Хепилор 20 мл, спрей для ротовой полости
Тауарлардың көрінісі фотосуретте көрсетілгеннен өзгеше болуы мүмкін

Хепилор 20 мл, спрей для ротовой полости

2302
Қолжетімділігі
Сатылымда бар
Үлгі
4823002223927
Елі
Украина
Өндіруші
Фармак ОАО
0-0-4 бөліп төлеу
576 x 4 ай
  • Сипаттама

Сипаттама

Дәрілік затты медициналық қолдану

жөніндегі нұсқаулық

ХЕПИЛОР®

Саудалық атауы

Хепилор®

Халықаралық патенттелмеген атауы

Жоқ

Дәрілік түрі

Ауыз қуысына арналған спрей, 20 мл және 50 мл

Құрамы

1 мл спрейдің құрамында

Белсенді заттар: 100% затқа шаққанда гексетидин – 1 мг, 100% затқа шаққанда холин салицилаты80% – 5 мг, 100% сусыз затқа шаққанда хлорбутанол гемигидраты – 2,5 мг;

қосымша заттар: этанол (96 %), 100% сусыз затқа шаққанда натрий сахарині, полисорбат 20, пропион қышқылы, лимон майы, анис майы, левоментол, эвкалиптол, тазартылған су.

Сипаттамасы

Бүріккішпен қамтылған, клапан-сорғысы бар құтыда, спиртті-анистідәмі және өзіне тән хош иісі бар мөлдір немесе жеңіл бозаңданған сұйықтық. Аэрозольді сорғы түрінде бүріккіш арқылы препарат құтыдан босап шығады.

Фармакотерапиялық тобы

Тамақ ауруларын емдеуге арналған препараттар. Антисептиктер. Басқа да препараттар.

АТХ коды R02A А20

Фармакологиялық қасиеттері

Фармакокинетикасы

Белсенді заттар ауыз қуысының шырышты қабығында бекітіледі, олар ол жерден біртіндеп босап шығады.

Фармакодинамикасы

Препараттың әсері үш белсенді ингредиентпен негізделген.

Бактерияға қарсы және зеңге қарсы белсенділік.

Гексетидин – жергілікті қолдануға арналған антисептикалық дәрі. Гексетидиннің арқасында Хепилор® ауыз қуысы ауруларының көбірек таралған қоздырғыштарына, оның ішіндеграмоң және грамтеріс микроорганизмдер (аэробтар мен анаэробтар) мен зеңдерге қатысты айқын бактерияға қарсы әсер береді. Хепилор® спрейінің әсер ету механизмі гексетидиннің тиаминді бәсекелесе алмастыру (гексетидиннің құрылымы тиаминнің құрылымымен ұқсас) қабілетіне негізделген, ол бактериялар мен зеңдердің өсуі мен көбеюі үшін қажет.

Гексетидин тіндерді қанмен қамтамасыз етуді жақсарта және эпидермистің регенерациясын көтермелей отырып, қан тоқтататын әсер береді, ауыру сезімін басады, шырышты қабыққа бүркемелегіш әсер етеді.

Қабынуға қарсы белсенділік.

Холин салицилаты айқын ауыруды басатын, ыстық түсіретін және қабынуға қарсы әсерге ие, ауыз қуысының ауруларын емдеу үшін жергілікті қолданылады.

Ауыруды басатын белсенділік. Хлорбутанол бактерияға қарсы, қабынуға қарсы әсерге және жергілікті жансыздандырғыш белсенділікке ие, ол ауырудың жеңілдеуіне ықпал етеді. Белсенді заттар ауыз қуысы шырышты қабығында бекітіледі, олар ол жерден біртіндеп босап шығады.

Хепилор® спрейі тамақтағы ауыру мен қабынуды басады, бактериялық инфекциялардың дамуына кедергі жасайды және ауыз қуысы мен жұтқыншақтың шырышты қабығының эпителизациясын жеделдетеді.

