СР-Кларен 500 мг № 7 табл п/плён оболоч

Сипаттама

Дәрілік затты медициналық қолдану жөніндегі нұсқаулық

СР-Кларен

Саудалық атауы

СР-Кларен

Халықаралық патенттелмеген атауы

Кларитромицин

Дәрілік түрі

Босап шығуы ұзаққа созылатын, үлбірлі қабықпен қапталған таблеткалар, 500 мг

Құрамы

Бір таблетканың құрамында

белсенді зат - 500 мг кларитромицин;

қосымша заттар: лактоза, гипромеллоза (Метоцел К-100 LVP), тальк, магний стеараты;

қабықтың құрамы: Винкоут WT – 01533 (сары), гидроксипропилметилцеллюлоза, макрогол 400, титанның қостотығы (Е171), тальк, макрогол 6000, хинолинді сары алюминий лагы (Е104).

Сипаттамасы

Сары түсті үлбірлі қабықпен қапталған капсула пішінді таблеткалар.

Фармакотерапиялық тобы

Жүйелі қолдануға арналған инфекцияға қарсы препараттар. Жүйелі қолдануға арналған бактерияға қарсы препараттар. Макролидтер, линкозамидтер жәнестрептограминдер. Макролидтер. Кларитромицин.

ATX коды J01FА09

Фармакологиялық қасиеттері

Фармакокинетикасы

Кларитромициннің әсер етуі ұзартылған таблеткалардан сіңірілуі - баяулатылған, бірақ дереу әсер ететін таблеткадан сіңірілуіне бірдей дозада баламалы. Ең жоғары концентрациясына жету уақыты артады; 500 мг тәуліктік дозаны бір мезгілде қолданғанда, бұл уақыт кларитромицин үшін 7,5 сағатқа және оның метаболиті 14-гидроксикларитромицин үшін 7,7 сағатқа жуықты құрайды.

Әсер етуі ұзартылған таблеткаларды қабылдағанда ең жоғары концентрациясы дереу әсер ететін таблеткалармен салыстырғанда аз дәрежеде төмен болды.

Тепе-тең концентрациясына 3-ші күнге қарай жетеді. Әсер етуі ұзартылған таблеткалардың биожетімділігі аш қарынға қабылдағанда 30 %-ға төмен, сондықтан пациенттер кларитромициннің әсері ұзартылған түрін ас ішу кезінде қабылдауы керек.

Кларитромициннің организмтіндеріндегі концентрациясы плазмаға қарағанда 10 есе артық. Жоғары концентрациялары өкпеде (8,8 мг/кг), бадамша бездерде (1,6 мг/кг), мұрынның шырышты қабатында, тері қабаттарында, сілекейде, альвеолярлық жасушаларда, қақырықта және ортаңғы құлақ қуысында анықталады.

Кларитромициннің қан плазмасы ақуыздарымен байланысуы мардымсыз және қайтымды.

Кларитромицин кем дегенде 7 метаболиттің түзілуімен, бауырда метаболизденеді. Олардың ең негізгісі 14-гидроксикларитромицин болып табылады.

500 мг тәуліктік дозаны бір рет қабылдағаннан кейін жартылай шығарылу кезеңі кларитромицин үшін 5,5 сағат және 14-гидроксикларитромицин үшін 9,3 сағат құрайды.

Кларитромициннің 40% жуығы несеппен және 30% астамы нәжіспен шығарылады.

Егде жастағы пациенттер

Деректер көрсеткендей, егде жастағы пациенттерде олардың бүйрек функциясы елеулі бұзылған жағдайларды қоспағанда дозаны түзету талап етілмейді.

Бүйрек функциясыныңбұзылуы бар пациенттер

200 мг кларитромицинді ішке қабылдағаннан кейін, ең жоғары концентрациясы мен AUC жоғарылауы, кларитромициннің шығарылуының төмендеуі дені сау адамдармен салыстырғанда ауыр бүйрек жеткіліксіздігімен науқастарда байқалды. Бұл нәтижелер көрсеткендей, ауыр бүйрек жеткіліксіздігі бар пациенттерде дозаны төмендету керек. Осылайша, әсер етуі ұзартылған таблеткаларды креатинин клиренсі (КК) 0,5мл/с (30мл/мин) кем пациенттерге қолдануға болмайды. Осы пациенттерге дереу әсер ететін кларитромицин таблеткаларының түзетілген дозасын тағайындау керек.

