Уголь активированнный №10, табл.
Тауарлардың көрінісі фотосуретте көрсетілгеннен өзгеше болуы мүмкін

Уголь активированнный №10, табл.

67
Қолжетімділігі
Сатылымда бар
Үлгі
4603276000413
Елі
Россия
Өндіруші
Ирбитский химико-фармацев
  • Сипаттама
  • Дәріханалар

Сипаттама

Дәрілік заттың медицинада қолданылуы жөніндегі

нұсқаулық

БЕЛСЕНДІРІЛГЕН КӨМІР

Саудалық атауы

Белсендірілген көмір

Халықаралық патенттелмеген атауы

Жоқ

Дәрілік түрі

Таблеткалар 0.25 г

Құрамы

Бір таблетканың құрамында

белсенді зат - белсендірілген көмір 0.25 г

қосымша зат - картоп крахмалы

Сипаттамасы

Жалпақ цилиндр пішінді, сызығы мен ойығы бар, аздап кедір-бұдырлы, қара түсті таблеткалар.

Фармакотерапиялық тобы

Ас қорыту жолы және зат алмасу. Диареяға қарсы, қабынуға қарсы ішек/микробқа қарсы препараттар. Ішек адсорбенттері. Көмір препараттары. Белсендірілген көмір.

АТХ коды А07ВА01

Фармакологиялық қасиеттері

Фармакокинетикасы

Сіңбейді, ажыратылмайды, 24 сағат ішінде асқазан-ішек жолы арқылы толығымен шығады.

Фармакодинамикасы

Аш ішектен сорулық, уытсыздандырулық және диареяға қарсы әсер етеді. Поливалентті физика-химиялық антидоттар тобына жатады, үлкен беттік белсенділігі бар. Асқазан-ішек жолынан алынған улар мен уыттарды сіңірілгенге дейін, оның ішінде алкалоидтар, гликозидтер, барбитураттар және басқа ұйықтататын және есірткі заттары, ауыр металдардың тұздары, бактериялық, өсімдік, жануар тектес уыттар, фенол, синиль қышқылының туындылары, сульфаниламидтер, газдар адсорбциялайды. Препаратты адсорбциялайды, сондай – ақ кейбір зат алмасу өнімдері-билирубин, мочевина, холестерин, сондай-ақ эндогенді токсикоздың дамуына жауапты эндогенді метаболиттер. Қышқылдар мен сілтілерді әлсіз адсорбциялайды (оның ішінде темір тұздары, цианидтер, малатион, метанол, этиленгликоль) гемоперфузия кезінде сорбент ретінде белсенді. Асқазан-ішек жолдарының шырышты қабығын тітіркендірмейді.

Қолданылуы

  • әр түрлі табиғаттағы экзогенді және эндогенді уыттанулар кезінде уытсыздандыратын дәрі ретінде қолданады;
  • тағамдық токсикоинфекцияны, сальмонеллезді, дизентерияны кешенді емдеуде;
  • дәрілік препараттармен (психотропты, ұйықтататын, есірткілік дәрілермен және т.б.), алкалоидтармен, ауыр металл тұздарымен және басқа да улармен уланған кезде;
  • диспепсиямен, метеоризммен қатар жүретін асқазан-ішек жолы ауруларында;
  • тағамдық және дәрілік аллергияда;
  • гипербилирубинемия (вирусты гепатит және басқа да сарғаюлар) және гиперазотемия (бүйрек жеткіліксіздігі) кезінде;
  • ультрадыбыстық және рентгенологиялық зерттеулер алдында ішекте газдың түзілуін азайту үшін;
  • зиянды өндірісте созылмалы уланудың алдын алу мақсатында.

Қолдану тәсілі және дозалары

Ішке таблеткада немесе алдын ала ұсақтағаннан кейін, су жүзіндісі түрінде, бір сағат тамақтан бұрын және басқа дәрілік заттарды қабылдағаннан кейін қолданады. Препараттың қажетті мөлшерін 1/2 стакан суға ерітеді.

Дозалау режимі: ересектерге орта есеппен 1,0-2,0 г (4-8 таблетка) тәулігіне 3-4 рет тағайындайды. Ересектерге арналған ең жоғары бір реттік доза 8,0 г дейін (32 таблетка).

Балаларға препаратты дене салмағына байланысты орташа есеппен тәулігіне 3 рет 0,05 г/кг есебінен тағайындайды. Ең жоғары бір реттік доза-дене салмағына 0,2 г/кг дейін.

Жедел ауруларда емдеу курсы – 3-5 күн, аллергия және созылмалы аурулар кезінде – 14 күнге дейін. 2 аптадан кейін дәрігердің ұсынымы бойынша қайталап емдеу курсы.

Жедел уланғанда емдеуді асқазанды жуудан белсендірілген көмір қоспасын пайдалана отырып бастайды, содан кейін ішке қабылдауға 20-30 мг препаратты береді.

