Трихопол 0,5%, 100 мл, раствор, для в/в
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Трихопол 0,5%, 100 мл, раствор, для в/в

827
Қолжетімділігі
Сатылымда бар
Үлгі
5903060015791
Елі
Польша
Өндіруші
Польфарма
0-0-4 бөліп төлеу
207 x 4 ай
  • Сипаттама

Сипаттама

Дәрілік препаратты медициналық қолдану

жөніндегі нұсқаулық (қосымша парақ)

Саудалық атауы

Трихопол

Халықаралық патенттелмеген атауы

Метронидазол

Дәрілік түрі, дозалануы

Вена ішіне енгізуге арналған ерітінді, 0,5%

Фармакотерапиялық тобы

Инфекцияға қарсы жүйелі пайдаланылатын препараттар. Жүйелі қолдануға арналған бактерияға қарсы препараттар. Бактерияларға қарсы басқа препараттар. Имидазол туындылары. Метронидазол

ATХ коды J01X D01

Қолданылуы

Трихопол ересектер мен балаларда препаратқа сезімтал микроорганизмдер туындатқан инфекцияларды емдеу үшін қолданылады:

- сепсисте, бактериемияда

- перитонитте

- ми абсцесінде

- іріңдеп қалталанған пневмонияда

- остеомиелитте

- босанғаннан кейінгі сепсисте

- кіші жамбастың абсцесінде

- эндометритте

- операциядан кейінгі жаралардың қабынуында

- анаэробтыбактериялар, әсіресе Bacteroides және Streptococciтегінің

түрлері туғызған операциядан кейінгі инфекциялардың профилактика-

сында.

Бактерияға қарсы препараттарды тиісті қолдануға қатысты жергілікті ресми нұсқауларды ескерген жөн.

Дәрілік препаратты қолданудың басталуына дейінгі қажетті мәліметтер тізбесі

Қолдануға болмайтын жағдайлар

- метронидазолға, нитроимидазолдың басқа туындыларына немесе қандай-да бір қосымша затынажоғары сезімталдық

- орталық жүйке жүйесінің органикалық зақымданулары (оның ішінде

эпилепсия)

- лейкопения (соның ішінде анамнездегі)

- бауырдың ауыр жеткіліксіздігі (жоғары дозаларды тағайындалған жағдайда)

- жүктіліктің I триместрі,лактация кезеңі

Қолдану кезіндегі қажетті сақтандыру шаралары

Аса жоғары сезімталдық / тері және теріасты тіндері

Аллергиялық реакциялар, соның ішінде анафилаксиялық шок туындауы мүмкін, олар өмірге қауіп төндіруі мүмкін. Ондай жағдайда, метронидазолды қабылдауды тоқтату және тиісінше емін тағайындау керек.

Метронидазолды қолдану аясында тері жағынан ауыр реакциялар, оның ішінде Стивенс-Джонсон синдромы, Лайелл синдромы, жедел жайылған экзантемалық пустулез жағдайлары байқалған.

Терінің ауыр өзгерістері: қызаруы, тері астындағы төмпешіктермен және күлбіреуіктермен жүретін терінің кебек тәрізді бөртпесі дамыған жағдайда немесе егер тұмау тәрізді симптомдар, үдемелі бөртпе (көбінесе, күлбіреуіктерменнемесе шырышты қабықтардың өзгерістерімен) пайда болса, емдеуді тоқтату және дәрігерге жүгіну қажет.

Орталық жүйке жүйесі

Энцефалопатия симптомдары немесе мишық синдромы туындаған жағдайда, пациентті емдеуді дереу қайта қарау, ал метронидазолмен емдеуді тоқтату керек.

Тіркеуден кейінгі бақылау кезеңінде метронидазолды қолдану аясында энцефалопатия жағдайлары тіркелді. Сонымен қатар, МРТ жүргізу кезінде энцефалопатиямен бірге болатын патологиялық өзгерістерді анықтау жағдайлары тіркелген. Зақымданған бөліктер көбінесе мишық (атап айтқанда, тісшелі ядрода) және мүйізгекті дененің білікшесі аймағында орналасқан.

Көптеген жағдайларда энцефалопатия және МРТ-ға патологиялық өзгерістер емдеу тоқтатылғаннан кейін басылған. Бірен-саран өлім жағдайлары тіркелді.