Фармакодинамикасы

СР-Кларен – макролидтер тобына жататын жартылай синтетикалық антибиотик. Микроорганизмдердің ақуыз синтезін бұзады (микроб жасушасының рибосома жарғақшасының 50S суббірлігімен байланысады).

Жасушадан тыс және жасуша ішінде орналасқан қоздырғыштарға әсер етеді. Кларитромициннің келесі микроорганизмдердің көптеген штаммдарына қатысты белсенділігі in vivo да, сондай-ақ клиникалық іс-тәжірибеде де дәлелденген – аэробтық грамоң микроорганизмдер: Staphylococcus aureus, Streptococcus pneumoniae, Streptococcus pyogenes;

аэробтық грамтеріс микроорганизмдер: Haemophilus influenzae, Haemophilus parainfluenzae, Moraxella catarrhalis, Legionella pneumophila;

басқа да микроорганизмдер - Mycoplasma pneumoniae, Chlamidia pneumoniae; микобактериялар: Mycobacterium avium complex (MAC) – Mycobacterium avium және Mycobacterium intracellulare; Helicobacter pylori қамтылатын кешен.

Бета-лактамазалар кларитромициннің белсенділігіне ықпал етпейді.

Кларитромицин in vitro белсенді – аэробтық грамоң микроорганизмдер: Listeria monocytogenes, Streptococcus agalactiae, Streptococci С, F, G тобы, Streptococciviridans тобы;

аэробтық грамтеріс микроорганизмдер: Neisseria gonorrhoeaе, Bordetella pertussis, Pasteurella multocida;

анаэробтық грамоң микроорганизмдер: Clostridium perfringens, Peptococcus niger, Propionibacterium acnes;

анаэробтық грамтеріс микроорганизмдер: Bacteroides melaninogenicus;

спирохеталар: Borrelia burgdorferi, Treponema pallidum;

микобактериялар: Mycobacterium leprae, Mycobacterium chelonae;

кампилобактериялар: Campylobacter jejuni.

Кларитромициннің микробиологиялық тұрғыдан белсенді метаболиті – 14(R)-гидроксикларитромицин, Haemophilus influenza-ға қатысты бастапқы қосылысқа қарағанда екі есе белсенді. Кларитромицин және оның метаболиті біріккенде, бактериялардың штаммдарына байланысты, Haemophilus influenzae-ға қатысты in vitro және in vivo аддитивті де, сондай-ақ синергиялық та әсер етуі мүмкін. Метициллинге және оксациллинге төзімді стафилококтардың көптеген штаммдары кларитромицинге де төзімді.

Кларитромицинге және макролидтер тобының басқа да антибиотиктеріне, сондай-ақ линкомицинге және клиндамицинге айқаспалы төзімділік дамуы мүмкін.

Қолданылуы

- тыныс жолдарының төменгі бөлімдерінің инфекцияларында(бронхит, пневмония және т.б.)

- тыныс жолдарының жоғары бөлімдерінің инфекцияларында(фарингит, синусит және т.б.)

- тері мен жұмсақ тін инфекцияларында (фолликулит,эризипелоид және т.б.)

Қолдану тәсілі және дозалары

СР-Клареннің ұсынылған дозасы ересектер үшін тамақтану кезінде күніне 1 рет 500 мг құрайды.

Ауырлау инфекцияларда дозаны күніне 1 рет 1000 мг дейін (500 мг-ден 2 таблетка) арттыруға болады.

Әдеттегі емдеу ұзақтығы, 7 – 14 күн емдеуді қажет ететін ауруханадан тыс пневмонияны және синуситтерді қоспағанда, 5 күннен 14 күнге дейінді құрайды.

Таблетканы шайнамай, бүтіндей жұтқан жөн.

Бүйрек жеткіліксіздігінде, егер КК 0,5 мл/с (30 мл/мин) төмен болса, СР-Кларен таблеткаларын тағайындауға болмайды.

Жағымсыз әсерлері

Кларитромицинмен емдеген кезде ересектер мен балаларда болатын ең жиі кездесетін және жалпы жағымсыз реакциялар іштің ауыруы, диарея, жүректің айнуы, құсу және дәм сезудің бұзылуы болып табылады.Бұл жағымсыз реакциялар әдетте әлсіз білінеді және макролидтік антибиотиктердің қауіпсіздігінің белгілі бейініне сәйкес келеді. Жағымсыз әсерлері пайда болу жиілігіне қарай бөлінген: өте жиі ≥ 1/10, жиі ≥1/100, жиі емес ≥1/1000, сирек ≤1/10000 және өте сирек ≤1/100000.