Қолданылуы

  • ауыз қуысы мен жұтқыншақтың инфекциялық ауруларын және қабыну үдерістерін жергілікті емдеуде: баспада, жедел және созылмалы тонзиллитте, фарингитте, ларингитте; гингивитте, стоматитте, афталарда
  • стоматологиялық араласулардан кейін ауыз қуысының күтімінде

Қолдану тәсілі мен дозалары

Ауыз қуысына бүрку үшін жергілікті қолданады.

Ересектер мен 15 жастан бастап балаларға: 1 бүркуден тәулігіне 4-6 рет.

6-дан 15жасқа дейінгі балаларға: 1 бүркуден тәулігіне 2-3 рет.

Емдеу курсы - 5 күннен артық емес.

Жағымсыз әсерлері

Иммунитет жүйесі тарапынан: есекжемді, ангионевроздық ісінуді, ларингоспазмды, бронхоспазмды қоса аса жоғары сезімталдық реакциясы.

Жүйке жүйесі тарапынан: агевзия, дисгевзия, 48 сағат бойы дәм сезудің өзгеруі («тәттіні» сезіну «ащыны» сезінуге екі рет өзгеруі мүмкін).

Тыныс алу жүйесі, кеуде қуысы мүшесі және көкірек қуысы тарапынан: жөтел, ентігу, тамақта шымылдатып ашығанды сезіну.

Ас қорыту жүйесі тарапынан: ауыздың құрғауы, дисфагия, сілекей бездерінің артуы, жұтынған кездегі ауыру. Препаратты байқаусызда жұтқан жағдайда асқазан-ішек жолынан бұзылулар, алдымен жүрек айнуы және құсу пайда болуы мүмкін.

Тері және тері асты шелі тарапынан: аллергиялық жанаспалы дерматит, тері реакциясы (бөртпелері).

Жалпы бұзылулар және қолданған орынның жай күйі: жергілікті реакциялар – тіс пен тілдің түсінің қайтымды өзгеруі; шырыш қабығының сезімталдығы, нақты – шымылдатып ашыту, жансыздануды сезіну; тілдің және/немесе ауыз қуысы шырышты қабығының тітіркену (ауыру, ысынуды сезіну, қышыну); сезімталдықтың төмендеуі; шырышты қабықтың парестезиясы; қабыну; көбіршіктену; шырышты қабықта ойылудың пайда болуы, жанасқан орында ісіну, мұрын/жұтқыншақ шырышты қабығының кебуі.

Қандай да бір жағымсыз реакциялар пайда болғанда препаратты қолдануды тоқтатып, міндетті түрде дәрігерге жүгіну керек.

Қолдануға болмайтын жағдайлар

  • препараттың кез-келген компоненттеріне аса жоғары сезімталдық
  • атрофиялық фарингит
  • оларды аса жоғары сезімталдық байланыстыратын бронхтық демікпесі немесе тыныс алу жолдарының кез келген басқа да аурулары
  • 6 жасқа дейінгі балалар
  • жүктілік және лактация кезеңі

Дәрілермен өзара әрекеттесуі

Құрамында антисептиктер бар препараттармен бірге қолдануға болмайды (басқа да антисептикалық дәрілермен өзара байланысуы мүмкін). Гексетидин сілтілік ерітінділермен белсенділігін жоюы мүмкін.

Айрықша нұсқаулар

Қолданған кезде препаратты жұтуға болмайды және көзге тиюін болдырмау, бауыр ауруы бар пациенттерге абайлап тағайындау керек, өйткені препараттың құрамында этанол бар.

Эпилепсиясы бар пациенттерге препаратты абайлап қолдану керек. Препарат эпилепсия шегін азайтуы және балаларда құрысуды туындатуы мүмкін. Аллергиялық реакциясы, әсіресе ацетилсалицил қышқылына аллергиялық реакциясы бар пациенттерге абайлап қолдану керек.