Орталық жүйке жүйесі зақымданған пациенттерде энцефалопатияның өзіне тән белгілерінің дамуын немесе аурудың ауырлық дәрежесінің артуын қадағалау қажет.

Метронидазолмен емдеу аясында асептикалық менингит дамығанда емдеуді қайта бастау ұсынылмайды немесе ауыр инфекция жағдайында мұндай емнің пайдасы мен қаупінің арақатынасын зерттеу қажет.

Шеткері жүйке жүйесі

Шеткері нейропатияның дамуын көрсететін белгілердің пайда болуын, әсіресе ұзақ емделу кезінде немесе шеткері жүйке жүйесінің ауыр, созылмалы немесе үдемелі ауруларынан зардап шегіп жүрген пациенттерде бақылау қажет.

Психикалық бұзылыстар

Емдеудің басынан бастап психоздық реакциялар пайда болуы мүмкін, бұл кезде, әсіресе анамнезінде психиатриялық бұзылулар болған кезде пациент өзіне қауіп төндіруі мүмкін. Бұл жағдайда метронидазолды қолдануды тоқтату, пациент дәрігерге баруы және қажетті емді бастау қажет.

Қан тарапынан бұзылулар

Жоғары дозалары қабылданатын және/немесе ұзақ емдеу кезінде және анамнезінде гематологиялық аурулар болған жағдайда қан талдауын, атап айтқанда, лейкоциттер формуласын бақылауды үнемі жүргізіп отыру ұсынылады.

Лейкопения кезінде емдеуді жалғастыру мүмкіндігі инфекцияның ауырлық дәрежесіне байланысты.

Метронидазол препараттарымен емдеуді бастағаннан кейін жүйелі қолдану үшін Коккейн синдромымен пациенттерде ауыр гепатоуыттылық/ бауыр функциясының жедел жеткіліксіздігі жағдайлары, оның ішінде өліммен аяқталатын тез үдемелі жағдайлары байқалды. Сондықтан мұндай пациенттерге метронидазолды пайдасы мен қаупінің арақатынасын мұқият бағалағаннан кейін және емдеудің қандай-да бір басқа да қолжетімді әдісі болмаған кезде ғана тағайындау керек.

Бауыр функциясының көрсеткіштерін емдеу басталғанға дейін, оның барлық ұзақтығы бойына және ол аяқталғаннан кейін олардың деңгейлері қалыпты немесе бастапқы мәндерге оралғанға дейін анықтау қажет. Егер бауыр функциясының көрсеткіштері емдеу кезінде айтарлықтай жоғарыласа, препаратты қолдануды тоқтату қажет.

Бауыр зақымдануының қандай-да бір симптомдары туындаған жағдайда, дереу дәрігерге жүгіну және метронидазолды қолдануды тоқтату қажет.

Басқа дәрілікпрепараттармен өзара әрекеттесуі

Дисульфирам тәрізді реакциялар

Көптеген дәрілік препараттар алкогольді қабылдаған кезде дисульфирамға ұқсас реакциялар тудырады, сондықтан оларды қолдану аясында алкоголь қабылдау ұсынылмайды.

Ұсынылмайтын біріктірілімдері

  • антикоагулянттар

Дисульфирам тәрізді реакция (қызару, терінің қызаруы, құсу, тахикардия). Алкоголь ішімдіктерін пайдаланудан және құрамында этил спирті бар дәрілік препараттарды қабылдаудан бас тарту қажет. Алкогольді ішімдіктерді немесе құрамында спирті бар дәрілік препараттарды пайдалануды қайта бастамас бұрын жартылай шығарылу кезеңіне қарай есептеуге болатын дәрілік препараттардың толық шығу уақытын ескеру керек.

Бусульфанның үлкен дозаларын қабылдаған кезде: метронидазол бусульфанның концентрациясын екі есе арттырады.

Препараттардың осындай біріктірілімін қабылдауды тоқтатқаннан кейін басылатын жедел психоздың немесе сананың шатасуының даму қаупі.

Препараттарды тағайындаған кезде сақтық танытылуы керек біріктірілімдері

Бауырдағыметаболизмініңтөмендеуі есебінен, пероральдіантикоагулянттар

әсерініңұзақтығы менқанкетуқаупіартады. ХҚҚ барынша жиі бақылау.

Метронидазолды қолдану кезеңінде және оны тоқтатқаннан кейін 8 күн

ішінде пероралды антикоагулянттар дозасына түзету енгізуге болады.