Метеоризм кезінде ішке 1,0-2,0 г (4-8 таблетка) тәулігіне 3-4 рет тағайындайды. Емдеу курсы 3-7 күн.

Жағымсыз әсерлері

Диспепсия, іш қату немесе іш өту, нәжістің қара түске боялуы. Ұзақ қолданғанда (14 күннен астам) витаминдердің, кальций мен асқазан-ішек жолынан басқа да қоректік заттардың сіңуі төмендеуі мүмкін.

Осы нұсқаулықта жазылмаған жанама әсерлер пайда болған кезде препаратты қабылдауды тоқтату және бұл туралы емдеуші дәрігерге хабарлау керек.

Қолдануға болмайтын жағдайлар

  • аса жоғары сезімталдық;
  • асқазан-ішек жолының ойық жаралы зақымдануы (оның ішінде асқазан мен ұлтабардың жара ауруы, спецификалық емес жара колит);
  • асқазаннан қан кету;
  • ішектің атониясы;
  • әсері сіңгеннен кейін дамитын (метионин және т.б.) уытқа қарсы заттарды бір мезгілде тағайындау.

Дәрілермен өзара әрекеттесуі

Белсендірілген көмір онымен бір мезгілде қабылданатын дәрілік заттардың тиімділігін төмендетеді, асқазан-ішек жолының шырышты қабығына әсер ететін дәрілік заттардың (оның ішінде ипекакуана мен термопсис) тиімділігін азайтады.

Айрықша нұсқаулар

Улануды емдегенде асқазанда (оны жуғанға дейін) және ішекте (асқазанды жуғаннан кейін) белсендірілген көмірдің артығын жасау қажет. Ортада белсендірілген көмір концентрациясының азаюы байланысқан заттың десорбциясына және оның сіңуіне ықпал етеді (босаған заттың резорбциясын болдырмау үшін асқазанды қайта жуу және белсендірілген көмірді тағайындау ұсынылады). Асқазан-ішек жолында тағамдық массалардың болуы жоғары дозада енгізуді талап етеді, өйткені асқазан-ішек жолының ішіндегісін белсендірілген көмірмен сіңіреді және оның белсенділігі төмендейді. Егер улану энтерогепатикалық циркуляцияға қатысатын заттармен (жүрек гликозидтері, индометацин, морфин және басқа да опиаттар) туындаса, бірнеше күн бойы белсендірілген көмірді қолдану қажет. Препаратты 10-14 күннен артық пайдаланған кезде алдын ала дәрумендерді және кальций препараттарын тағайындау қажет.

Қант диабеті бар емделушілерге және құрамында көмірсулар аз диетадағы адамдарға препараттың бір таблеткасында шамамен 47 мг көмірсулар (0,004 ХЕ) бар екенін ескеру қажет.

Құрғақ жерде атмосфераға газдар немесе булар бөлетін заттардан бөлек сақтау ұсынылады. Ауада (әсіресе ылғалды) сақтау сорбциялық қабілетін төмендетеді.

Жүктілік және лактация

Жүктілік және лактация кезеңінде текана үшін болжамды пайдасы ұрық пен балаға төнетін ықтимал қауіптен асып түсетін жағдайда ғана препаратты қолдануға болады. Дәрігермен кеңесу қажет.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Препаратты қолдану назарды жоғары шоғырландыруды және психомоторлық реакцияларды (көлік құралдарын басқару, қозғалатын механизмдермен жұмыс істеу, диспетчер мен оператордың жұмысы) жылдамдатуды талап ететін ықтимал қауіпті қызмет түрлерін орындау қабілетіне әсер етпейді.

Артық дозалануы

Осы уақытқа дейін артық дозалану жағдайлары тіркелмеген.

Шығарылу түрі және қаптамасы

10 таблеткадан пішінді ұяшықсыз қаптамада.

Пішінді ұяшықсыз қаптамалар медицинада қолданылуы жөніндегі қазақ және орыс тілдеріндегі нұсқаулықпен бірге топтық қаптамаға салынады.

Сақтау шарттары

Құрғақ жерде, 25 °С-ден аспайтын температурада.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

«Ирбит химфармзауыты» ААҚ, Ресей

623856, Свердлов обл., Ирбит қ., Киров к-сі, 172

Тел/факс (34355) 3-60-90

Тіркеу куәлігінің ұстаушысы

«Ирбит химфармзауыты» ААҚ, Ресей

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, заңды мекенжайы және байланыс деректері (телефон, факс, электрондық пошта):

Утегенова Б.А. ЖК

050022, Қазақстан, Алматы қ., Мауленова к-сі, 123 «а», 7 пәт.

Тел.: + 77017076181

Электронды поштасы: b.utegenova_ip@mail.ru

Дәріханалар

Тауар артығымен бар
Тауар аз қалды
Аптека №168
ул. Сейфулина 44
09 00-21 00