Спирт этиловый 70% 90 мл
Тауарлардың көрінісі фотосуретте көрсетілгеннен өзгеше болуы мүмкін

Спирт этиловый 70% 90 мл

280
Қолжетімділігі
Сатылымда бар
Үлгі
4870203020886
Елі
Казахстан
Өндіруші
Фармация АО
0-0-4 бөліп төлеу
70 x 4 ай
  • Сипаттама

Сипаттама

Дәрілік препаратты медициналық қолдану жөніндегі нұсқаулық

Саудалық атауы

Этил спирті

Халықаралық патенттелмеген атауы

Жоқ

Дәрілік түрі, дозалануы

Сыртқа қолдануға арналған ерітінді 70% және 90%

Фармакотерапиялық тобы

Дерматология. Антисептиктер және дезинфекциялық препараттар. Антисептиктер және дезинфекциялық басқа да препараттар. Этанол.

АТХ коды D08AX08

Қолданылуы

- терінің шығу тегі инфекциялық қабыну ауруларын (фурункулдың, панарицийдің бастапқы сатылары) сыртқы емдеу

- тітіркендіргіш дәрі ретінде (ысқылау, компресс)

Антисептикалық өңдеу:

- дәрілік заттармен инъекция жасалған жердегі теріні;

- терінің беткейлік зақымдануын, сызаттарды, тыртықтарды, жәндіктердің шағуын

- медицина қызметкерлерінің қол терісін, операциялық алаңды, медициналық құрал-аспаптарды.

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- этанолға аса жоғары сезімталдық

- тері жабыны тұтастығының бұзылуымен жедел қабыну үдерістері

Қолдану кезіндегі қажетті сақтық шаралары

Этанол сыртқа қолданғанда тері және шырышты қабық арқылы ішінара сіңіріледі, мұны балаларға, жүкті әйелдерге және лактация кезеңінде пайдаланғанда ескеру керек.

Басқа дәрілік препараттармен өзара әрекеттесуі

Құрамында органикалық қосылыстар бар сыртқа қолдануға арналған препараттармен бір уақытта қолдану ақуыздарды денатурациялауы мүмкін.

Арнайы ескертулер

Компресс үшін (күйіп қалмау үшін) этанолды 1:2 арақатынаста сумен сұйылту керек (70%, 90%).

Педиатрияда қолдану

Этанол сыртқа қолданғанда тері және шырышты қабық арқылы ішінара сіңіріледі, мұны балаларға пайдаланғанда ескеру керек. Балаларға компресс үшін сұйылтуды 1:4 (спирт және су) - 90% ерітінді үшін, 1:3 (спирт және су) - 70% ерітінді үшін қолдануға болады.

Жүктілік және лактация кезеңі

Сақтықпен қолдану керек. Жүктілік және лактация кезеңінде қолдануға анасына келетін пайда шарана мен балаға төнетін потенциалды қауіптен басым жағдайда ғана жол беріледі.

Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді

Қолдану жөніндегі нұсқаулар

Дозалау режимі

Теріні сыртқы емдеу кезінде – 1мл дәріні 1 см2теріге: теріге мақта тампон, сүрткі көмегімен жағады.

Қол терісін антисептикалық өңдеу кезінде - 10 мл ерітіндіні қолға жағады және 30 сек бойы ысқылайды.

Инъекциялық алаңды өңдеу: инъекциялық алаңның терісін ерітіндіге молынан шыланған стерильді дәке тампондармен сүртеді; өңдеу аяқталғаннан кейінгі экспозиция - 2 мин.

Хирургтің қолын операция алдында дезинфекциялау үшін70 % ерітінді пайдаланады, компресс және ысқылауға (күйдіріп алмау үшін) 40 % ерітінді пайдалану ұсынылады. Қажет болғанда, 70 % ерітінді талап етілетін концентрацияларға дейін сұйылтылуы және көрсетілімдері бойынша пайдаланылуы тиіс.

Енгізу тәсілі және жолы

Тек сыртқа, сулап басу арқылы!

Ішке қолдануға болмайды!

Артық дозаланғанда қолданатын шаралар

Жергілікті қолданғанда артық дозалану ықтималдығы аз.

Дәрілік препаратты қолдану тәсілін түсіндіру үшін медициналық қызметкерге кеңесалуға жүгіну бойынша ұсынымдар

Дәрігердің кеңесінсіз ұзақ уақыт бойы препаратты қолдануға болмайды.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

- аллергиялық реакциялар

- терінің, шырышты қабықтың және тыныс алу жолдарының тітіркенуі, құрғауы және күйіп қалуы

- компресс қойған жердің ауырсынуы

- резорбтивті жалпы уытты әсер етуі мүмкін

- ОЖЖ бәсеңдеуі

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

1000 мл препараттың құрамында 70 %90 %

белсенді зат – 96 % этанол729.2 мл937.5 мл

қосымша зат –тазартылған су 1000мл-ге дейін

Сыртқы түрінің, иісінің, дәмінің сипаттамасы

Түссіз, мөлдір, ұшқыр, тез тұтанатын сұйықтық, өзіне тән спиртті иісі бар. Көгілдір түтінсіз жалынмен жанады. Гигроскопиялы.

Шығарылу түрі және қаптамасы

50 мл, 90 мл-ден полиэтилен тығынмен және бұрандалы полиэтилен қақпақпен немесе полиэтиленді немесе әмбебап (алюминий)қақпақпен тығындалған, мойны бұралатын шынымассадан жасалған құтыда немесе полимерліқақпақ-тамшылатқышпен немесе пластмассадан жасалған механикалық сорғысы және бүріккіші бар қақпақпен тығындалған полимерлі құтыда.

Құтыға заттаңбалық немесе жазу қағазынан жасалған өздігінен желімденетін заттаңба жапсырылады.

Құтылар медициналық қолдану жөніндегі қазақ және орыс тіліндегі нұсқаулықтардың сәйкес санымен орама қағаздан жасалған бумаларға немесе қораптық картоннан жасалған қорапқа немесе жылу ұстағыш полиэтилен үлбірге немесе гофрланған картоннан жасалған жәшікке салынады.

Сақтау мерзімі

3 жыл

Жарамдылық мерзімі өткеннен кейін қолдануға болмайды!

Сақтау шарттары

Жақсы тығындалған ыдыста, 25°С-денаспайтын температурада, жарықтан қорғалған, оттан алыс жерде сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәлімет

«ТК Фарм Ақтөбе» ЖШС, ҚР, Ақтөбе обл.,Ақтөбе қ.,Астана ауд., Шестихатка а., Шестихатка т.а., ғимарат №467, тел.: 8 (7132) 21 72 15, 21 58 72,е-mail: dir-tkpharm@mail.ru

Тіркеу куәлігінің ұстаушысы

«ТК Фарм Ақтөбе» ЖШС, ҚР, Ақтөбе обл.,Ақтөбе қ.,Астана ауд., Шестихатка а., Шестихатка т.а., ғимарат №467, тел.: 8 (7132) 21 72 15, 21 58 72,е-mail: dir-tkpharm@mail.ru

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«ТК Фарм Ақтөбе» ЖШС, ҚР, Ақтөбе обл.,Ақтөбе қ.,Астана ауд., Шестихатка а., Шестихатка т.а., ғимарат №467, тел.: 8 (7132) 21 72 15, 21 58 72,е-mail: dir-tkpharm@mail.ru