фосфенитоин, фенобарбитал, фенитоин, примидон). Метронидазолдың бауырдағы метаболизмінің жылдамдығын индуктор-препараттардың артты-руы салдарынан, оның қан плазмасындағы концентрациясының төмендеуі.

Клиникалық бақылау, индуктор-препаратпен емдеу кезінде және оны тоқтатқаннан кейін метронидазол дозасына түзету енгізуге болады.

Рифампицинмен бауырдағы метаболизмі жылдамдығының жоғарылауына байланысты, қан плазмасындағы метронидазол концентрациясының төмендеуі.

Клиникалық бақылау, рифампицинмен емдеу кезінде және оны тоқтатқаннан кейін метронидазол дозасына түзету енгізуге болады.

Қандағы литий концентрациясының уытты мәндерге дейін артуы, артық дозалану белгілері бар. Қандағы литий концентрациясын мұқият бақылау, қажет болған жағдайда - литий препараттарын дозалау режимін өзгерту керек.

Препараттар арасындағы өзара әрекеттесулері ескерілуі керек біріктірілімдері

–Фторурацил (және экстраполяция жолымен, тегафур және капецитабин)

Фторурацил клиренсінің төмендеуіне байланысты, оның уыттылығының артуы.

ХҚҚ тұрақсыздығымен байланысты ерекше қиындықтар

Антибиотиктерді қабылдап жүрген пациенттерде пероральді антикоагулянттардың белсенділігің жоғарылаған көптеген жағдайлар туралы хабарланды. Айқын инфекциялық немесе қабыну ауруларының болуы, пациенттің жасы мен жалпы жағдайы қауіп факторлары болып табылады. Бұл жағдайларда ХҚҚ тұрақсыздығының немен - инфекциялық аурумен немесе оның емделуімен байланысты екенін анықтау қиын. Алайда, мұндай проблемалар антибиотиктердің белгілі бір кластарын, атап айтқанда, фторхинолондарды, макролидтерді, тетрациклиндерді, котримоксазолды және кейбір цефалоспориндерді қолданғанда жиірек туындайды.

Зертханалық және аспаптық зерттеулердің нәтижелеріне әсері

Метронидазолды қолдану аясында Нельсон сынағының жалған оң нәтижелері байқалуы мүмкін, өйткені бұл препарат трепонемалардың қимылсыз қалуын тугызуға кабілетті.

Арнайы сақтандырулар

Қосымша заттар

100 мл ерітіндінің құрамында 309 мг натрий бар. Натрий мөлшері төмен диетадағы пациенттердеосыны ескеру керек.

Жүктілік және лактация

Жүкті әйелдерде метронидазолды қолданудың жақсы бақыланатын зерттеулеріжүргізілген жоқ. Метронидазол плацентарлық бөгет арқылы өтеді.Метронидазолды жүктіліктің бірінші триместрінде қолдануға болмайды. Жүктіліктің екінші және үшінші триместрінде препаратты жүкті әйелде препаратты қолданудан әлеуетті пайда шаранаға жағымсыз әсердің қаупінен жоғары болса ғана қолдануға болады.

Метронидазолқан плазмасында препарат деңгейімен салыстырмалы концентрацияға жете отырып, емшек сүтімен бөлініп шығады. Бала емізу кезеңінде препаратты қабылдауға болмайды. Егер емдеу қажет болса, бала емізуді тоқтату керек.

Дәрілік заттың көлік құралын немесе басқа қауіптілігі зор механизмдердібасқару қабілетіне әсер ету ерекшеліктері

ОЖЖ тарапынан (ұйқышылдық, бас айналуы, сананың шатасуы, елестеулер, құрысулар, көрудің бұзылуы) жағымсыз әсерлер пайда болған пациенттер көлік құралын басқармауы және қауіпті механизмдермен жұмыс істемеуі тиіс.

Қолдану жөніндегі нұсқаулар

Енгізу әдісі мен жолы

Вена ішінеинфузияғаарналған.

Қолданар алдында құтының герметикалығын тексеру керек. Қорғаныс фольгасын алу керек және инфузиялық жинаққа қосу қажет.

Ерітіндінің көрінетін өзгерісі болған жағдайда пайдалануға болмайды.

Метронидазолды вена ішіне енгізу инфекцияның ауыр барысы кезінде, сондай-ақ препаратты ішке қабылдау мүмкіндігі жоқ болғанда көрсетілген. Препаратты енгізу жылдамдығы минутында 5 мл аспауы тиіс.

