Біздің компаниямыз жайлы жалпы ақпарат.
Дәрілік затты медициналық қолдану
жөніндегі нұсқаулық
КСИМЕЛИН® ЭКО
Саудалық атауы
Ксимелин® Эко
Халықаралық патенттелмеген атауы
Ксилометазолин
Дәрілік түрі
Мұрынға арналған дозаланған спрей, 0.05% және 0.1%
Құрамы
1 мл препараттың құрамында
белсенді зат - 0.5 мг ксилометазолин гидрохлориді (0.05% үшін)немесе 1.0 мг ксилометазолин гидрохлориді (0.1%үшін).
қосымша заттар: динатрий гидрофосфаты дигидраты, натрий дигидрофосфаты дигидраты, динатрий эдетаты, натрий хлориді, тазартылған су.
Сипаттамасы
Мөлдір, түссіз немесе сәл боялған сұйықтық.
Фармакотерапиялық тобы
Респираторлық жүйе. Мұрынға арналған препараттар. Жергілікті қолдануға арналған деконгестанттар және мұрынға арналған басқа препараттар. Симпатомиметиктер, қарапайымдар. Ксилометазолин.
АТХ коды R01AА07
Фармакологиялық қасиеттері
Фармакокинетикасы
Ксилометазолин мұрынға жергілікті қолданғаннан кейін жүйелі сіңірілуімүмкін. Препарат жүйелік түрде қолдануға арналмаған.
Фармакодинамикасы
Ксилометазолин альфа-адреномиметикалық әсер ететін жергілікті тамыр тарылтатын дәрілер (деконгенсанттар) тобына жатады, мұрын шырышты қуысының қан тамырларының тарылуын тудырады, осылайша, ісінуді болдырмайды, мұрынның тыныс алуын және мұрын қуысындағы және мұрын маңы қойнауларындағы дренажды жеңілдетеді.
Ксимелин® Эко құрамында консерванттар жоқ. Емдік концентрацияларында мұрын қуысының шырышты қабығын тітіркендірмейді, гиперемияны тудырмайды. Әсер етуі бірнеше минуттан кейін басталады және 8 сағатқа дейін жалғасады. Ксимелин® Эко, әдетте, жақсы көтерімді және жыпылықтағыш эпителий функциясын бұзбайды.
Қолданылуы
- суық тиюмен, жыл бойғы және аллергиялық ринитпен (шөп қызбасын қоса алғанда) және синуситпен байланысты мұрын бітелуін симптоматикалық емдеу.
Қолдану тәсілі және дозалары
Қолданар алдында мұрын жолдарын тазалау қажет.
Ересектер және 12 жастан асқан балалар үшін:
Ксимелин® Эко 140 мкг/доза: әр мұрын жолына 1 бүркуден; тәулігіне 3 реттен көп қолдануға болмайды.
Препарат 7 күннен артық қолданылмайды.
6-дан 12 жасқа дейінгі балалар:
Ксимелин® Эко 35 мкг/доза: әр мұрын жолына 1 бүркуден; тәулігіне 3 реттен көп қолдануға болмайды. Дәрігердің кеңесінсіз препаратты 5 күннен артық қолданбау керек. Егер баланың жағдайы емдеу кезінде нашарласа, ата-аналары немесе қамқоршылары дәрігергеапаруы тиіс. Көрсетілген дозадан асырмаңыз.
Енгізу тәсілі
Жергілікті қолдануға арналған.
Помпаны бірінші рет қолданар алдында сұйықтық бірқалыпты болыпшыққанша, спрейді бірнеше рет басып тарту керек.
Препаратты енгізу кезінде құтыны тік күйде ұстау керек.
Жағымсыз әсерлері
Препараттың жағымсыз әсерлерінің жиілігі былайша бағаланады:
Жиі:³ 1/100, <1/10
Жиі емес:³ 1/1000, <1/100
Сирек: ³1/10 000, <1/1000
Өте сирек:<1/10 000
Иммундық жүйе тарапынан бұзылулар
Өте сирек: жүйелі аллергиялық реакциялар, аса жоғары сезімталдық реакциялары, соның ішінде басқа симпатомиметиктермен айқаспалы сезімталдық болуы мүмкін, бөртпелерді қоса алғанда, тері реакциялары
Жүйке жүйесі тарапынан бұзылулар
Өте сирек: мазасыздық, ұйқысыздық, шаршау, бас ауруы, елестеулер және параноидальды сандырақ идеялар.
Көру мүшелері тарапынан бұзылулар
Өте сирек: көріп қабылдау айқындығының өтпелі бұзылуы
Жүрек тарапынан бұзылулар
Өте сирек: тахикардия, аритмия
Тыныс алу жүйесі, кеуде мен көкірекорта ағзалары тарапынан бұзылулар
Жиі: мұрын шырышты қабығының ашуы, тітіркенуі және/немесе құрғақтығының өтпелі сезімі, түшкіру, мұрын-жұтқыншақ шырышты қабығының гиперсекрециясы
Жиі емес: Мұрынның бітелуі (реактивті гиперемия), әсіресе жиі және ұзақ уақыт қолданғанда
Асқазан-ішек жолы тарапынан бұзылулар
Сирек: жүрек айнуы, құсу
Қолдануға болмайтын жағдайлар
Дәрілермен өзара әрекеттесуі
Моноаминоксидаза тежегіштерімен бір мезгілде қолдану артериялық қысымның едәуір жоғарылауына әкелуі мүмкін.
Симпатомиметикалықпрепараттар катехоламиндердің босап шығуын тудырады, бұл өз кезегінде, тамыр тарылтушы әсері бар норадреналиннің қарқынды босап шығуына әкеледі, соның нәтижесінде артериялық қысым көтеріледі. Артериялық қысымның қауіпті түрде жоғарылауы кезінде Ксимелин® Экомен емдеуді тоқтату және симптоматикалық ем тағайындау керек.