Левоментол бар болса балаларда ларингоспазмның пайда болу қаупі бар.

Ұзақ уақыт қолдану ұсынылмайды, өйткені бактериялардың немесе зеңдердің таралу қаупібар ауыз қуысы мен тамақтың табиғи микробтық тепе-теңдігі өзгеруі мүмкін.

Бактериялық инфекцияның жалпы клиникалық белгілері пайда болса, бактерияға қарсы жалпы ем қарастырылуы тиіс.

Егер симптомдар 5 күннен артық сақталса және/немесе дене температурасы жоғарыласа, қабыну күшейсе препаратпен емдеуді тоқтату және емдеу тактикасын қайта қарастыру қажет.

Педиатриядақолдану

Препаратты балаларға 6 жастан бастап қолдану керек.

Жүктілік және лактация кезінде қолданылуы

Гексединнің емшек сүтімен бөлінетіні және плацента арқылы өту мүмкіндігі жөнінде адамдарда зерттеу деректерде болмаған, сондықтан препаратты жүктілік кезеңінде немесе емшек емізуде қолдануға болмайды.

Препараттың көлік құралын немесе қауіпті механизмдерді басқару қабілетіне ықпал ету ерекшеліктері.

Препарат құрамында этанол бар. Препаратты қолданғаннан кейін 30 минут бойы жүргізушілер көлікті басқаруға болмайды.

Артық дозалануы

Ауыз қуысында спрейдің жеткілікті мөлшері сіңетіндіктен, құрамында этил спирті болғандықтан Хепилор® алкогольдік уыттылық туындатуы мүмкін.

Егер препарат тағайындалуы бойынша пайдаланылсаХепилор® препараты құрамындағы гекседин концентрациясы, ауыз қуысына арналған спрей уытты болып табылмайды.

Жедел алкогольдік уыттылықтың пайда болу ықтималдығы өте аз. Егер бала препараттың елеулі дозасын жұтқан болса, құрамында этил спирті болғандықтан алкогольдік уыттылық пайда болуы мүмкін.

Аса жоғары сезімталдық реакциясының пайда болуына әкелген гексетидинді шамадан тыс қолдану жағдайы болған жоқ.

Емі: симптоматикалық. Бала құты ішіндегісін жұтып қойған жағдайда шұғыл түрде дәрігерге жүгіну керек. Жұтқаннан кейін 2 сағат ішінде асқазанды шаю мүмкіндігін қарастыру және алкогольдік уыттылық белгілерін жоюға күш жұмсау керек.


Шығарылу түрі және қаптамасы

Бүріккішпен қамтылған, ауыз арқылы қолданылатын дозалағыш-сорғысы бар, қоңыр түсті шыныдан жасалған құтыда 20 мл немесе 50 мл-ден.

Құтыға өздігінен желімделетін заттаңбаны жапсырады.

Әр құты медициналық қолдану жөніндегі нұсқаулықпен бірге картоннан жасалған қорапшаға салынған.

Сақтау шарттары

Түпнұсқалық қаптамасында, 25оС-ден аспайтын температурада сақтау керек. Мұздатып қатыруға болмайды.

Балалардың қолы жетпейтін жерде сақтау керек!

Сақтау мерзімі

3 жыл

Препаратты қаптамасында көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

“Фармак” ЖАҚ, Украина, 04080, Киев қ-сы, Фрунзе к-сі, 74.

Тіркеу куәлігінің иесі

“Фармак” ЖАҚ, Украина

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын және тіркеуден кейінгі бақылауға жауапты ұйымның мекенжайы

Қазақстан Республикасы, Алматы қ-сы, индекс 050012, Амангелді к-сі 59 "А", "Шартас" бизнес орталығы, 9 қабат.

Тел +7 (727) 267 64 63, факс +7 (727) 267 63 73, электронды поштасы: a.liadobruk@gmail.com,