздігі, салдану), ішек симптомдарымен (құсу, іш қату, іш кебу), бүйрек симптомдарымен (полиурия) немесе жүрек симптомдарымен көрінеді. Калийдің қатты сарқылуы ішектің салдану ауруына немесе сананың шатасуына әкелуі мүмкін, бұл өз кезегінде комаға әкелуі мүмкін.

Магний мен кальцийдің тапшылығы өте сирек жағдайларда тетанияға және жүрек ырғағының бұзылуына әкелуі мүмкін.

Қан сарысуындағы кальций мөлшері төмендеуі мүмкін; өте сирек жағдайларда тетания байқалады.Шала туған нәрестелерде нефрокальциноз/нефролитиаздың даму жағдайлары байқалды.

Фуросемидпен емдеу процесінде қан сарысуындағы холестерин мөлшері өзгеруі мүмкін, бұл ТТЛП холестеринінің төмендеуімен және қан сарысуындағы ТТЛП холестеринінің жоғарылауымен, сондай-ақ триглицеридтер деңгейінің жоғарылауымен көрінеді. Ұзақ мерзімді терапия кезінде бұл көрсеткіштер әдетте алты ай ішінде қалпына келеді.

Басқа диуретиктермен жағдайдағыдай Фуросемидпен емдеу қандағы креатинин мен мочевина деңгейінің уақытша жоғарылауына әкелуі мүмкін. Қан сарысуындағы несеп қышқылының деңгейі жоғарылауы мүмкін, подагра ұстамалары да пайда болуы мүмкін.

Фуросемидтің несеп айдайтын әсері гиповолемияға және ағзаның сусыздануына әкелуі мүмкін, әсіресе егде жастағы пациенттерде.Өз кезегінде, ауыр сусыздану тромбоздың даму тенденциясының дамуымен гемоконцентрацияға әкелуі мүмкін.

Эндокриндік бұзылулар

Фуросемидті қабылдау аясында глюкозаға төзімділік төмендеуі мүмкін. Қант диабетімен ауыратын науқастарда бұл метаболикалық процестердің нашарлауына әкелуі мүмкін; жасырын қант диабеті айқын болуы мүмкін. Қант диабетімен ауыратын науқастарда инсулинге қажеттілік артуы мүмкін.

Есту органдарының бұзылуы және лабиринтті бұзылулар

Есту функциясының бұзылуы және құлактың шуылдауы, олар өтіп кеткеніне қарамастан, сирек жағдайларда, әсіресе бүйрек жеткіліксіздігі, гипопротеинемия (мысалы, нефрит синдромы) бар пациенттерде және/немесе фуросемидтівена ішіне тым тез енгізгенде пайда болуы мүмкін.

Жүрек бұзылыстары

Фуросемид қан қысымының төмендеуіне әкелуі мүмкін, бұл өз кезегінде айтарлықтай төмендеген кезде зейін қою мен реакциялардың бұзылуы, бас айналу, басқа қысым түсуін сезіну, бас ауруы, бас айналу, ұйқышылдық, әлсіздік, көру қабілетінің бұзылуы, ауыздың құрғауы, ортостаздық жақпаушылық сияқты салдар мен симптомдардың себебі болуы мүмкін.

Гепатобилиарлық бұзылулар

Бірлі-жарым жағдайларда бауыр ішілік холестаз, бауыр трансаминазалары деңгейінің жоғарылауы немесе жедел панкреатит дамуы мүмкін.

Гепатоцеллюлярлық жеткіліксіздігі бар пациенттерде бауыр энцефалопатиясы дамуы мүмкін.

Жүрек айнуы, дімкәстік немесе асқазанның бұзылуы (құсу немесе диарея) және іш қату сияқты асқазан-ішек бұзылыстарының пайда болуына жол беріледі. Алайда, олар емдеуді тоқтатуды талап ететіндей ауыр емес.

Несеп шығару немесе несепті ұстай алмаудың күшеюіне, сондай-ақ несеп шығару жолдарының обструкциясы бар пациенттерде симптомдардың өршуіне жол беріледі. Қуық аурулары, қуық асты безінің гиперплазиясы немесе уретраның тарылуы бар пациенттерде асқынулармен бірге жедел несеп кідіруі мүмкін.