Үш және тетрациклді антидепрессанттармен және моноаминоксидаза тежегіштерімен бір мезгілде қабылдау ксилометазолиннің симпатомиметикалық әсерін күшейтуі мүмкін. Сондықтан препарат ұсынылмайды.
Айрықша нұсқаулар
Орталық жүйке жүйесі қызметінің бәсеңдеуі қоса жүретін қаупіне байланысты, 0.5 мг/мл мұрын спрейін 6 жасқа дейінгі және 1мг/мл 12 жасқа дейінгі балаларға тағайындамаған жөн.
Емдеу ұзақтығы 5 күннен аспауы тиіс (0,5 мг/мл дозасында) және 7 күннен аспауы тиіс (1 мг/мл дозада), себебі препаратты ұзақ және жиі қолдану мұрынның шырышты қабығының ісінуін және жасушалардың жоғары сезімталдығынан туындаған гиперсекрецияны ("тоқтату әсері") туындатуы мүмкін.
Ксилометазолинді ұйқының бұзылуы, бастың айналуы, тремор, жүрек аритмиясы немесе артериялық қысымның көтерілуі түрінде реакциялар туындауы мүмкін адренергиялық препараттарға сезімтал адамдарға сақтықпен тағайындау керек.
Көрсетілген дозасынан асырмаңыз. Кейде Ксимелин® Эко 35 мкг/дозасын пайдалану кезінде балаларда мазасыздық немесе ұйқының бұзылуы білінуі мүмкін. Мұндай жағдайда Ксимелин® Эко 35 мкг/дозаны тоқтату керек.
Балаларға тағайындаған кезде жөтел мен суық тиюге қарсы басқа дәрілік заттарды бір мезгілде қолдану ұсынылмайды. Препаратты ауру жұқтырудың алдын алу үшін бір адам ғана пайдалануы керек. Гигиеналық себептермен препаратты ашқаннан кейін 28 күннен артық пайдаланбаңыз.
Ксилометазолинді сақтықпен пайдалану керек және гипертиреозы, қант диабеті, артериялық гипертензиясы, атеросклерозы, аневризмі, жүректің ишемиялық ауруы, аритмиясы және тахикардиясы бар пациенттерге, простата ұлғаюы себепті несеп шығару проблемалары бар, артериялық қысымды көтеретін, сондай-ақ феохромоцитоманы арттыратын МАО тежегіштері мен басқа да дәрілік заттарды қабылдаған емделушілерге дәрігердің кеңесінен кейін ғана қолданған жөн.
Ксилометазолинді қолданған кезде QT аралығыныңұзару синдромы бар науқастар қарыншалық күрделі аритмиялардың жоғары қаупіне ұшырауы мүмкін.
Егер ауру белгілері нашарласа немесе науқастың жағдайы жақсармаса, дәрігермен кеңесу қажет.
Жүктілік және лактация
Ксилометазолинді болуы мүмкін жүйелік қантамыр тарылтатын әсерінебайланысты жүктілік кезінде қолдануға болмайды.
Ксилометазолиннің емшек сүтімен бөлінетіні белгісіз, сондықтан емшекпен емізу кезінде Ксимелин® Эконы тек дәрігердің тағайындауымен ғана қолданған жөн.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Ксимелин® Эко көлік құралдарын және қауіптілігі зор механизмдерді басқару қабілетіне әсер етпейді.
Артық дозалануы
Ксилометазолинменартық дозалану шамадан тыс дозасын жергілікті енгізгенденемесе кездейсоқ ішке қабылдағанда болуы мүмкін.
Симптомдары: дене температурасының едәуір төмендеуімен ОЖЖ бәсеңдеуі, қатты тершеңдік, ұйқышылдық, бас ауруы, жүрек соғуының жиілеуі немесе аритмия, артериялық қысымның жоғарылауы және команың дамуы мүмкін, әсіресе балаларда.
Емі: кез келген артық дозалануына күдік болғанда тиісті демеуші шаралар қолданылуы тиіс, кейбір жағдайларда дәрігердің бақылауымен шұғыл симптоматикалық ем көрсетіледі.
Жүрек тоқтауымен бірге ауыр улану жағдайында реанимациялық әрекеттер кемінде 1 сағат жалғасуы тиіс.
Шығарылу түрі және қаптамасы
10 мл препараттан (35 мкг/дозасы үшін құтыда 125 доза; 140 мкг/дозасы үшін құтыда 60 доза), ұштығы бар дозалайтын помпалыққұрылғымен жабдықталған және полиэтиленнен жасалған қорғаныш қалпақшасы бар пластик құтыда.
1 құтыны медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салады.
Сақтау шарттары
25 °С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін препаратты қолдануға болмайды.
Дәріханалардан босатылу шарттары
Рецептісіз
Өндіруші/Қаптаушы
Такеда ГмбХ,
Роберт-Бош-Штрассе 8, 78224 Зинген, Германия
Takeda GmbH,
Robert-Bosch-Strasse 8, 78224 Singen, Germany
Тіркеу куәлігінің ұстаушысы
Такеда АС,
Драмменсвейен 852, NO-1383 Аскер, Норвегия
Takeda AS,
Drammensveien 852, NO-1383 Asker, Norway
Қазақстан Республикасы аумағында тұтынушылардан дәрілік заттың сапасынақатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (мекенжайы, телефоны, электронды пошта)
«Такеда Қазақстан» ЖШС
050040, Алматы қ., Шашкин к-сі 44
Телефон: (727) 2444004
Факс: (727) 2444005
Электронды пошта DSO-KZ@takeda.com