Трихополды сұйылтылмаған немесе сұйылтылған түрінде вена ішіне, тиісті мөлшерде 0,9% натрий хлориді ерітіндісін, 5% глюкоза ерітіндісінде,20 және 40 ммоль/л калий хлориді ерітіндісімен енгізуге болады(инфузиялық ерітінді тікелей енгізер алдында дайындалуы тиіс). Қалған инфузиялық ерітіндіні екінші қайтара енгізіуге болмайды. Ерітіндінің көрінетін өзгерістері анықталған жағдайда, препаратты қолдануға болмайды.

Вена ішіне енгізуге арналған 0,5% Трихопол ерітіндісіцефамандол нафатпен, цефокситин натрий тұзымен, 10 % глюкоза ерітіндісімен, натрий лактатымен, бензилпенициллиннің калий тұзыменүйлесімсіз.

Дозалану режимі

Көрсетілімдер бойынша, инфекцияның сипатына байланысты метронидазолдың пероральді түрлерімен демеуші емге көшуді жүзеге асырады.

Анаэробты бактериялар туғызған инфекцияның профилактикасында

(әсіресе тоқ және тік ішекке хирургиялық араласулар кезінде немесе гинекологиялық операцияларда)

Ересектер мен 12 жастан асқан балалар: 100 мл 0,5% метронидазол ерітіндісін (500 мг метронидазол) вена ішіне тамшылатып. Кейіннен100 мл 0,5% метронидазол ерітіндісін (500 мг метронидазол) пероральді қабылдауға ауысқанға дейін әр 8 сағат сайын енгізеді. Препаратты пероральді қабылдауғамүмкіндігінше тезірек ауысу ұсынылады.

Балалар <12 жас: тәулігіне 20-30 мг/кг есептегенде дозаны бір рет операцияға дейін 1-2 сағат бұрын тағайындайды.

Жаңа туған нәрестелерге <40 апта гестация мерзімімен: 10 мг/кг операцияға дейін бір реттік доза түрінде.

Профилактика мақсатында препараттыхирургиялық араласымнан кейін 12 сағаттан кешіктірмей енгізеді.

Анаэробты бактериялар туғызған инфекцияларды емдеу

Трихополды монотерапияда немесе басқа да бактерияға қарсы дәрілермен үйлесімде қолданады. Әдеттеемдеу курсы 7 күннен аспайды.

Ересектер мен 12 жастан асқан балалар: вена ішіне100 мл 0,5% метронидазол ерітіндісінен (500 мг метронидазол) 8 сағат сайын.

Трихополдың ең жоғарғы венаішілік тәуліктік дозасыересектерде 4 г құрайды.

Әдетте Трихополды 7 күн бойы қолданады, бірақ ауыр анаэробтық инфекцияларда 2-3 апта бойы қолданылуы мүмкін.

8 аптадан асқан нәрестелерден 12 жасқа дейінгі балаларға: әдеттегі доза бір реттік доза түрінде тәулігіне 20-30 мг/кг немесе бөлінген доза түрінде әр 8 сағат сайын 7,5 мг/кг-ден құрайды. Тәуліктік доза инфекцияның ауырлығына байланысты40 мг/кг дейін арттырылуы мүмкін. Емдеу ұзақтығы әдетте 7 күнді құрайды.

8 аптаға дейінгі жастағы емшек еметін балалар: бір реттік доза түрінде тәулігіне 15 мг/кг немесе екі рет 7,5 мг/кг-ден дозада әр 12 сағат сайын.

Жаңа туған нәрестелерде <40 апта гестация мерзіміменметронидазолдың жинақталуы өмірінің алғашқы аптасы ішінде болуы мүмкін, сондықтанемдеудің бірнеше күндері бойы қан сарысуында метронидазол концентрациясына мониторинг жүргізген дұрыс.

Бактериялық вагиноз

Жасөспірімдер: 400 мг-ден тәулігіне екі рет 5-7 күн бойы немесе бір реттік доза түрінде 2000 мг.

Урогенитальді трихомониаз

Ересектер және 10 жастан асқан балалар: бір реттік доза түрінде 2000 мг немесе 200 мг-ден тәулігіне 3 рет 7 күн бойы немесе 400 мг-ден тәулігіне екі рет 5-7 күн бойы.

Екі серіктесті де емдеу міндетті.