Респираторлық дистресс синдромы бар шала туған нәрестелерде туғаннан кейінгі алғашқы апталарда Фуросемид таблеткаларын қабылдау ашық артериялық түтік синдромының даму қаупінің жоғарылауына әкеледі.

Шала туған нәрестелерде Фуросемид бүйректе тастар түрінде шөгуі немесе нефрокальцинозды тудыруы мүмкін.

Сирек асқынуларға жеңіл психикалық бұзылулар жатады.

Бүйрек және несеп шығару жүйесінің бұзылуы

Қан сарысуындағы креатинин мен мочевина деңгейі Фуросемидпен емдеу процесінде уақытша жоғарылауы мүмкін.

Лактация кезінде жүктілік кезінде қолдану

Жүктіліктің ІІ-ІІІ триместрлерінде фуросемидтіөмірлік көрсеткіштер бойынша қолдану мүмкін.

Лактация кезеңінде әйелдерде сүтпен бірге бөлінеді, осыған байланысты емдеу кезеңінде емшек емізуді тоқтату қажет.

Автомобильді және қауіптілігі зор механизмдерді басқару қабілетіне ықпалы

Аса назар аударуды және психомоторлық реакциялардың жылдамдығын талап ететін қауіпті қызмет түрлерімен айналысудан аулақ болу керек.

Қолдану жөніндегі нұсқаулар

Дозалау режимі

Ішке, таңертең тамақтанар алдында, сумен ішу керек. Дозалау режимін клиникалық жағдайды, пациенттің жасын ескере отырып, жеке белгілейді. Емдеу процесінде дозалау режимі диуретикалық жауаптың шамасына және пациенттің жай-күйінің динамикасына байланысты түзетіледі.

Ішке қабылдаған кезде ересектер үшін бастапқы доза тәулігіне 20-80 мг құрайды.

6 жастан асқан балалар үшін бір реттік доза 1-2 мг/кг құрайды.

Балаларға арналған ең жоғары бір реттік доза - 4 мг/кг. Емдеу курсын дәрігер белгілейді.

Артық дозаланған жағдайда қабылдануы тиіс шаралар

Симптомдары: препараттың артық дозалануы сусыздануға, ағзадағы сұйықтық көлемінің сарқылуына және электролиттердің бұзылуына, кейіннен гипотензия мен жүрек уыттылығына әкелетін жаппай диурезді тудыруы мүмкін. Жедел немесе созылмалы артық дозаланғанда клиникалық көрініс ең алдымен электролиттер мен сұйықтықтың жоғалу дәрежесі мен салдарына байланысты, мысалы, гиповолемия, дегидратация, гемоконцентрация, шамадан тыс диурез салдарынан жүрек ырғағының бұзылуы. Бұл бұзылулардың симптомдарына ауыр гипотензия (шокқа дейін үдемелі), жедел бүйрек жеткіліксіздігі, тромбоз, сандырақтау жағдайлары, сылбырсалдану, апатия және сананың шатасуы жатады. Жоғары дозалар өтпелі кереңдікті тудыруы мүмкін және подагра тудыруы мүмкін (несеп қышқылы секрециясының бұзылуы).

Емі: Асқазанды тазартудың пайдасы нақты емес. Пациенттерге препаратты ішке қабылдағаннан кейін 1 сағат ішінде белсендірілген көмірді пайдалану ұсынылады (ересектер үшін 50 г: балалар үшін 1 г/кг). Пациент кем дегенде 4 сағат бойы бақылауда болуы керек: импульсті және қан қысымын бақылаңыз. Гипотензия мен дегидратацияны тиісті вена ішілік сұйықтықтарды енгізу арқылы емдеңіз. Несеп шығаруды және қан сарысуындағы электролиттердің деңгейін бақылаңыз (оның ішінде хлорид пен бикарбонат). Электролит теңгерімсіздігін реттеңіз. 12-каналды электрокардиографтың көмегімен электролит теңгерімінің айтарлықтай бұзылуы бар пациенттерде көрсеткіштерді бақылаңыз.

Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну ұсынылады

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар

Препаратты қабылдаудың жағымсыз салдары мынадай жиілікпен білінуі мүмкін: өте жиі (> 1/10), жиі (> 1/100, < 1/10), сирек (> 1/1.000, < 1/100), сирек (>1/10.000, <1000) және өте сирек (< 1/10. 000, соның ішінде жеке хабарламалар).

Жиі емес

- тромбоцитопения

- көру функциясының бұзылуы

- жүрек ырғағының бұзылуы

- кереңдік (кейде қайтымсыз)

- жарыққа сезімталдық

- шаршау және шаршағыштық

- ауыздың құрғауы, шөлдеу, жүрек айну, ішек моторикасының бұзылуы, құсу, диарея, іш қату

Сирек

- эозинофилия

- лейкопения

- сүйек кемігі функциясының бәсеңдеуі (емдеуді тоқтатуды талап етеді). Қантүзу жағдайын үнемі бақылау қажет

- парестезия

- гиперосмолярлық кома

- васкулит

- жедел панкреатит

- тері және шырыштық реакциялар (мысалы, қышыну, есекжем, басқа бөртпелер немесе буллездік зақымданулар, экссудативті көп пішінді эритема (Лайелл синдромы және Стивенс-Джонсон синдромы), буллездік экзантема, эксфолиативті дерматит, пурпура, ЖЖЭП (жедел жайылған экзантематозды пустулез) және дресс (эозинофилия және жүйелік симптомдары бар дәрілік бөртпе)

- ауыр анафилаксиялық немесе анафилактоидты реакциялар (мысалы, шок кезінде)

- қызба

- дімкәстік

- жедел панкреатит

- интерстициальді нефрит, жедел бүйрек жеткіліксіздігі

Өте сирек

- аплазиялық анемия немесе гемолиздік анемия

- агранулоцитоз

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитетінің «Дәрілік заттар мен медициналық бұйымдарды ұлттық сараптау орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

белсенді зат – фуросемид - 40 мг;

қосымша заттар: лактоза моногидраты, картоп крахмалы, крахмал 1500, ішінара желатинделген жүгері крахмалы, магний стеараты.

Сыртқы түрінің, иісінің, дәмінің сипаттамасы

Жалпақ цилиндр пішінді, ақ немесе ақ дерлік түсті, ойығы бар таблеткалар

Шығарылу түрі және қаптамасы

10 таблеткадан дәрілік заттарды және алюминий фольгасы немесе алюминий фольгасы немесе аралас материал негізіндегі икемді қаптаманы орауға арналған поливинилхлоридті үлбірден немесе пластификацияланбаған ПВХ үлбірінен жасалған пішінді ұяшықты қаптамаға салынады.

5 пішінді ұяшықты қаптамада 10 таблеткадан медициналық қолданылуы жөніндегі мемлекеттік және орыс тілдеріндегі нұсқаулықпен бірге картонқорапшаға салынған.

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Сақтау шарттары

Құрғақ, жарықтан қорғалған жерде, 25ºС-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәлімет

«Борисов медициналық препараттар зауыты» ашық акционерлік қоғамы, Беларусь Республикасы, Минск облысы, Борисов қаласы, Чапаев көшесі 64, тел/факс +375(177)734043, market@borimed.com.

Тіркеу куәлігінің ұстаушысы

«Борисов медициналық препараттар зауыты» ашық акционерлік қоғамы, Беларусь Республикасы. Борисов қ., Чапаев к-сі, 64, тел/факс +375(177)734043, market@borimed.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Қазақстан Республикасы, 050026. Алматы қ., Нұрмақов к-сі 26/195, 39 пәтер, ЖК «МедФарм», тел / факс: +7 (727) 2911 198, тел.: +7 777 7040709, +7 777 2306494; е-mail: pvqa-bzmp-kz@mail.ru

Дәріханалар

Тауар артығымен бар
Тауар аз қалды
Аптека №168
ул. Сейфулина 44
09:00-21:00