Тауарлардың көрінісі фотосуретте көрсетілгеннен өзгеше болуы мүмкін

Гербион исландского мха 150 мл сироп

2330
Қолжетімділігі
Сатылымда бар
Үлгі
3838989652494
Елі
Словения
Өндіруші
KRKA d.d.
0-0-4 бөліп төлеу
583 x 4 ай
  • Сипаттама

Сипаттама

Дәрілік препаратты медициналық қолдану жөніндегі нұсқаулық

Саудалық атауы

Гербион®исланд мүгінің шәрбаты

Халықаралық патенттелмеген атауы

Жоқ

Дәрілік түрі, дозалануы

Шәрбат, 150 мл

Фармакотерапиялық тобы

Респираторлық жүйе. Жөтел және суық тиюсимптомдарын жоюға арналған препараттар. Жөтел және суық тию аурулары кезінде қолданылатын препараттар. Жөтелге қарсы препараттар, қақырық түсіретін препараттармен біріктірілімді қоспағанда. Жөтелге қарсы басқа да препараттар.

АТХ коды R05DB

Қолданылуы

Гербион исланд мүгінің шәрбаты құрамында исланд мүгінің қою экстрактісі бар. Бұл өсімдік тектес препарат,мыналарды жеңілдету үшін ұсынылған:

- құрғақ, тітіркендіргіш жөтелде

- тамақтың қарлығуы мен ауыруында

Қолдануды бастағанға дейін қажетті мәліметтер тізбесі

Исланд мүгінің экстрактісі құрамында суда еритін шырыштың көп мөлшері бар, ол ауыз қуысы мен тамақтың шырышты қабығын жабады, қорғайды және ылғалдандырады деп саналады, осылайша тітіркену мен құрғақ жөтелді жояды.

Қолдануға болмайтын жағдайлар

- Исланд мүгінің экстрактісіне немесе осы дәрілік заттың басқа ингредиенттерінің кез келгеніне аса жоғары сезімталдық

- 1 жасқа дейінгі балалар

- жүктілік және бала емізу

- тұқым қуалайтын фруктоза жақпаушылығы бар пациенттер

Басқа дәрілік препараттармен өзара әрекеттесуі

Гербион исланд мүгінің шәрбатының басқа дәрілік заттардың әсерлеріне ықпалы туралы ақпарат алынған жоқ

Арнайы ескертулер

Гербион исланд мүгінің шәрбатын қолданар алдында өзіңіздің емдеуші дәрігеріңізбен немесе фармацевтпен мына жағдайларда кеңесіңіз:

Қосымша заттарға қатысты ерекше нұсқаулар

Гербион исланд мүгінің шәрбаты құрамында сорбитол (Е420), этанол және натрий бензоаты бар.

Препараттың 1 мл шәрбатында 760 мг сорбитол бар.

Сорбитол фруктоза көзі болып табылады. Егер сіздің дәрігеріңіз сізде (немесе сіздің балаңызда) кейбір қанттарға жақпаушылық бар десе немесе егер сізде тұқым қуалайтын фруктоза жақпаушылығы (HFI) анықталса, сирек генетикалық ауру кезінде адамда фруктозаны сіңіру қабілеті бұзылады, сіз (немесе сіздің балаңыз) препаратты қабылдауды бастамас бұрын сіздің дәрігеріңізбен кеңесу керек.

Сорбитол асқазан-ішек жолдарының ағзалары тарапынан ыңғайсыздық тудыруы мүмкін, сондай-ақ іш жүргізетін әсері бар.

Препаратта бір дозаға 100 мг-дан кем этанолдың (спирт) аз мөлшері бар.

Бұл дәрі құрамында 1 мл-ге 2 мг натрий бензоаты бар.

Балаларда қолдану

1 жастан 4 жасқа дейінгі балаларға бұл дәрілік затты дәрігердің алдын ала кеңесінсіз қолдануға болмайды.

Жүктілік және бала емізу

Гербион исланд мүгінің шәрбаты жүкті және емізетін әйелдерде исланд мүгі экстрактісін қолдану бойынша деректердің жеткіліксіздігіне байланысты жүкті әйелдерде және лактация кезеңінде қолдануға болмайды.

Қолдану жөніндегі нұсқаулар

Дозалау режимі

Ересектер мен 16 жастан асқан жасөспірімдерге арналған стандартты доза тәулігіне төрт рет 15 мл шәрбатқа тең (бұл қою исланд мүгі экстрактісінің 360 мг баламалы).

10 жастан 16 жасқа дейінгі балаларға арналған стандартты доза тәулігіне төрт рет 10 мл шәрбатқа тең (бұл қою исланд мүгі экстрактісінің 240 мг баламалы).