10 жасқа дейінгі балалар: бір реттік доза түрінде ішке 40 мг/кг немесе 7 күн бойы 2-3 дозаға бөлінген тәулігіне 15-30 мг/кг; 2000 мг/дозаны арттыруға болмайды.

Лямблиоз

Ересектер және 10 жастан асқан балалар: 3 күн бойы тәулігіне бір рет 2000 мг немесе 5 күн бойы тәулігіне үш рет 400 мг-ден немесе 7-10 күн бойы тәулігіне екі рет 500 мг-ден.

7-ден 10 жасқа дейінгі балалар: 1000 мг тәулігіне бір рет 3 күн бойы.

3-тен 7 жасқа дейінгі балалар: 600-ден 800 мг-ге дейін тәулігіне бір рет 3 күн бойы.

1-ден 3 жасқа дейінгі балалар: 500 мг-ден тәулігіне бір рет 3 күн бойы.

Баламалы дозасы дене салмағының кг миллиграммен көрсетілуі мүмкін: тәулігіне 2-3 қабылдауға 15-40 мг/кг.

Амебиаз

10 жастан асқан балалар: 400-ден 800 мг дейін тәулігіне 3 рет 5-10 күн бойы.

7-ден 10 жасқа дейінгі балалар: 200-ден 400 мг дейін тәулігіне 3 рет 5-10 күн бойы.

3-тен 7 жасқа дейінгі балалар: 100-ден 200 мг дейін тәулігіне 4 рет 5-10 күн бойы.

1-ден 3 жасқа дейінгі балалар: 100-ден 200 мг дейін тәулігіне 3 рет 5-10 күн бойы.

Балама ретінде дозалары дене салмағына қарай 5-10 күн бойы тәулігіне 35-50 мг/кг-ден бастап 3 қабылдауға, тәулігіне 2400 мг асырмай көрсетілуі мүмкін.

Пациенттердің ерекше топтары

Бауыр жеткіліксіздігі бар пациенттерде қолдану

Препарат бауырэнцефалопатиясы бар пациенттерде елеулі дәрежеде жинақталуы мүмкін, ал метронидазолдың жоғары концентрациялары қан плазмасында энцефалопатия туғызуы мүмкін. Мұндай пациенттердетәуліктік дозаны⅓ дейін төмендету қажет.

Бүйрек жеткіліксіздігі бар пациенттерде қолдану

Бүйрек жеткіліксіздігі кезінде метронидазолдың биологиялық жартылай шығарылу кезеңі өзгермейді. Мұндай жағдайда препараттың дозасын төмендету міндетті емес. Гемодиализдегі пациенттерде метронидазол мен оның метаболиттері 8 сағат ішіндешығарылады. Диализден кейін бірден Трихополды пациентке екінші қайтара тағайындау керек. Фракциялық перитонеальді диализдегі немесе үздіксіз диализдегі пациенттерде дозаны өзгерту қажет емес.

Егде жастағы пациенттерде қолдану

Препаратты егде жастағы пациенттерде, әсіресе жоғары дозаларды қабылдағанда сақтықпен қолдану керек.

Артық дозалану жағдайында қабылдау қажет болатын шаралар

Симптомдары -жүрек айну, құсу және бас айналу, неғұрлым ауыр жағдайларда атаксия, парестезия және құрысулар байқалуы мүмкін.

Емі: симптоматикалық және демеуші ем. Арнайы антидот жоқ.

Дәрілік препараттың бір немесе бірнеше дозасын өткізіп алу кезінде қажет болатын шаралар

Препараттың кезекті дозасын өткізіп алған кезде оны мүмкіндігінше тезірек қабылдау керек. Егер кезекті дозаны қабылдағанға дейін біраз уақыт қалса, оны жоспарланған уақытта қабылдау керек. Өткізіп алғанды компенсациялау үшін препараттың қос дозасын қабылдамаған жөн.

Дәрілік препаратты қолданар алдында кеңес алу үшін дәрігергежүгініңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау қажет шаралар

Жағымсыз реакциялар жиілігінің сандық критерийлері және жағымсыз реакциялардың жіктелуі жүйелік-ағзалық жіктеуге және олардың туындау жиілігіне сәйкес (Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥ 1/100-ден < 1/10 дейін), жиі емес (≥ 1/1000-нан < 1/100 дейін), сирек (≥ 1/10000-нан < 1/1000 дейін), өте сирек (< 1/10000), белгісіз (қолда бар деректердің негізінде бағалау мүмкін емес).

