Инсти для детей № 5 пакетики

Сипаттама

Дәрілік затты медициналық қолдану

жөніндегі нұсқаулық

БАЛАЛАРҒА АРНАЛҒАН ИНСТИ

Саудалық атауы

Балаларға арналған Инсти

Халықаралық патенттелмеген атауы

Жоқ

Дәрілік түрі

Түйіршіктер, 3.5 г

Құрамы

1 пакет ішінде

белсенді заттар:

Ақ тал қабығы қою экстрактісі 172.0 мг

Жалаң мия тамырлары қою экстрактісі 128.0 мг

Тамырлы адхатода жапырақтары қою экстрактісі 72.0 мг

Қытай шайы жапырақтары қою экстрактісі 31.0 мг

Жұпар шегіргүл жапырақтары қою экстрактісі 25.0 мг

Дәрілік шүйгіншөп тамырсабағымен

тамырларының қою экстрактісі 25.0 мг

Кәдімгі фенхель жемістері қою экстрактісі 19.0 мг

Шар тәрізді эвкалипт жапырақтары қою экстрактісі 9.0 мг

қосымша заттар: «Тутти-фрутти хош иістендіргіші: апельсин майы, жүзімнің, құлпынайдың, бананның дәмдеуіш заттары, метилпарагидроксибензоат, пропилпарагидроксибензоат, су», ментол, жүгері крахмалы, сахароза.

Сипаттамасы

Қоңыр түсті түйіршіктер.

Фармакотерапиялық тобы

Басқа препараттар. Басқа емдік препараттар, барлығы. Басқа дәрілік препараттар.

АТХ коды V03AX

Фармакологиялық қасиеттері

Фармакокинетикасы

Балаларға арналған Инсти препаратының әсері оның компоненттерінің біріккен әсері болып табылады, сондықтан фармакокинетикалық зерттеулерді жүргізу мүмкін емес: барлық компоненттер бірге маркерлердің немесе биозерттеулердің көмегімен бақыланбайды. Осы себептерге байланысты препарат метаболиттерін де анықтау мүмкін емес.

Фармакодинамикасы

Балаларға арналған Инсти, түйіршіктер – қақырық түсіретін, муколитикалық, бронхолитикалық, ыстықты түсіретін және спазмолитикалық әсері бар кешенді фитопрепарат. Балаларға арналған Инсти препараты жоғарғы және төменгі тыныс жолдарының қабыну үдерістерімен қатар жүретін уыттану симптомдарын (гипертермия, тершеңдік, әлсіздік) бәсеңдетеді, антисептикалық әсер етеді, қарқындылығын төмендетеді және жөтел өнімділігін арттырады.

Ақ талдың құрамында салицин, тремулацин гликозидтері бар. Ыстықты түсіретін, қабынуға қарсы, ауырғанды басатын әсер етеді.

Тамырлы адхатода құрамында вазицин, вазицинон алкалоидтары бар. Бронхты кеңейтетін, қақырық түсіретін әсерге ие, қақырықтың тұтқырлығын басады және бронх эпителийлері кірпікшелерінің қозғалыс белсенділігін арттырады, бұл қақырықтың шығуын жақсартуға ықпал етеді. Сурфактант өндірілуін көтермелейді, бұл тыныс алу мускулатурасына «дем алу/дем шығару» толыққанды циклін орындау мүмкіндігін қамтамасыз етеді. Гистаминнің әсерінен туындаған бронх түйілуінен қорғай отырып, демікпеге қарсы әсер етеді.

Жұпар шегіргүл құрамында виолин, фриделин, эфир майы бар. Антигистаминді, қақырық түсіретін, ыстықты түсіретін, терлететін әсер етеді.

Жалаң мия құрамында глицирризин, флавоноид, аспарагин гликозидтері бар. Қақырық түсіретін және қабынуға қарсы қасиеттерге ие. Мия құрамындағы глицирризин қышқылы жергілікті, және сонымен бірге жалпы иммунитетті де көтермелей отырып, иммунитет көтермелейтін әсерді қамтамасыз етеді.

Қытай шайы құрамында танин, кофеин, теофиллин бар. Тұтқыр, сергітетін, несеп айдайтын әсерге ие.