4 жастан 10 жасқа дейінгі балаларға арналған стандартты доза тәулігіне төрт рет 5 мл шәрбатқа тең (бұл қою исланд мүгі экстрактісінің 120 мг баламалы).

1 жастан 4 жасқа дейінгі балаларға арналған стандартты доза тәулігіне төрт рет 2,5 мл шәрбатқа тең (бұл қою исланд мүгі экстрактісінің 60 мг баламалы).

Енгізу жолы және тәсілі

Ішке қабылдау үшін.

Препаратты қолданар алдында құтыны сілку қажет

Шәрбатты қабылдағаннан кейін бірден тамақ немесе сусындар ішуге болмайды, себебі бұл препаратты ауыз қуысы мен тамақтың шырышты қабығынан шығаруды жеделдетуі мүмкін. Дегенмен, емдеу кезінде шай немесе жылы сұйықтықты көп ішу ұсынылады, бірақ шәрбатты қабылдағаннан кейін бірден емес.

Емдеу ұзақтығы

Емдеудің ұзақтығы аурудың сипаты мен ауырлығына байланысты, сондықтан емдеу ұзақ уақыт бойы (7-14 күн) үздіксіз жалғасуы мүмкін.

Дәрілік затты аурудың клиникалық белгілері жойылғаннан кейін бірнеше күн ішінде қабылдауды жалғастыру ұсынылады.

Артық дозалану жағдайында қабылдануы қажет шаралар

Препаратты ұсынылған мөлшерден артық дозада қолданбаңыз. Артық дозалану жағдайлары туралы хабарланған жоқ.

ДЗ бір немесе бірнеше дозасын өткізіп алған жағдайда қабылдануы тиісті шаралар

Өткізіп алғанның орнына препараттың қосарлы дозасын қабылдауға болмайды.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Белгісіз (қолда бар деректер негізінде бағалау мүмкін емес)

- тері қышынуы, бөртпе, эритема немесе тыныс алудың қиындауымен көрінетін дәрілік заттың компоненттеріне аллергиялық реакциялар

- іш жүргізетін орташа әсері (құрамында сорбитолдың болуына байланысты), асқазан-ішек жолдары ағзалары тарапынан жайсыздық сезімі

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

1 мл шәрбаттың құрамында

белсенді зат: 6,0 мг исланд мүгінің (Cetraria islandica (L.) Acharius s.l., қатпарлары) қою сулы экстрактісі (16 - 18:1) (96 мг - 108 мг исланд мүгіне баламалы),

қосымша заттар: сұйық сорбитол (кристалданбайтын) (Е420), ксантан шайыры (Е415), натрий бензоаты (Е211), лимон қышқылы моногидраты (Е330), тазартылған су, лимон хошиістендіргіші (құрамы: лимон майы, этанол (Е1510), су, лайм майы, хош иісті субстанциялар, Litsea cubeba цитраль экстрактісі)

Сипаттамасы

Өзіне тән иісі және дәмі бар, сәл бозаңданатын, сары-қоңырдан қоңыр түске дейінгі сұйықтық. Табиғи субстанцияларға тән, елеусіз шөгінді байқалуы мүмкін.

Шығарылу түрі және қаптамасы

150 мл шәрбаттан алғашқы ашылуы бақыланатын бұралатын пластик қақпағы бар күңгірт шыныдан жасалған шыны құтыларға құйылған.

1 құты өлшеуіш қасықпен және медициналық қолданылуы жөніндегі қазақ және орыс тілдеріндегі нұсқаулықпен бірге картон қорапшаға салынған.

Сақтау мерзімі

2 жыл

Құтыны ашқаннан кейінгі қолдану мерзімі – 3 ай.

Жарамдылық мерзімі өткеннен кейін қолдануға болмайды.

Сақтау шарттары

30 ºС-ден аспайтын температурада сақтау керек. Құты ашылғанға дейін және одан кейін тоңазытқышта сақтауға болмайды.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәлімет

КРКА, д. д., Ново место,

Шмарьешка цеста 6, 8501 Ново место, Словения

Тел: +386 7 331 21 11

Факс: +386 7 332 15 37

info@krka.biz

Тіркеу куәлігінің ұстаушысы

КРКА, д.д., Ново место,

Шмарьешка цеста 6, 8501 Ново место, Словения

Тел: +386 7 331 21 11

Факс: +386 7 332 15 37

info@krka.biz

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«КРКА Қазақстан» ЖШС

Қазақстан Республикасы, 050059,

Алматы қ.,Әл Фараби д-лы 19,

1б корпус, 2-қабат, 207 кеңсе,

тел.: +7 (727) 311 08 09,

факс: +7 (727) 311 08 12,

info.kz@krka.biz