Өте жиі

- енгізілген жердегі флебит

Жиі

- ұйқысыздық

- бас ауыруы

- дизгевзия (дәм сезудің бұзылуы), дәм сезудің бұрмалануы

- вазодилатация

- жүрек айнуы, іштің ауыруы, құсу, диспепсия, диарея

- бауырдың функционалдық тестілерінің қалыптан ауытқуы

- бөртпе, гипергидроз

Жиі емес

-целлюлит, кандидамикоз, гастроэнтерит

- инфекция, қынаптық инфекциялар

- лейкопения, нейтропения⁴, тромбоцитемия³, эозинофилия⁴

- анафилактоидты реакциялар¹, аса жоғары сезімталдық

- анорексия, тәбеттің төмендеуі

- үрейлену, ашушаңдық³

- естен тану¹, дискинезия¹, бас айналуы, ұйқышылдық, тремор

- вертиго, естудің нашарлауы, құлақтағы шуыл

- жүректің тоқтап қалуы, жүрекшелер фибрилляциясы¹, ЭКГ-даQT аралығының ұзаруы, экстрасистолия¹, жүрек қағуының жиілеуі

- демікпе¹, мұрыннан қан кету, өкпе тамырларының эмболиясы¹

- эзофагит¹, гастроэзофагеальді рефлюксті ауру², гастрит, прокталгия², стоматит, глоссит, іштің кебуі⁴, іш қатуы, ауыздың құрғауы, кекіру, метеоризм

- холестаз⁴, гепатит⁴, АЛТ, АСТ, ГГТП⁴ деңгейлерінің жоғарылауы

- буллезді дерматит¹, қышыну, есекжем, макуло-папулёзді бөртпе³

- бұлшықет түйілуі³, қаңқа-бұлшықет сіресуі¹, миалгия²

- қандағы креатининнің жоғарылауы¹, қандағы мочевинаның жоғарылауы¹

- дімкәстік⁴, қызба³, астения, кеуденің ауыруы⁴, қалтырау⁴, қатты шаршағыштық ⁴

- альбумин-глобулин арақатынасының өзгеруі¹, қан сарысуында сілтілі фосфатаза деңгейінің жоғарылауы⁴, қан сарысуында лактатдегидрогеназа деңгейінің жоғарылауы ⁴

Бірен-саранхабарлар

^1,2,3,4 Аталған жағымсыз реакциялар туралы тек препаратты мынадай түрде қолданғанда хабарланды: 1 – инфузия үшін ерітінді дайындауға арналған лиофилизацияланған ұнтақ, 2 – әсер етуі ұзартылғантаблеткалар, 3 – суспензиялар, 4 – дереу босап шығатын таблеткалар.

Маркетингтен кейінгі хабарлар (кларитромицинді іс жүзінде қолданғанда)

Жиілігі белгісіз, өйткені осы реакциялар туралы пациенттердіңанықталмаған популяциясынан өз еркімен хабарланды. Олардың жиілігін немесе препаратты қабылдаумен салдарлы байланысын әрдайым дәл анықтау мүмкін емес.

- жалған жарғақшалы колит, эризипелоид

- агранулоцитоз, тромбоцитопения

- анафилактикалық реакция, Квинке ісінуі

- психоздар, сананың шатасуы, деперсонализация, депрессия, бағдардан адасу, елестеулер, қорқынышты түстер көру, мания

- бұлшықет түйілуі, агевзия (дәм сезбеу), паросмия, аносмия, парестезия

- естімеу

- пируэтті қарыншалық тахикардия (torsades de pointes), қарыншалық тахикардия

- қан құйылу

- жедел панкреатит, тіл түсінің өзгеруі, тіс түсінің өзгеруі

- бауыр жеткіліксіздігі, гепатоцеллюлярлы сарғаю

- Стивенс-Джонсон синдромы, уытты эпидермалық некролиз, эозинофилия және жүйелі біліністермен қатар жүретін, медикаментозды тері реакциясы (DRESS), акне

-рабдомиолиз² (рабдомиолиздың пайда болуына байланысты кейбір хабарларда кларитромицинді рабдомиолиздың дамуымен байланыстыбасқа дәрілік препараттармен(статиндер, фибраттар, колхицин немесе алопуринол секілді) бір мезгілде қабылдағанда), миопатия

- бүйрек жеткіліксіздігі, интерстициальді нефрит

- халықаралық қалыптастырылған қатынастың жоғарылауы, протромбиндік уақыттың артуы, несеп түсінің өзгеруі.