Жиі емес:

- препараттың зат алмасу үдерісінде суда еритін пигменттердің пайда болуымен байланысты несептің қызыл-қоңыр түске боялуы.

- ауыр емес асқазан-ішек бұзылулары (эпигастриядағы ауырсыну, жүрек айнуы, құсу, диарея)

- ауыздағы құрғау сезімімен қоса жүретін глоссит, стоматит,

дәм сезудің бұзылуы, анорексия

- бас ауыруы, бас айналуы,сананың шатасуы

Сирек:

- беттің қызаруы, қышыну, тері бөртпесі, кейде дене температурасының

жоғарылауымен қатар жүреді

- есекжем, Квинке ісінуі, анафилаксиялық шок

-құрысулар

- шеткері сенсорлық нейропатия

Өтесирек:

- жеделге жуық мишықтық синдром (атаксия, дизартрия, жүрістің бұзылуы, нистагм, тремор)

- МРТ-дағы патологиялық өзгерістермен бірігуі мүмкін энцефалопатия. Әдетте, мұндай бұзылулар емдеуді тоқтатқаннан кейін басылады. Бірен-саран өлім жағдайлары тіркелді

Белгісіз:

- нейтропения, агранулоцитоз, тромбоцитопения

- елестеулер, көңіл-күйдің төмендеуі

- суицид идеяларымен немесе суицид әрекеттерімен бірігуі мүмкін паранойямен және/немесе елірумен жүретін психоздық реакциялар

- асептикалық менингит

- бұлыңғыр көру, диплопия, миопия, көру өткірлігінің төмендеуі, түстерді ажыратудың өзгерістері, нейропатия/оптикалық неврит сияқты көрудің өтпелі бұзылыстары

- препаратты қолдануды тоқтатқаннан кейін басылатын панкреатит

- тілдің түсінің немесе сыртқы түрінің өзгеруі (кандидоз).

- бауыр ферменттері (АЛТ, АСТ, сілтілік фосфатаза) деңгейінің жоғарылауы, цитолизбен (кейде сарғаюмен), холестазбен немесе олардың бірігуімен

жүретін бауырдың жедел зақымдануының жекелеген жағдайлары. Бауыр трансплантациясын қажет ететін бауыр жасушасы жеткіліксіздігінің жекелеген жағдайлары туралы хабарланған.

- жедел жайылған экзантемалық пустулездің жекелеген жағдайлары

- Лайелл синдромы, Стивенс-Джонсон синдромы, бекітілген эритема.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

100 мл ерітіндініңқұрамында

белсенді зат 500 мг метронидазол,

қосымша заттар:натрий гидрофосфат додекагидраты, лимон қышқылымоногидраты, натрий хлориді, инъекцияға арналған су

Сыртқы түрінің, иісінің, дәмінің сипаттамасы

Сәл сарғыш-жасыл түсті, иіссіз дерлік,мөлдір ерітінді

Шығарылу түрі және қаптамасы

Инфузияға арналған жинаққа жалғайтын ұштығы бар полиэтилен құтыда 100 мл препараттан. 1 құтыдан медициналық қолдану жөніндегі қазақ және орыс тілдерінде бекітілген нұсқаулықпен бірге картоннан жасалған қорапшаға салынған.

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Сақтау шарттары

Жарықтан қорғалған жерде, 250С-ден аспайтын температурада сақтау керек.

Химиялық тұрғыдан белсенді немесе өткір иісі бар булар мен газдардың әсерінен қорғау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәліметтер

«Польфарма» АҚ фармацевтикалық зауыты

Пельплиньска к-сі 19, 83-200 Старогард Гданьски, Польша

Телефон нөмірі: +48 58 5631600

Факс нөмірі: +48 58 5622353

Электрондық пошта мекенжайы: phv@polpharma.com

Тіркеу куәлігінің ұстаушысы

«Химфарм» АҚ, Шымкент қ., Қазақстан Республикасы

Телефон нөмірі: +7 7252 (610151)

Автожауапбергіш нөмірі: +7 7252 (561342)

Электрондыпошта: infomed@santo.kz

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Химфарм» АҚ, Қазақстан Республикасы, Шымкент қ., Рашидов к-сі, 81

Телефон нөмірі: +7 7252 (610151)

Автожауапбергіш нөмірі: +7 7252 (561342)

Электронды пошта: complaints@santo.kz; phv@santo.kz