Кәдімгі фенхель құрамында эфир майлары, дипентин бар. Бронхтардың секреторлы функциясын күшейтеді және муколитиктік әсер етеді, сондай-ақ антисептикалық және қабынуға қарсы қасиеттерге ие.

Шар тәрізді эвкалипт құрамында эфир майлары (цинеол, пинен, миртенол, пинокарвон, эйдесмол), иіткіш заттар бар. Антисептикалық әсерге ие, әсіресе стрептококктарға, стафилококктарға қатысты, қабынуға қарсы әсер туындатады. Регенерация үдерістерін көтермелейді, тіндердің гипоксияға төзімділігін арттырады.

Дәрілік шүйгіншөп құрамында эфир майлары (изовалериан қышқылы, валереналь, борнеол, а-пинен), алкалоидтар (шүйгіншөп, хатинин), сапониндер, кетондар бар. Орталық жүйке жүйесінің қозғыштығын төмендетеді, тегіс бұлшықетті ағзалардың түйілуін азайтады.

Балаларға арналған Инсти пациенттердің жағдайын жақсартады, жоғары температураны және жөтелдің қарқындылығын төмендетеді. Қабылдағаннан кейін 24 сағат ішінде ринит, фарингит, трахеит симптомдарының жылдам басылуына ықпал етеді. Дағдылану мен ұйқышылдықты туындатпайды. Ыстық суда жылдам ериді.

Қолданылуы

Жөтелмен, қызбамен, ринитпен, бас және бұлшықет ауыруларымен қатар жүретін тұмауды, ЖРВЖ белгісіне қарай емдеуде.

Қолдану тәсілі және дозалары

Пакеттің ішіндегісін стақандағы ыстық суға салып ерітіп және оны асықпай ішу керек.

3 жастан 10 жасқа дейінгі балаларға: 1 пакеттен күніне 2 рет.

10 жастан үлкен балаларға: 1 пакеттен күніне 3 рет.

Емдеу курсы 5-7 күн

Жағымсыз әсерлері

сирек:

• препарат компоненттеріне аллергиялық реакциялар
• қанның ұйығыштығы көрсеткіштерінің төмендеуі
• препарат компонентеріне жеке жоғары сезімталдықта
• аспириндік демікпе
• қант диабеті
• 3 жасқа дейінгі балаларға

Қолдануға болмайтын жағдайлар

Дәрілермен өзара әрекеттесуі

Жөтелге қарсы препараттармен, сондай-ақ қақырық түзілуін азайтатын дәрілік заттармен бір мезгілде қабылдау ұсынылмайды.

Бір мезгілде қабылдағанда ацетилсалицил қышқылы мен қан ұюына қарсы дәрілердің әсерін күшейтеді.

Айрықша нұсқаулар

Гипокалориялық диета ұстанатын пациенттерге тағайындағанда Балаларға арналған Инсти түйіршіктерінің құрамына сахароза кіретінін ескеру қажет. Балаларға арналған Инсти препаратының құрамында метилпарагидроксибензоат және пропилпарагидроксибензоат бар, бұл аллергиялық реакцияларды (тіпті баяу жүретін) туындатуы мүмкін.

Егер респираторлық аурулар ауыр тыныс алумен, қызбамен, іріңді немесе қан аралас қақырықпен қатар жүретін болса, дәрігерге қаралу керек.

Балалар

3 жасқа дейінгі балаларда препараттың қауіпсіздігі және тиімділігі жеткілікті зерттелмеген.

Дәрілік заттың көлік құралдарын және қауіптілігі зор механизмдерді және машиналарды басқару қабілетіне әсер ету ерекшеліктері

Әсер етпейді

Артық дозалануы

Балаларға арналған Инсти препаратымен артық дозалану жағдайлары жөнінде хабарланбаған.

Шығарылу түрі және қаптамасы

3.5 г түйіршіктен үш қабатты алюминий фольгадан жасалған пакеттерге салады.

5 және 10 пакеттен медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салады.

Сақтау шарттары

25º С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

Хербион Пакистан Пвт. Лтд.

30/28 Коранги өнеркәсіп аймағы,

Карачи қ., Пәкістан

Тіркеу куәлігінің ұстаушысы

Хербион Пакистан Пвт. Лтд., Пәкістан

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«Фармация Юниверсал» ЖШС

Алматы қ., Чаплин/Халиуллин к-сі, 71/66

Тел: 234-48-53, 234-44-88

Қалалар