Иммундық жүйенің бұзылуы бар пациенттер.

ЖИТС-пен науқастарда және кларитромициннің микобактериялық инфекцияларды емдеуге арналғаннан жоғары дозаларын ұзағырақ қабылдағаниммундық жүйенің бұзылуы бар басқа пациенттерде, препаратты қабылдаумен байланысты жағымсыз реакцияларды және негізгі немесе қатар жүретін аурулардың симптомдарын әрдайым айыру мүмкін емес.

СР-Кларенді 1000 мг тәуліктік дозада қабылдаған ересек науқастарда ең жиі кездесетін жағымсыз әсерлер жүрек айнуы, құсу, дәм сезудің бұзылуы, іштің ауыруы, диарея, бөртпе, іштің кебуі, бас ауыруы, іш қату, естудің бұзылуы, АЛТ және АСТ мөлшерінің бұзылуы.Диспноэ, ұйқысыздық және ауыздың құрғауы пайда болуы жиі емес. Пациенттердің 2–3 % АЛТ және АСТ деңгейінің айтарлықтай жоғарылауы және қанда лейкоциттер мен тромбоциттер мөлшерінің айтарлықтай төмендеуібайқалды. Кейбір пациенттерде қанда мочевина мөлшерінің жоғарылауы байқалды.

Қолдануға болмайтын жағдайлар

- макролидтік антибиотиктерге немесе препараттың басқа да компоненттеріне жоғары сезімталдық

- кларитромицинді және келесі препараттардың қандай да болсын біреуін бір мезгілде қолдану: астемизол, цизаприд, пимозид, терфенадин (қарыншалық тахикардияны, қарыншалар фибрилляциясын және пируэттік қарыншалықтахикардияны (torsade de pointes) қоса, бұл QT аралығының ұзаруына және жүрек аритмиясының дамуына әкелуі мүмкін болғандықтан) эрготамин немесе дигидроэрготамин (бұл эрготуыттылыққа әкеп соғатындықтан)

• пероральді қабылдауға арналған мидазолам
• рабдомиолиздің даму қаупіне байланысты CYP3A4 кеңінен метаболизденетін (ловастатин немесе симвастатин), ГМГ-КоА-редуктаза тежегіштері (статининдер) («Дәрілермен өзара әрекеттесуі» және «Айрықша нұсқаулар» бөлімін қара)
• тикагрелор немесе ранолазин
• лактация кезеңі

- анамнезінде пируэттік қарыншалық тахикардияны (torsade de pointes) қоса есептегенде, QT аралығының ұзаруы немесе қарыншалық жүрек аритмиялары бар пациенттерге

- бүйрек немесе бауыр жеткіліксіздігі бар пациенттерге колхицинді және Р-гликопротеинді немесеCYP3A4 күшті тежегішін (мысалы, кларитромицинді) бір мезгілде тағайындау

- КК минутына 30 мл-ден төмен болатын пациенттер (өйткені препараттың осы түрі дозаны күніне 500 мг-ден төмендетуге жол бермейді)

- гипокалиемия (QT аралығының ұзару қаупі)

- 18 жасқа дейінгі балалар

- лактоза жақпаушылығы, лактаза тапшылығы, глюкоза-галактоза мальабсорбциясы

Сақтықпен: бүйрек және/немесе бауыр жеткіліксіздігінде, миастения gravis-те, бауырмен метаболизденетін дәрілік заттарды бір мезгілде қабылдағанда.

Дәрілермен өзара әрекеттесуі

Келесі дәрілік препараттарды СР -Кларенмен бір мезгілде қатаң түрде қолдануға болмайды, өйткені олардың біріктіріліміөзара әрекеттесудің ауыр салдарларын туындатуы мүмкін:

Цизаприд, пимозид, астемизол және терфенадин

Кларитромицин мен цисапридті бір мезгілде қабылдаған пациенттерде цизаприд деңгейінің жоғарылауы байқалды.Бұл қарыншалық тахикардияны, қарыншалар фибрилляциясын және екі бағытты тахикардияны қоса, QT аралығының ұзаруына және жүрек аритмиясына әкелуі мүмкін. Ұқсас құбылыстар кларитромицин мен пимозидтібір мезгілде қабылдаған пациенттерде байқалды.

Макролидтерді қабылдағанда терфенадин метаболизмінің өзгеруі туралы деректер бар, ол жекелеген жағдайларда QT аралығының ұзаруымен, жүрек аритмиясын, қарыншалар тахикардиясын, қарыншалар фибрилляциясын және екібағытты тахикардияны туындатады.

Қастауыш алкалоидтары

Постмаркетингтік зерттеулер көрсеткендей, кларитромицин мен эрготаминді немесе дигидроэрготаминді бір мезгілде қолдану қантамырлардың тарылуы, орталық жүйке жүйесін қоса, аяқтардың және басқа тіндердің ишемиясымен білінетін қастауыштардың уытты әсеріне әкелуі мүмкін.

ГМГ-КоА-редуктаза тежегіштері (статиндер)

СР-Кларендістатиндермен бір мезгілде қолдануға сақтықпен тағайындау керек.

СР -Кларенді ловастатин немесе симвастатинмен бір мезгілде қолдануға болмайды, өйткені осы статиндер айтарлықтай дәрежеде CYP3A4 метаболизденеді, ал кларитромициннің болуы олардың плазмадағы концентрациясының артуына әкеледі, соның салдарынан миопатия және рабдомиолиз даму қаупі артады. Кларитромицинді аталған статиндермен бір мезгілде қабылдайтын пациенттерде рабдомиолиздің даму жағдайлары туралы деректер бар. Егер СР -Кларенді міндетті түрдеқолдану керек болса, ловастатин немесе симвастатинді қабылдауды СР-Кларен қабылдау кезінде тоқтатады.

СР-Кларен мен статиндерді бір мезгілде қолдану қажет болған жағдайда, CYP3A метаболизміне тәуелсіз статиндерді мысалы, флувастатинді тағайындау мүмкіндігін қарастыру керек. Статиннің ең төмен мүмкін дозасын тағайындау керек. Пациенттерде миопатияның симптомдары мен белгілерін бақылау керек.

Басқа дәрілік препараттардың СР-Кларен препаратының емдік тиімділігіне әсері

CYP3A индукциялайтын препараттар (мысалы, рифампицин, фенитоин, карбамазепин, фенобарбитал, шайқурай) кларитромициннің метаболизмін жеделдетуі мүмкін. Бұл кларитромициннің емдік концентрациясының төмендеуіне әкелуі мүмкін, ол өз кезегінде СР-Кларен препаратының тиімділігінің төмендеуіне әкеледі.Одан басқа, CYP3A жоғарылататынбасқа дәрілік заттардың деңгейін бақылау қажет болуы мүмкін, олар кларитромициннің CYP3A-ны (сондай-ақ CYP3A4 сәйкес ингибиторын медициналық қолдануға қатысты нұсқаулықты қараңыз) тежейтін әсері салдарынан жоғарылауы мүмкін. Рифабутин мен кларитромициндібір мезгілде қолдану рифабутин деңгейінің жоғарылауы және қан сарысуында кларитромицин деңгейініңтөмендеуіне, сондай-ақ увеит қаупінің артуына әкелетіні белгілі.

Келесі препараттардың кларитромициннің айналымдағы концентрациясының өзгеруін туындатуы, немесе іс жүзінде туындатуы мүмкіндігібелгілі. СР-Кларен препаратының дозасын түзетуталап етілуі мүмкін. Сондай-ақ емнің басқанұсқаларын қарастыру керек.

Эфавиренц, невирапин, рифампицин, рифабутин мен рифапентин

Эфавиренц, невирапин, рифампицин, рифабутин мен рифапентин секілді P450 цитохромы метаболизмдік жүйесінің күшті индукторлары кларитромициннің метаболизмін жеделдетуі мүмкін, осылайша оның плазмадағы деңгейін төмендетіп, бір мезгілде микробиологиялық белсенділік білдіретін метаболит 14(R)-гидроксикларитромициннің (14-OH-кларитромициннің) деңгейін жоғарылатады. Кларитромицин және 14-OH-кларитромициннің әртүрлі бактерияларға микробиологиялық әсері ерекшеленетін болғандықтан, кларитромицинді энзимдер индукторларымен бір мезгілде қолдану керекті емдік әсеріне кедергі етуі мүмкін.

Этравирин

Этравиринді қабылдағанда, кларитромициннің экспозициясы төмендейді, ал оның белсенді метаболиті 14-OH-кларитромициннің концентрациясы жоғарылайды. 14-OH-кларитромицин микобактериялық кешенге қарсы (MAC) тиімділігі төмен дәрі болғандықтан, препараттың аталған патогенге қатысты жалпы тиімділігі өзгеруі мүмкін. Осы себепті, MAC емдеу үшін емнің баламалы нұсқаларын қарастыру керек.

Флуконазол

14-ОН-кларитромициннің белсенді метаболитінің тепе-тең концентрациясы флуконазолмен бірге қолданғанда айтарлықтай өзгерген жоқ. СР-Клареннің дозасын түзету қажет емес.

Ритонавир

Фармакокинетикасын зерттеулер көрсеткендей, 200 мг ритонавирді әрбір сегіз сағатта және СР-Кларен препаратын әрбір 12 сағатта бір мезгілде қолдану кларитромициннің метаболизмінің айтарлықтай тежелуіне әкеледі.Ритонавирмен бір мезгілде қолданғанда кларитромициннің C_max 31% жоғарылады, ал C_min 182% төмендеді, AUC 77% жоғарылады. 14-OH-кларитромициннің түзілуінің іс жүзінде толық тежелуі байқалды.

Емдік диапазоныныңкеңдігіне байланысты СР-Кларен препаратының дозасын азайту бүйрек функциясы қалыпты пациенттерде қажет етілмейді. Бүйрек жеткіліксіздігі бар пациенттерде дозаны түзету керек: CL_CR 30–60 мл/минут болғанда СР-Кларен препаратының дозасын 50 % азайту, CL_CR < 30 мл/минут болғанда – 75 % азайту керек. СР-Кларен препаратының күніне 1 г асатын дозаларын, ритонавирмен бірге қолдануға болмайды. Осыған ұқсайтын дозаны түзетуді ритонавирді атазанавир мен саквинавирді қоса, АИТВ-протеазаның басқа тежегіштерімен бірге бүйрек функциясының бұзылуы бар пациенттерде фармакокинетикалық күшейткіш ретінде қолданғанда жүргізу керек.

СР-Клареннің басқа дәрілік препараттарға әсері

Аритмияға қарсы препараттар

Постмаркетингтік есептің деректері бойынша кларитромицинді хинидинмен немесе дизопирамидпен бір мезгілде қолданғанда екібағытты тахикардияның пайда болу жағдайлары тіркелген.

СР-Кларенді аталған препараттармен бір мезгілде қолданғанда QT аралығының ұзаруын уақытылы анықтау үшін ЭКГ-мониторингілеу ұсынылады. СР-Кларен препаратымен емдеу кезінде аталған препараттардыңқан сарысуындағы концентрациясын бақылау керек. Сондай-ақ постмаркетингтік есептерде кларитромицин мен дизопирамидті бір мезгілде қолданғанда гипогликемия жағдайы тіркелді. СР-Кларен препараты мен дизопирамидті бір мезгілде қолданғанда қандағы глюкоза деңгейін бақылауға алу керек.

Пероральді гипогликемиялық дәрілер және инсулин

Натеглинид пен репаглинид секілді жекелеген гипогликемиялық препараттар, CYP3A энзимінің кларитромицинмен тежелуін туындатуы мүмкін, осының салдарынан бір мезгілде қолданғанда гипогликемия дамуы мүмкін. Қант диабетімен науқастарда СР-Кларен препаратын қолданғанда глюкоза деңгейін мұқият бақылау ұсынылады.

CYP3A өзара әрекеттесуі

CYP3A ферментінің тежегіші ретінде белгілі кларитромицинді және негізінен CYP3A метаболизденетін кез келген басқа препаратты бір мезгілде қолдану соңғысының қан плазмасындағы концентрациясының жоғарылауына әкелуі мүмкін, ол, өз кезегінде, оның емдік әсерін және жағымсыз реакцияларыныңпайда болу қаупін күшейтуі немесе ұзартуы мүмкін.

СР-Кларен препаратын CYP3A субстраттары – дәрілік заттармен ем алатын пациенттерде қолданғанда, әсіресе егер CYP3A-субстраттар емдік диапазон иеленсе (мысалы, карбамазепин) және/немесе осы энзиммен экстенсивті метаболизденсе сақтық шараларын сақтау керек.

Бір мезгілде СР-Кларенді қабылдайтын пациенттерде CYP3A метаболизденетін дәрілік заттардың дозасын өзгерту және қан сарысуындағы концентрациясын мониторингілеу қажет болуы мүмкін.

Келесі дәрілік препараттар немесе препараттар тобы, сол бір CYP3A изоферменттері: альпразолмен, астемизол, карбамазепин, цилостазол, цизаприд, циклоспорин, дизопирамид, қара бидай қастауыштары, ловастатин, метилпреднизолон, мидазолам, омепразол, пероральді антикоагулянттар (мысалы, варфарин), пимозид, хинидин, рифабутин, сильденафил, симвастатин, такролимус, терфенадин, триазолам мен винбластинмен метаболизденетіні белгілі, бірақ бұл тізім толық емес. Өзара әрекеттесудің осындай механизмі Р₄₅₀ цитохромы жүйесінің басқа изоферменттерімен метаболизденетін, фенитоинды, теофиллин мен вальпроатты қолданғанда байқалды.

Омепразол

Кларитромицин (әрбір 8 сағатта 500 мг) мен омепразолдың (күнделікті 40 мг) пероральді түрін бір мезгілде қолданған дені сау ересек еріктілерді зерттеу нәтижелері бар. Кларитромицинмен бір мезгілде қолданғанда омепразолдың плазмадағы тепе-тең концентрациясыныңжоғарылауы байқалды (C_max, AUC_0-24 және t_1/2 сәйкесінше 30%, 89%-ға және 34%-ға жоғарылауы). Асқазандағы pH көрсеткішінің орташа мәніомепразолды жеке қолданғанда 5,2, жәнеомепразолды кларитромицинмен бірге қолданғанда 5,7 құрады.

Силденафил, тадалафил және варденафил

Оларды кларитромицинмен бір мезгілде қолданғанда, фосфодиэстераза тежегіштерінің (силденафилдің, тадалафилдің жәневарденафилдің) плазмалық концентрациясының жоғарылау мүмкіндігі бар, ол фосфодиэстераза тежегіштерінің дозасын азайтуды талап етуі мүмкін.

Теофиллин, карбамазепин

Клиникалық зерттеулер, кларитромицинмен бір мезгілде қолданғанда теофиллин мен карбамазепиннің айналымдағы концентрациясының аздаған, бірақ статистикалық мәнді (p≤0,05) жоғарылауы барын көрсетеді.

Толтеродин

Толтеродин негізінен Р450 цитохромы 2D6-изоформасымен (CYP2D6) метаболизденеді. Әйтсе де CYP2D6 жоқ пациенттерде метаболизмі CYP3A арқылы жүреді. Аталған популяцияда CYP3A бәсеңдеуі толтеродиннің плазмалық концентрациясының айтарлықтай жоғарылауына әкеледі. Осындай пациенттер үшін, толтеродиннің дозасын төмендету, оны СР-Кларен секілді CYP3A тежегіштерімен қолданғанда қажет болуы мүмкін.

Триазолобензодиазепиндер (мысалы, алпразол, мидазолам, триазолам)

Пероральді мидазолам мен кларитромицинді бір мезгілде қолдануға болмайды.

Мидазоламды кларитромицинмен вена ішіне қолданғанда дозаны уақытылы түзету үшінпациенттің жағдайын мұқият мониторингілеукерек

Триазолам мен альпразоламды қоса, CYP3A метаболизденетін басқа бензодиазепиндерді қолданғанда дасақтық шараларын сақтау керек. Элиминациясы CYP3A (темазепам, нитразепам, лоразепам) тәуелді емес бензодиазепиндер үшін, кларитромицинмен клиникалық мәні бар өзара әрекеттесу даму мүмкіндігі төмен.

Кларитромицин мен триазоламды бір мезгілде қолданғанда орталық жүйке жүйесі тарапынан дәрілік өзара әрекеттесуі және жағымсыз әсерлерінің (ұйқышылдық және сананың шатасуы секілді) дамуы туралыпостмаркетингтік хабарлар бар. ОЖЖ тарапынан фармакологиялық әсерлердің жоғарылау мүмкіндігін ескеріп, пациенттерді бақылау керек.

Қалалар